بین شعبہ جاتی تحقیقی طریقۂ کار کے ذریعے پیچیدہ اور نظام سے متعلق چیلنجز سے نمٹنے کے لیے سماجی علوم اور انسانی علوم کے فریم ورک میں سائنسی علم کے گہرے انضمام کو فروغ دینے کی غرض سے،انوسندھان نیشنل ریسرچ فاؤنڈیشن (اے این آر ایف) نے اپنے ایک اہم پہل میں سے ایک کے تحت  10 کنورجنس ریسرچ سینٹر آف ایکسیلنس (سی او ای ایس)اداروں کے انتخاب کا اعلان کیا ہے۔یہ اقدام ایسے نمایاں مراکز کے قیام کے لیے ہے جو سماجی علوم، انسانی علوم، سائنس اور ٹیکنالوجی کو یکجا کرتے ہوئے مربوط اور بین شعبہ جاتی تحقیق کے ذریعے پیچیدہ سماجی مسائل کے حل پر کام کریں گے۔

اس پروگرام کے تحت منتخب کیے گئے 10 اے این آر ایف- سی او ای ایس مختلف موضوعاتی شعبوں میں قائم کیے جائیں گے۔

پروگرام کے تحت یہ شرط عائد کی گئی ہے کہ ہر مرکز  میں اندرونی یا بین شعبہ جاتی اشتراک لازمی ہوگا، چاہے یہ ایک ہی ادارے کے اندر ہو یا مختلف تعلیمی و سرکاری اداروں کے درمیان۔ اس میں مختلف وزارتوں/محکموں کے تحت کام کرنے والے ادارے یا نجی تعلیمی ادارے بھی شامل ہو سکتے ہیں۔ ان مراکز سے وابستہ سی او- پرنسپل انویسٹی گیٹر ایک متنوع نیٹ ورک کی نمائندگی کرتے ہیں، جو مجموعی طور پر 20 مختلف اداروں سے تعلق رکھتے ہیں، جن میں ریاستی یونیورسٹیوں، سینٹرل یونیورسٹیوں، آئی آئی ٹیز، این آئی ٹیز ، پرائیویٹ یونیورسٹیوں، کالجز اور تسلیم شدہ تحقیق و ترقی کے ادارے شامل ہیں۔

اس پروگرام کو تعلیمی و تحقیقی اداروں کی جانب سے غیر معمولی پذیرائی حاصل ہوئی ہے، جس کے تحت 945 تجاویز موصول ہوئیں، جو اس اقدام کی مضبوط قومی اہمیت اور افادیت کی عکاسی کرتی ہیں۔

اے این آر ایف کنورجنس ریسرچ سینٹر آف ایکسیلنس  پروگرام کو قومی تعلیمی پالیسی (این ای پی)2020 سے تحریک حاصل ہے، جو بین الشعبہ جاتی تعلیم و تحقیق اور مختلف علمی شعبوں کے درمیان بہتر رابطے پر زور دیتی ہے۔ یہ پروگرام “وِکست بھارت 2047” کے وژن سے بھی ہم آہنگ ہے، جس کا مقصد آزادی کے صد سالہ جشن تک بھارت کو ایک ترقی یافتہ، جامع، اختراعی اور خود انحصار ملک بنانا ہے۔

سائنسی گہرائی اور سیاق پر مبنی  فہم کو مشترک کرتے ہوئے اس پروگرام کے ذریعے علاقائی اور قومی چیلنجز کے جامع حل تلاش کرنے کی کوشش ہے۔ مصنوعی ذہانت، روبوٹکس اور بگ ڈیٹا جیسے دور میں ایسے بین شعبہ جاتی اشتراک نئے سماجی و معاشی امکانات کو جنم دے سکتے ہیں اور پائیدار ترقی کے اہداف (ایس ڈی جیز) کے حصول میں مددگار ثابت ہو سکتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  ع ح۔ع ن)

U. No. 7300

(ریلیز آئی ڈی: 2263124) وزیٹر کاؤنٹر : 17