ਚੀਫ਼ ਔਫ਼ ਡਿਫੈਂਸ ਸਟਾਫ਼ (ਸੀਡੀਐਸ), ਜਨਰਲ ਅਨਿਲ ਚੌਹਾਨ,  ਨੇ ਅੱਜ ਨਵੀਂ ਦਿੱਲੀ ਵਿੱਚ ਹੈੱਡਕੁਆਰਟਰ ਇੰਟੀਗ੍ਰੇਟਿਡ ਡਿਫੈਂਸ ਸਟਾਫ਼ ਅਤੇ ਸੈਂਟਰ ਫਾਰ ਜੁਆਇੰਟ ਵਾਰਫੇਅਰ ਸਟੱਡੀਜ਼ (ਸੀਜੇਡਬਲਿਊਐੱਸ) ਦੁਆਰਾ ਸਾਂਝੇ ਤੌਰ 'ਤੇ ਆਯੋਜਿਤ ਬ੍ਰੇਨ-ਕੰਪਿਊਟਰ ਇੰਟਰਫੇਸ (ਬੀਸੀਆਈ): ਬੋਧਾਤਮਕ ਸਮਰੱਥਾਵਾਂ ਅਤੇ ਇਸਦੇ ਰਣਨੀਤਕ ਪ੍ਰਭਾਵ 'ਤੇ ਇੱਕ ਕਾਨਫਰੰਸ ਦਾ ਉਦਘਾਟਨ ਕੀਤਾ। ਚੀਫ਼ ਔਫ਼ ਸਟਾਫ ਕਮੇਟੀ (ਸੀਓਐਸਸੀ) ਦੇ ਇੰਟੀਗ੍ਰੇਟਿਡ ਡਿਫੈਂਸ ਸਟਾਫ਼ ਦੇ ਮੁਖੀ ਏਅਰ ਮਾਰਸ਼ਲ ਆਸ਼ੂਤੋਸ਼ ਦੀਕਸ਼ਿਤ ਦੁਆਰਾ ਸੰਕਲਪਿਤ, ਇਸ ਕਾਨਫਰੰਸ ਨੇ ਬ੍ਰੇਨ-ਕੰਪਿਊਟਰ ਇੰਟਰਫੇਸ ਦੇ ਉੱਭਰ ਰਹੇ ਖੇਤਰ ਅਤੇ ਇਸਦੀ ਰਣਨੀਤਕ ਮਹੱਤਤਾ 'ਤੇ ਵਿਚਾਰ-ਵਟਾਂਦਰਾ ਕਰਨ ਲਈ ਸੀਨੀਅਰ ਫੌਜੀ ਲੀਡਰਸ਼ਿਪ, ਨੀਤੀ ਨਿਰਮਾਤਾਵਾਂ, ਵਿਗਿਆਨੀਆਂ, ਮੈਡੀਕਲ ਮਾਹਿਰਾਂ, ਉਦਯੋਗ ਪ੍ਰਤੀਨਿਧੀਆਂ, ਸਟਾਰਟਅੱਪਸ ਅਤੇ ਅਕਾਦਮਿਕ ਖੇਤਰਾਂ ਨੂੰ ਇਕੱਠਾ ਕੀਤਾ।

ਆਪਣੇ ਸਵਾਗਤੀ ਭਾਸ਼ਣ ਵਿੱਚ, ਸੈਂਟਰ ਫਾਰ ਜੁਆਇੰਟ ਵਾਰਫੇਅਰ ਸਟੱਡੀਜ਼ ਦੇ ਡਾਇਰੈਕਟਰ ਜਨਰਲ, ਮੇਜਰ ਜਨਰਲ (ਡਾ.) ਅਸ਼ੋਕ ਕੁਮਾਰ (ਸੇਵਾਮੁਕਤ) ਨੇ ਨਿਊਰਲ ਤਕਨਾਲੋਜੀਆਂ ਦੀ ਪਰਿਵਰਤਨਸ਼ੀਲ ਸੰਭਾਵਨਾ 'ਤੇ ਚਾਨਣਾ ਪਾਇਆ ਅਤੇ ਕਿਹਾ ਕਿ ਬ੍ਰੇਨ-ਕੰਪਿਊਟਰ ਇੰਟਰਫੇਸ ਇੱਕ ਅਜਿਹੀ ਪ੍ਰਕਿਰਿਆ ਹੈ ਜਿੱਥੇ ਮਨੁੱਖੀ ਦਿਮਾਗ ਤੋਂ ਨਿਊਰਲ ਸਿਗਨਲਾਂ ਨੂੰ ਅਰਥਪੂਰਨ ਕਿਰਿਆਵਾਂ ਅਤੇ ਪਰਿਵਰਤਨਸ਼ੀਲ ਨਤੀਜਿਆਂ ਵਿੱਚ ਬਦਲਿਆ ਜਾ ਸਕਦਾ ਹੈ।

