ملک بھر میں لوک فن اور ثقافت کی مختلف شکلوں کے تحفظ ، فروغ اور حفاظت کے لیے حکومت ہند نے پٹیالہ ، ناگپور ، ادے پور ، پریاگ راج ، کولکاتا ، دیما پور اور تنجاور میں صدر دفاتر کے ساتھ سات زونل کلچرل سینٹر (زیڈ سی سی) قائم کیے ہیں ۔ یہ زیڈ سی سی اپنے رکن ممالک میں باقاعدگی سے مختلف ثقافتی سرگرمیوں اور پروگراموں کا اہتمام کرتے ہیں ۔

یہ زیڈ سی سی آڈیو ، ویڈیو اور تحریری مواد کی شکل میں معدوم ہونے والی آرٹ کی شکلوں ، لوک کہانیوں ، زبانی روایات اور طریقوں کی دستاویزات بھی کرتے ہیں ۔ دستاویزات اور ڈیجیٹلائزیشن جاری عمل ہیں ۔

زیڈ سی سی کے ذریعے چلائی جانے والی گرو ششیہ پرمپرا اسکیم ایک ایسی پہل ہے، جہاں روایتی استاد نوجوان شاگردوں کو ثقافتی علم کے تسلسل کو یقینی بنانے کے لیے تربیت دیتے ہیں، جس سے فنکاروں ، محققین اور روایات کے کمیونٹی حاملین کو مدد ملتی ہے ۔

زونل کلچرل سینٹرز (زیڈ سی سی ایز) نے لوک فنون اور زبانی روایات کی متعدد اقسام کی شناخت کی ہے، جن میں لوڑی اور کایان گائیکی، ڈانڈی، آنگیر، پردھانی، بھدام اور شائتام رقص، بُرّا کتھا، ویرانتیام، بُٹّا بومالو، ڈپّو، ٹپّیٹا گولّو، کولانّالو، گرگالو، ولاسینی نٹیم، پُلی ویسالُو، پاگٹی ویسالُو، ڈولواور پوجا کنیتا، ویرگاسے، یکشگانا، کرڈی ماجالو، لمبانی کنیتا، نندی دواجہ کنیتا، کرڈی گومبے، امّاتھتا، سوگی کنیتا، سومَن کنیتا، کنیارکالی، کولکالی، کُمّٹی کالی، تمبی تھلّال، مرگم کالی، کتھکالی، اوپنا، تھیرووتھیر اکالی، تھیئم، پڈایانی، پوتھان اور تھیرا، مودی یٹّو، ارجنہ نرتیم، چکّیار کوٹھو، اوٹّن تھلّال، پُلیکالی، کارگاٹّام، اوئیلّاٹّام، پارائی اٹّام (تھپّٹاٹّام)، پُلی اٹّام، پُروائی اٹّام، کاوڈی اٹّام، دیوراٹّام، جملا میلّم، کنیاں کوٹھو، کالی اٹّام، تھڈمباٹّام، کولکالی اٹّام، بمّلاٹّام، تھول پاوائی کوٹھو، تھیرُکوٹھو، چیکّاباجنا، بونالو، پوترایجو، چِرُتھالا بجنا، اوگّو کتھا، چندو یکشگانا، گارڈی ڈانس، نکو باری ڈانس، رانچی کمیونٹی کے اوراؤں، منڈا اور کھریا قبائل کے رقص، لاوا ڈانس، کولکالی، پارچا کالی، ڈفّومُٹّو اور اوپنا شامل ہیں۔

ان فنون کے تحفظ کے لیے کوئی علیحدہ فنڈز مختص نہیں کیے جاتے۔ تاہم گزشتہ پانچ برسوں کے دوران مختلف لوک فنون اور ثقافت کے تحفظ، فروغ اور ترویج کے لیے زونل کلچرل سینٹرز کو دی جانے والی گرانٹ اِن ایڈ کی تفصیلات درج ذیل ہیں۔

(رقم لاکھ روپے میں)

 

زونل کلچرل سینٹرز(زیڈ سی سیز) نوجوانوں کو فعال طور پر شامل کرنے کے ساتھ ہی ہندوستان کے فنی و ثقافتی ورثے کو نئی نسل کے قریب لانے کے لیے مختلف قسم کے پروگرام منعقد کر رہے ہیں۔ ان میں گورو ششیہ پرمپرا اسکیم شامل ہے، جو روایتی فنون میں ماہر فنکاروں کے ذریعے نوجوان سیکھنے والوں کو منظم رہنمائی (مینٹرشپ) فراہم کرتی ہے، جس سے مقامی اور روایتی فنون میں داخلے اور مسلسل تربیت کو فروغ ملتا ہے۔

