ہندوستان زنک لمیٹڈ نے حکومت ہند کے معزز مرکزی وزیر برائے کوئلہ و کان کنی، جناب جی کشن ریڈی کی راجستھان میں واقع اپنے راج پورہ دریبا کمپلیکس میں میزبانی کی۔ اس دورے میں کمپنی کی سندھسر خورد کان، جو دنیا کی سب سے بڑی چاندی پیدا کرنے والی اور ٹیکنالوجی سے لیس جدید زیرِ زمین کانوں میں شمار ہوتی ہے، اور دریبا اسمیلٹنگ کمپلیکس، جو ایک جدید ترین اسمیلٹنگ سہولت ہے، کا جامع دورہ شامل تھا۔

حکومت ہند کے معزز مرکزی وزیر برائے کوئلہ و کان کنی، جناب جی کشن ریڈی نے کہا، ”وکست بھارت 2047 کی جانب بھارت کا سفر اس کے معدنی وسائل، مقامی صلاحیتوں اور مستقبل کے تقاضوں سے ہم آہنگ صنعتوں کی مضبوط بنیاد پر استوار ہوگا۔ ہندوستان زنک کے آپریشن اس بات کی عکاسی کرتے ہیں کہ ملک کا کان کنی شعبہ کس طرح ایک جدید، ذمہ دار اور ٹیکنالوجی پر مبنی قومی ترقی کے محرک میں تبدیل ہو رہا ہے۔ کان کنی سے دھات سازی تک اس کی مربوط اور ٹیکنالوجی کو ترجیح دینے والی صلاحیتیں، حفاظت، اختراع، متنوع افرادی قوت اور کمیونٹی ترقی پر توجہ، معزز وزیر اعظم جناب نریندر مودی کے خود کفیل صنعتی نظام کے وژن کی نمائندگی کرتی ہیں۔

جیسے جیسے بھارت اہم معدنیات کی ویلیو چین کو مضبوط بنا رہا ہے، ہندوستان زنک درآمدی انحصار کم کرنے، مقامی وسائل سے زیادہ قدر حاصل کرنے اور مینوفیکچرنگ و طویل مدتی معاشی استحکام کو فروغ دینے میں اہم کردار ادا کرے گا۔ ذمہ دار کانکنی اس تبدیلی کا مرکزی ستون ہوگی، جو بھارت کو اپنی معدنی صلاحیت کو قومی طاقت، صنعتی مسابقت اور ہمہ گیر ترقی میں تبدیل کرنے کے قابل بنائے گی۔“

سالانہ 1.1 ملین ٹن سے زائد ریفائنڈ دھات پیداوار کی صلاحیت کے ساتھ، ہندوستان زنک بھارت کی معدنی سلامتی اور مقامی دھاتی نظام کو مضبوط بنانے میں ایک اسٹریٹجک کردار ادا کرتا ہے۔ اس دورے نے بھارت کے کان کنی اور دھاتوں کے شعبے کی بڑھتی ہوئی اسٹریٹجک اہمیت کو اجاگر کیا، جو ملک کے بنیادی ڈھانچے کی توسیع، مینوفیکچرنگ ترقی، توانائی کی منتقلی اور ابھرتی ہوئی ٹیکنالوجیوں کے لیے درکار خام مال کی فراہمی کو یقینی بنانے میں کلیدی حیثیت رکھتا ہے۔

زنک، سیسہ اور چاندی جیسی دھاتیں اسٹیل گیلوانائزیشن، قابل تجدید توانائی، برقی نقل و حرکت، الیکٹرانکس، دفاع اور جدید مینوفیکچرنگ جیسے شعبوں کے لیے نہایت اہم ہیں۔ معزز وزیر اعظم جناب نریندر مودی کے آتم نربھر بھارت کے وژن کے تحت جب بھارت عالمی سطح پر مسابقتی اور خود کفیل مینوفیکچرنگ و صنعتی معیشت بننے کی جانب بڑھ رہا ہے، تو بڑے پیمانے پر، ٹیکنالوجی پر مبنی اور عالمی معیار کی کانکنی سرگرمیوں کی ترقی درآمدی انحصار کم کرنے، معدنی سلامتی مضبوط بنانے اور قوم کے لیے طویل مدتی معاشی قدر پیدا کرنے میں اہم کردار ادا کرے گی۔