ਆਪਣੇ ਉਦਘਾਟਨੀ ਭਾਸ਼ਣ ਵਿੱਚ, ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਦੇ ਡਾਇਰੈਕਟਰ ਜਨਰਲ, ਵਾਈਸ ਐਡਮਿਰਲ ਆਰਤੀ ਸਰੀਨ ਨੇ ਮਨੁੱਖੀ ਬੋਧ ਅਤੇ ਕੰਪਿਊਟੇਸ਼ਨਲ ਪ੍ਰਣਾਲੀਆਂ ਵਿਚਕਾਰ ਵਧ ਰਹੇ ਕਨਵਰਜੈਂਸ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਬੋਧ ਅਤੇ ਗਣਨਾ ਵਿਚਕਾਰ ਰਵਾਇਤੀ ਅੰਤਰ, ਜਿਨ੍ਹਾਂ ਨੂੰ ਕਦੇ ਕਲਪਨਿਕ ਮੰਨਿਆ ਜਾਂਦਾ ਸੀ, ਤੇਜ਼ੀ ਨਾਲ ਮਿਲ ਰਹੇ ਹਨ।

ਆਈਆਈਟੀ ਦਿੱਲੀ ਦੇ ਇਲੈਕਟ੍ਰੀਕਲ ਅਤੇ ਬਾਇਓਮੈਡੀਕਲ ਇੰਜੀਨੀਅਰਿੰਗ ਵਿਭਾਗ ਦੇ ਪ੍ਰੋਫੈਸਰ ਅਤੇ ਮੁਖੀ ਡਾ. ਟੀ.ਕੇ. ਗਾਂਧੀ ਨੇ ਬ੍ਰੇਨ-ਕੰਪਿਊਟਰ ਇੰਟਰਫੇਸਾਂ ਦੇ ਇੱਕ ਵਿਚਾਰਕ ਸੰਕਲਪ ਤੋਂ ਇੱਕ ਵਿਹਾਰਕ ਵਿਗਿਆਨਕ ਹਕੀਕਤ ਵੱਲ ਤੇਜ਼ੀ ਨਾਲ ਵਿਕਾਸ ਬਾਰੇ ਚਰਚਾ ਕੀਤੀ, ਕਿਹਾ ਕਿ ਬ੍ਰੇਨ-ਕੰਪਿਊਟਰ ਇੰਟਰਫੇਸਾਂ ਦੇ ਉਪਯੋਗ ਜਨਤਕ ਭਲਾਈ ਅਤੇ ਯੁੱਧ ਦੇ ਮੈਦਾਨ ਦੋਵਾਂ ਵਿੱਚ ਫੈਲ ਰਹੇ ਹਨ।

ਕਾਨਫਰੰਸ ਵਿੱਚ ਬ੍ਰੇਨ-ਕੰਪਿਊਟਰ ਇੰਟਰਫੇਸਾਂ ਦੀ ਮੌਜੂਦਾ ਸਥਿਤੀ, ਉਨ੍ਹਾਂ ਦੇ ਮੈਡੀਕਲ ਅਤੇ ਤਕਨੀਕੀ ਪਹਿਲੂਆਂ, ਅਤੇ ਰੱਖਿਆ ਖੇਤਰ ਵਿੱਚ ਉਨ੍ਹਾਂ ਦੇ ਰਣਨੀਤਕ ਉਪਯੋਗਾਂ 'ਤੇ ਕੇਂਦ੍ਰਿਤ ਕਈ ਤਕਨੀਕੀ ਸੈਸ਼ਨ ਹੋਏ। ਏਕੀਕ੍ਰਿਤ ਰੱਖਿਆ ਸਟਾਫ (ਮੈਡੀਕਲ) ਦੇ ਡਿਪਟੀ ਚੀਫ਼, ਏਅਰ ਮਾਰਸ਼ਲ ਐਸ. ਸ਼ੰਕਰ ਨੇ ਬ੍ਰੇਨ-ਕੰਪਿਊਟਰ ਇੰਟਰਫੇਸ ਤਕਨਾਲੋਜੀਆਂ ਦੀ ਮੌਜੂਦਾ ਅਤੇ ਭਵਿੱਖੀ ਸਥਿਤੀ ਦਾ ਇੱਕ ਵਿਆਪਕ ਸੰਖੇਪ ਜਾਣਕਾਰੀ ਪੇਸ਼ ਕੀਤੀ। ਆਈਆਈਟੀ ਦਿੱਲੀ, ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ, ਨੈਸ਼ਨਲ ਇੰਸਟੀਟਿਊਟ ਆਫ਼ ਮੈਂਟਲ ਹੈਲਥ ਐਂਡ ਨਿਊਰੋ-ਸਾਇੰਸ (ਐਨਆਈਐਮਐੱਚਏਐਨਐਸ), ਸੈਂਟਰ ਫਾਰ ਡਿਵੈਲਪਮੈਂਟ ਆਫ਼ ਐਡਵਾਂਸਡ ਕੰਪਿਊਟਿੰਗ (ਸੀ-ਡੈੱਕ), ਅਤੇ ਪ੍ਰਮੁੱਖ ਸਟਾਰਟਅੱਪ ਕੰਪਨੀਆਂ ਦੇ ਮਾਹਿਰਾਂ ਨੇ ਚੱਲ ਰਹੀ ਖੋਜ, ਸਵਦੇਸ਼ੀ ਨਵੀਨਤਾ, ਅਤੇ ਬ੍ਰੇਨ-ਕੰਪਿਊਟਰ ਇੰਟਰਫੇਸ ਤਕਨਾਲੋਜੀਆਂ ਦੇ ਭਵਿੱਖ 'ਤੇ ਚਰਚਾ ਕੀਤੀ। ਕਾਨਫਰੰਸ ਵਿੱਚ ਬ੍ਰੇਨ-ਕੰਪਿਊਟਰ ਇੰਟਰਫੇਸਾਂ ਦੇ ਨੈਤਿਕ ਪਹਿਲੂਆਂ, ਮਨੁੱਖੀ-ਮਸ਼ੀਨ ਏਕੀਕਰਨ, ਨਿਊਰੋ-ਸੁਰੱਖਿਆ ਚੁਣੌਤੀਆਂ, ਅਤੇ ਪੁਨਰਵਾਸ ਅਤੇ ਗੁੰਝਲਦਾਰ ਸੰਚਾਲਨ ਸਥਿਤੀਆਂ ਵਿੱਚ ਸੰਚਾਲਨ ਕੁਸ਼ਲਤਾ ਅਤੇ ਫੈਸਲਾ ਲੈਣ ਵਿੱਚ ਉਨ੍ਹਾਂ ਦੀ ਭੂਮਿਕਾ 'ਤੇ ਵੀ ਚਰਚਾ ਕੀਤੀ ਗਈ।

