کوآپریٹو محتسب کا تقرر وزارتِ امدادِ باہمی کی جانب سے گزٹ نوٹیفکیشن مورخہ 05.03.2024 کے ذریعے ملٹی اسٹیٹ کوآپریٹو سوسائٹیز ایکٹ، 2002 میں ترمیم کے بعد کیا گیا ہے۔کوآپریٹو محتسب ملٹی اسٹیٹ کوآپریٹو سوسائٹیز کے اراکین کی جانب سے دائر کی جانے والی شکایات کا جائزہ لیتا ہے، جن میں ان کے ذخائر، معاشرتی سرگرمیوں سے حاصل ہونے والے مساوی فوائد، یا انفرادی حقوق کو متاثر کرنے والے دیگر معاملات شامل ہوتے ہیں۔مزید برآں، کوآپریٹو محتسب کوآپریٹو انفارمیشن آفیسرز کے ذریعے جاری کردہ احکامات کے خلاف اراکین کی اپیلوں پر بطور اپیلیٹ اتھارٹی بھی کام کرتا ہے۔ملٹی اسٹیٹ کوآپریٹو سوسائٹیز رولز، 2002 اس نوعیت کی شکایات اور اپیلوں کے اندراج کے لیے ایک سادہ اور مؤثر طریقہ کار فراہم کرتے ہیں۔ چونکہ یہ ایک نسبتاً نئی پہل ہے، اس لیے اراکین کو شکایت درج کرنے کے عمل کے بارے میں مسلسل رہنمائی اور مشاورت فراہم کی جاتی ہے۔

شکایات اور اپیلوں کے شفاف ، موثر اور ٹیکنالوجی پر مبنی انتظام کے لیے کوآپریٹو محتسب کے لیے ایک آن لائن پورٹل تیار کرنے پر کام شروع ہو گیا ہے ۔

یہ معلومات مرکزی وزیر داخلہ جناب امت شاہ نے لوک سبھا میں ایک تحریری جواب میں دی۔

***

ش ح۔ش ت۔ ر ب۔

U-7443

(रिलीज़ आईडी: 2264264) आगंतुक पटल : 5