این ایم ڈی سی نے آج جھارکھنڈ کے ضلع ہزاری باغ میں واقع ٹوکیسود نارتھ کوئلہ کان میں کوئلہ کان کنی کے کاموں کا آغاز کیا۔ 23 جنوری 2026 کو ہونے والی اس افتتاحی تقریب کے ساتھ این ایم ڈی سی نے باضابطہ طور پر کوئلہ کی کان کنی کے شعبے میں قدم رکھ دیا ہے، جو کمپنی کی لوہے کی دھات سے آگے اسٹریٹجک توسیع میں ایک اہم سنگ میل ہے، جس سے مشرقی ہندوستان میں اس کی موجودگی مزید مضبوط ہوئی ہے۔

ٹوکیسود نارتھ کوئلہ کان این ایم ڈی سی کی اسٹریٹجک تنوع کی سفر میں ایک اہم قدم ہے، جو لوہے کی دھات کی کان کنی، ہیرا کان کنی اور بیرون ملک سونے کے منصوبوں میں اس کی موجودہ موجودگی کی تکمیل کرتا ہے۔ کوئلہ کان کنی کی صلاحیت میں اضافہ سے ملک میں کوئلے کی دستیابی میں اضافہ، بجلی کے شعبے کو سہارا ملنے اور “وِکست بھارت” کے تصور کے مطابق  ہندوستان کی توانائی تحفظ کو مضبوط بنانے کی توقع ہے۔

 

این ایم ڈی سی کی تنوع کی اسٹریٹجک سمت وزیر اعظم نریندر مودی کے ذریعے بیان کردہ قومی وژن کے مطابق ہے۔ 15 اگست 2025 کو اپنے خطاب میں عزت مآب وزیر اعظم نے معدنی خود کفالت کی اہمیت پر زور دیتے ہوئے کہا: “اہم معدنیات میں خود کفالت ہمارے لیے بھی انتہائی ضروری ہے۔ چاہے توانائی کا شعبہ ہو، صنعت کا شعبہ ہو، دفاعی شعبہ ہو یا کوئی اور ٹیکنالوجی کا شعبہ، آج اہم معدنیات ٹیکنالوجی میں بہت اہم کردار ادا کرتی ہیں، اسی لیے ہم نے قومی اہم مشن شروع کیا ہے۔ 1,200 سے زیادہ مقامات پر تلاش کے منصوبے جاری ہیں اور ہم اہم معدنیات میں بھی خود کفیل ہونے کی سمت میں آگے بڑھ رہے ہیں۔‘‘

مرکزی وزیر برائے فولاد و بھاری صنعت، ایچ ڈی کماراسوامی نے اسٹریٹجک تنوع کی اہمیت پر زور دیتے ہوئے کہاکہ “این ایم ڈی سی کو ایک ہی معدنیات پر مرکوز کان کنی کمپنی سے ہٹ کر ایک اسٹریٹجک طور پر متنوع اور مستقبل کے لیے تیار کان کنی کمپنی کے طور پر ترقی کرنی چاہیے۔ این ایم ڈی سی کو کوئلہ، اہم معدنیات اور دیگر اسٹریٹجک وسائل کے شعبوں میں توسیع کرتے ہوئے اپنی سرمایہ کاری کو قومی پالیسی کی ترجیحات کے مطابق ڈھالنا ہوگا۔ یہ تنوع  ہندوستان کےوسائل  کے تحفظ اور طویل مدتی معاشی استحکام کو مضبوط بنانے کے لیے ضروری ہے۔”

ٹوکیسود نارتھ منصوبہ بڑے پیمانے پر گرین فیلڈ کان کنی منصوبوں کی ترقی اور آپریشن میں این ایم ڈی سی کی ثابت شدہ صلاحیتوں کو اجاگر کرتا ہے۔ ذمہ دار اور پائیدار کان کنی کی اپنی طویل المدتی روایت کو جاری رکھتے ہوئے، این ایم ڈی سی اس کان میں حفاظت، ماحولیاتی تحفظ اور کمیونٹی کی شمولیت کے اعلیٰ ترین معیارات برقرار رکھنے کے لیے پرعزم ہے۔

اس کوئلہ کان سے جھارکھنڈ میں روزگار کے مواقع پیدا کرنے، بنیادی ڈھانچے کی ترقی اور آس پاس کے علاقوں میں سماجی و اقتصادی ترقی کے ذریعے جامع علاقائی ترقی میں اہم کردار ادا کرنے کی توقع ہے، جس سے اسٹریٹجک معدنی تنوع کے ذریعے قومی ترقی کے اہم محرک کے طور پر این ایم ڈی سی کا کردار مزید مضبوط ہوتا ہے۔

 

***

 

 

ش ح ۔م ع ا۔  ن ع

U. No.7114

(ریلیز آئی ڈی: 2261463) وزیٹر کاؤنٹر : 6