ਰੱਖਿਆ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ, ਵਿਗਿਆਨੀਆਂ ਅਤੇ ਉਦਯੋਗ ਦੇ ਦਿੱਗਜ਼ਾਂ ਨੇ ਇੱਕ ਪੈਨਲ ਚਰਚਾ ਵਿੱਚ ਬ੍ਰੇਨ-ਕੰਪਿਊਟਰ ਇੰਟਰਫੇਸ ਦੇ ਫੌਜੀ ਉਪਯੋਗਾਂ, ਖਾਸ ਕਰਕੇ ਬੋਧਾਤਮਕ ਯੋਗਤਾਵਾਂ ਨੂੰ ਵਧਾਉਣ, ਮਨੁੱਖੀ ਪ੍ਰਦਰਸ਼ਨ ਨੂੰ ਬਿਹਤਰ ਬਣਾਉਣ ਅਤੇ ਕਮਾਂਡ ਅਤੇ ਨਿਯੰਤਰਣ ਪ੍ਰਣਾਲੀਆਂ ਨੂੰ ਮਜ਼ਬੂਤ ​​ਕਰਨ ਵਿੱਚ ਉਨ੍ਹਾਂ ਦੀ ਵਰਤੋਂ ਬਾਰੇ ਚਰਚਾ ਕੀਤੀ, । ਦਸ ਸਟਾਰਟਅੱਪ ਕੰਪਨੀਆਂ ਨੇ ਵੀ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ, ਬ੍ਰੇਨ-ਕੰਪਿਊਟਰ ਇੰਟਰਫੇਸ ਪ੍ਰਣਾਲੀਆਂ ਨਾਲ ਸਬੰਧਤ ਨਵੀਨਤਾਕਾਰੀ ਉਪਕਰਣਾਂ, ਉਤਪਾਦਾਂ ਅਤੇ ਤਕਨਾਲੋਜੀਆਂ ਦਾ ਪ੍ਰਦਰਸ਼ਨ ਕੀਤਾ।

ਇਹ ਸਮਾਗਮ ਰਾਸ਼ਟਰੀ ਸੁਰੱਖਿਆ ਅਤੇ ਵਿਆਪਕ ਸਮਾਜਿਕ ਲਾਭਾਂ ਲਈ ਬ੍ਰੇਨ-ਕੰਪਿਊਟਰ ਇੰਟਰਫੇਸ ਤਕਨਾਲੋਜੀਆਂ ਦੀ ਪੂਰੀ ਸੰਭਾਵਨਾ ਦੀ ਵਰਤੋਂ ਕਰਨ ਲਈ ਹਥਿਆਰਬੰਦ ਸੈਨਾਵਾਂ, ਅਕਾਦਮਿਕ, ਉਦਯੋਗ ਅਤੇ ਖੋਜ ਸੰਗਠਨਾਂ ਵਿਚਕਾਰ ਨਿਰੰਤਰ ਸਹਿਯੋਗ ਦੇ ਸਮੂਹਿਕ ਸੱਦੇ ਨਾਲ ਸਮਾਪਤ ਹੋਇਆ।

 *** *** *** ***

ਵੀਕੇ/ਰੁਚੀ/ਬਲਜੀਤ ਸਿੰਘ

 

(Release ID: 2259022) ਵਿਜ਼ੀਟਰ ਕਾਊਂਟਰ : 5