اس کے علاوہ زیڈ سی سیزکے زیرِ اہتمام شِلپگرام فیسٹیولز دیہات کے فنون کو زندہ رکھنے کےلیے منعقد کیے جاتے ہیں، جہاں دستکاری، لوک فنون اور پرفارمنسز کو پیش کیا جاتا ہے، جس سے نوجوان شرکاء اور ناظرین کو روایتی ثقافتی طریقوں کا عملی اور مکمل تجربہ حاصل ہوتا ہے۔ اس کے علاوہ زیڈ سی سی ملک بھر کے دور دراز اور دیہی علاقوں میں وسیع پیمانے پررابطہ کاری سرگرمیاں منعقد کرتے ہیں تاکہ آگاہی پیدا کی جا سکے اور نوجوانوں کو  ہندوستان کے متنوع فنون میں شرکت کی ترغیب دی جا سکے۔

زیڈ سی سیز باقاعدگی سے نوجوانوں پر مرکوز فیسٹیولز، ورکشاپس اور مقابلے بھی منعقد کرتے ہیں، جن میں لوک رقص، موسیقی، مصوری اور متعلقہ شعبوں میں عملی تربیت جیسے انٹرایکٹو اجزاء شامل ہوتے ہیں۔ ان مسلسل اقدامات کے ذریعے زیڈ سی سیز میں نوجوان نسل کی رجسٹریشن، مہارت کی ترقی اور آؤٹ ریچ سرگرمیوں میں اضافہ دیکھا جا رہا ہے، جبکہ ساتھ ہی یہ اقدامات نوجوانوں میں ثقافتی فخر کو فروغ دے رہے ہیں اور ان کی فنی صلاحیتوں کو نکھار رہے ہیں۔

زیڈ سی سیز معدوم ہوتے فنون کی اقسام اور زبانی روایات کی دستاویز بندی بھی کر رہے ہیں اور پرانے ریکارڈز کو ڈیجیٹل فارمیٹ میں منتقل کر رہے ہیں، خاص طور پر ان صورتوں میں جہاں پرانے ریکارڈز ڈیجیٹل طور پر دستیاب نہیں ہیں۔اس کے علاوہ، تعلیمی اداروں، ثقافتی تنظیموں اور ماہرین کے ساتھ تعاون بھی کیا جا رہا ہے تاکہ دستاویز بندی کے معیار، وسعت اور درستگی کو بہتر بنایا جا سکے۔ یہ تمام اقدامات مسلسل نوعیت کے حامل ہیں، جو اس بات کی عکاسی کرتے ہیں کہ دستاویز بندی، ڈیجیٹل آرکائیونگ اور روایتی علم کی منتقلی میں موجود خلا کو بتدریج اور مسلسل طویل المدتی آرکائیول اور علمی منتقلی کی کوششوں کے ذریعے پورا کیا جا رہا ہے۔

زونل کلچرل سینٹرز (زیڈ سی سیز) طویل المدتی اقدامات نافذ کر رہے ہیں، جن میں گورو شِشہ پرمپرہ کے تحت مسلسل تربیت، معدوم ہوتی ہوئی فنون کی دستاویز بندی، روایتی فنکاروں کی معاونت، نوجوانوں کی حوصلہ افزائی اور ریاستی حکومتوں اور مقامی کمیونٹیز کے اشتراک سے باقاعدہ ثقافتی پروگرام شامل ہیں، تاکہ ثقافتی ورثے کے ناقابلِ تلافی نقصان کو روکا جا سکے۔

اس کے علاوہ  وزارت ثقافت، حکومتِ ہند اپنے زونل کلچرل سینٹرز (جو وزارت ثقافت کے تحت خودمختار ادارے ہیں) کے ذریعے راشٹریہ سنسکرتی مہوتسو(آر ایس ایم ایز) کا انعقاد کرتی ہے تاکہ روایت، ثقافت، ورثے اور ہمارے ملک کی شاندار تنوع کی روح کا جشن منایا جا سکے۔ اس مہوتسو کا بڑا  مقصد ہندوستان کے ثقافتی ورثے کا تحفظ، فروغ اور اسے عام کرنا، نوجوان نسل کو اپنی روایات سے دوبارہ جوڑنا اور اتحاد میں تنوع کے ذریعے دنیا کے سامنے ملک کی نرم طاقت کو پیش کرنا ہے۔

2015 سے اب تک وزارت نے اپنے سات زیڈ سی سیز کے ذریعے 14 راشٹریہ سنسکرتی مہوتسو اور 4 زونل سطح کے آر ایس ایم ایز کا انعقاد کیا ہے۔ ان  آر ایس ایم ایز/زونل  آر ایس ایم ایزمیں مجموعی طور پر 12,543 فنکاروں نے شرکت کی ہے۔ ان فنکاروں کو اعزازیہ، ٹی اے/ڈی اے، مقامی نقل و حمل، رہائش اور کھانے پینے کی سہولت وغیرہ فراہم کی گئی تاکہ وہ اپنی روزی روٹی کما سکیں۔

یہ معلومات مرکزی وزیر برائے ثقافت و سیاحت جناب گجیندر سنگھ شیخاوت نے آج راجیہ سبھا میں ایک تحریری جواب فراہم کیں۔

********

 

ش ح۔ م ع ن۔ ج ا

Uno-7415

(रिलीज़ आईडी: 2264025) आगंतुक पटल : 13