سڑک ٹرانسپورٹ اور شاہراہوں کے وزیر جناب نتن گڈکری نے آج نئی دہلی میں منعقدہ ایک اعلیٰ سطحی میٹنگ کے دوران آسام میں 4,178 کلومیٹر طویل قومی شاہراہ پروجیکٹوں کے معیار اور دیکھ بھال کے سلسلے میں پیش رفت کا جائزہ لیا۔ یہ جائزہ میڈیا اور سوشل میڈیا چینلز کے ذریعے موصول ہونے والی معلومات کی بنیاد پر کیا گیا۔ میٹنگ میں مرکزی وزرائے مملکت جناب اجے ٹمٹا اور جناب ہرش ملہوترا کے ساتھ ساتھ نیشنل ہائی ویز اتھارٹی آف انڈیا (این ایچ اے آئی)، نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹیڈ(این ایچ آئی ڈی سی ایل)، روڈ ٹرانسپورٹ اور ہائی ویز کی وزارت (ایم او آر ٹی ایچ) اور پروجیکٹ کے ٹھیکیداروں  نے بھی شرکت کی۔

جناب گڈکری نے نچلی سطح پر عمل درآمد کو تیز کرنے، معیار کی نگرانی کے طریقہ کار کو مضبوط بنانے اور اثاثوں کی پائیداری کو بڑھانے اور رابطے کے معیار کو بہتر بنانے کے لیے جدید تعمیراتی طریقہ کار کو اپنانے کی ضرورت پر زور دیا۔ انہوں نے حکام کو مانسون کی تیاری کے جدید اقدامات کو اپنانے کی بھی ہدایت کی جن میں پانی کی نکاسی کے مضبوط نظام، ڈھلوان سے تحفظ اور تیزی سے اقدامات کرنے کے عوامل شامل ہیں جس سے رکاوٹوں کو کم کرنے اور اہم راستوں پر مسافروں کے تحفظ کو یقینی بنانے  میں مدد ملے گی۔

****

 (ش ح ۔  ع و۔ع ن)

U. No. 7361

 

(रिलीज़ आईडी: 2263591) आगंतुक पटल : 24