ہندوستان کی سب سے بڑی لوہابنانےوالی کمپنی این ایم ڈی سی لمیٹڈ اور نورتن سی پی ایس ای نےاسٹیل کی وزارت کے تحت ایک ہی مالی سال میں 50 ملین ٹن (ایم ٹی) لوہے کی پیداوار کرکے ملک کی پہلی کان کنی کمپنی بن کر تاریخ رقم کی ہے ، یہ ایک اہم سنگ میل ہے جو مالی سال 26-2025 کے اختتام سے کچھ قبل ہی حاصل ہوا ہے ۔  ہندوستان کے خام لوہے کے وسائل کو فروغ دینے کے لیے 1958 میں قائم کیے گئے ، این ایم ڈی سی نے 1978 میں تقریبا 10 ایم ٹی کی پیداوار کی تھی ۔  دہائیوں کے عرصے کےدوران ، پیداوار مالی سال 26-2025 میں تاریخی طور پر 50 ایم ٹی تک پہنچنے کے لیے اس میں پانچ گنا اضافہ ہوا ہے ، جو ہندوستان کے لوہے کی سپلائی چین کی ریڑھ کی ہڈی میں کمپنی کی مستحکم تبدیلی کی عکاسی کرتی ہے ۔

این ایم ڈی سی کا 50 ملین ٹن کے نشانے تک پہنچنا بھی حالیہ برسوں میں ترقی میں تیزی کی نشاندہی کرتا ہے ۔  2015 کے بعد سے پیداوار میں تقریباًدو تہائی اضافہ ہوا ہے ، جو تقریباً 30 ایم ٹی سے بڑھ کر 50 ایم ٹی ہو گئی ہے ،  محض پچھلے چار سالوں میں موجودہ صلاحیت کا تقریباً پانچواں حصہ شامل کیا گیا ہے جو کمپنی کی تاریخ میں سب سے تیز توسیع کے مرحلے کو ظاہر کرتا ہے۔

اب جبکہ ہندوستان 2030 تک اسٹیل بنانے کی صلاحیت کو 300 ملین ٹن تک بڑھانے کے اپنے ہدف کی جانب بڑھ رہا ہے ، لوہے کی مستحکم اور قابل اعتماد گھریلو فراہمی کو یقینی بنانا اہمیت کی حامل ایک ترجیح بن گئی ہے ۔

مذکورہ کامیابی پر تبصرہ کرتے ہوئے این ایم ڈی سی لمیٹڈ کے چیئرمین اور منیجنگ ڈائریکٹر جناب امیتو مکھرجی نے کہا کہ‘‘50 ملین ٹن تک پہنچنا ایک قابل ذکر کامیابی ہے اور یہ این ایم ڈی سی 2.0 کے تحت کی گئی مضبوط پیش رفت کی عکاسی کرتی ہے’’ ۔  جس کی تعمیر میں کئی دہائیوں کا عرصہ لگا ہے۔ واضح عزم کے ساتھ ہم نے محض چند سالوں میں تیز عمل درآمد ، کان کنی کے ذمہ دارانہ طریقوں اور قومی ترجیحات کے لیے اس میں تیزی لائی ہے ۔  ہندوستان کی سب سے بڑی لوہابنانےوالی کمپنی بنناایک بہت بڑی ذمہ داری ہے ، اور اس  سنگ میل کو حاصل کرنا نہ صرف ہماری  اس ضمن میں کارروائیوں کی طاقت کی عکاسی کرتا ہے بلکہ ملک کے اسٹیل کے ماحولیاتی نظام میں معاونت کے لیے ہم پر کیے گئے اعتماد کی بھی عکاسی کرتا ہے ۔

چھتیس گڑھ اور کرناٹک کے معدنیات سے مالا مال علاقوں میں انتہائی مشینی کارروائیوں کے ساتھ ، این ایم ڈی سی ملک کی خام لوہے کی حفاظت کو یقینی بنانے کے لیے مرکزی حیثیت رکھتی ہے ۔  مذکورہ کمپنی آپریشنل ایکسی لینس ، تکنیکی ترقی، اور ذمہ دار کان کنی کے طریقوں پرمسلسل توجہ مرکوز کرتی رہتی ہے ، کیونکہ یہ ترقی کے اگلے مرحلے کی جانب گامزن ہے۔

****

ش ح۔ش م۔ ش ا

U NO: 6994

(ریلیز آئی ڈی: 2260502) وزیٹر کاؤنٹر : 9