اس دورے کے دوران معزز وزیر کے ہمراہ ہندوستان زنک کے سی ای او جناب ارون مشرا، وزارت کان کنی کے جوائنٹ سکریٹری جناب وویک باجپئی، اور کمپنی کی سینیئر قیادت کی ٹیم بھی موجود تھی۔ دورے کے دوران معزز وزیر نے سندھسر خورد کان کا زیر زمین معائنہ کیا، جو اپنے بڑے پیمانے، چاندی سے بھرپور معدنی ذخائر اور حفاظت، پیداواری صلاحیت اور آپریشنل عمدگی پر مبنی ٹیکنالوجی سے لیس طریقۂ کار کے باعث زیرِ زمین کانکنی میں ایک مثالی حیثیت رکھتی ہے۔ انہوں نے پروڈکٹ گیلری کا دورہ کیا اور ایک خصوصی ویڈیو و پریزنٹیشن کے ذریعے کان کی تاریخ، پیداواری صلاحیت، حفاظتی نظام، پیسٹ فلنگ اور ٹیلی ریموٹ آپریشنز کے بارے میں بریفنگ حاصل کی۔ انہوں نے کنٹرول روم کا بھی دورہ کیا اور ریموٹ سے چلنے والے آلات کا جائزہ لیا، جہاں انہوں نے محفوظ اور زیادہ مؤثر زیرِ زمین کانکنی کے لیے کمپنی کے ٹیکنالوجی پر مبنی طریقۂ کار کا مشاہدہ کیا۔ معزز وزیر نے بھارت کی پہلی خواتین مائن ریسکیو ٹیم کی براہ راست مشق بھی دیکھی اور کانکنی سرگرمیوں میں شمولیت، صلاحیت سازی اور حفاظتی معیار کو فروغ دینے کے لیے کمپنی کی کوششوں کو سراہا۔

 

انہوں نے سندھسر خورد کان کی کینٹین میں ظہرانے کے دوران 54 زنک رتن کنٹریکٹ کارکنوں، خواتین مائننگ انجینئر اور دیگر ملازمین سے ملاقات کی اور ہندوستان زنک کی آپریشنل عمدگی اور بھارت کے کانکنی شعبے کی ترقی میں ان کے کردار کو سراہا۔

دریبا اسمیلٹنگ کمپلیکس میں معزز وزیر نے کنٹرول روم، سیل ہاؤس اور کیتھوڈ یارڈ کا دورہ کیا، جہاں انہوں نے ہندوستان زنک کی کانکنی سے دھات سازی تک مربوط صلاحیتوں اور محفوظ، ذمہ دارانہ اور ویلیو ایڈڈ دھاتوں کی پیداوار پر اس کی توجہ کا جائزہ لیا۔

انہوں نے کمپلیکس میں خواتین قائدین سے بھی ملاقات کی اور شمولیت، قیادت سازی اور افرادی قوت میں تنوع کے فروغ کے لیے ہندوستان زنک کی کوششوں کو سراہا، جس میں دھاتوں اور کانکنی کے شعبے میں کمپنی کی 26.3 فیصد خواتین افرادی قوت بھی شامل ہے۔

 

 

انہوں نے کمپنی کے نمایاں اونچی اڑان پروگرام سے مستفید ہونے والے افراد سے بھی ملاقات کی، جنہوں نے کامیاب کیریئر قائم کیے ہیں اور اب کول انڈیا میں ملازمت کر رہے ہیں۔

 

 

انہیں ہندوستان زنک کے پائیداری کے سفر کے بارے میں بھی بریفنگ دی گئی، جس میں ذمہ دار کانکنی، وسائل کے مؤثر استعمال، آبی وسائل کے تحفظ، توانائی کی منتقلی، کم کاربن ترقی اور تمام آپریشنوں میں ٹیکنالوجی پر مبنی تبدیلی کے لیے کی جانے والی کوششیں شامل تھیں۔ بات چیت کا مرکز بھارت کی کانکنی کمپنیوں کا معدنی سلامتی کو فروغ دینے، مقامی ویلیو چینز کو مضبوط بنانے اور ملک کی طویل مدتی معاشی ترقی میں معاونت کے کردار پر رہا۔

  ***

ش ح۔ ف ش ع

U: 7227

(ریلیز آئی ڈی: 2262516) وزیٹر کاؤنٹر : 13