این ایچ اے آئی نے تمل ناڈو میں این ایچ-81 کے کلگام میں گنگائی کونڈا چولاپورم سے مینسوروٹی سیکشن تک پکی شولڈر والی گرین فیلڈ بائی پاس کے ساتھ 7 کلومیٹر لمبی دو لین کی تعمیر کے لیے لیٹر آف ایوارڈ (ایل او اے) جاری کیا ہے ۔ اس منصوبے کی بنیاد وزیرِ اعظم نے 11 مارچ 2026 کو رکھی تھی۔

گرین فیلڈ پروجیکٹ کی تعمیر میں 3.47 کلومیٹر طویل سروس/سلپ روڈ ، 2 چھوٹے پل ، 2 وی یو پی ، 3 ایل وی یو پی اور 8 باکس کلورٹ شامل ہیں ۔ اس پروجیکٹ سے ٹریفک کو کم کرنے میں مدد ملے گی اور گنگا کونڈا چولاپورم میں یونیسکو کے عالمی ثقافتی ورثے کی یادگار ایک ہزار سال پرانے برہدیشور مندر کا دورہ کرنے والے یاتریوں کو فائدہ پہنچے گا ۔

موجودہ این ایچ-81 گنگائی کونڈا چولاپورم کے مندر کے بہت قریب سے گزرتا ہے ، جس سے مندر آنے والوں کے لیے حفاظت سے متعلق خدشات پیدا ہوتے ہیں ۔ بائی پاس کی تعمیر سے بڑی تعداد میں ٹریفک ، خاص طور پر بھاری گاڑیوں کو بائی پاس کے ذریعے موڑنے میں مدد ملے گی ، جس سے یاتریوں کا مندر کا سفر محفوظ اور زیادہ آسان ہو جائے گا ۔ یہ منصوبہ فضائی آلودگی میں کمی اور مندر کے پتھروں پر موجود قدیم نقوش و تحریروں کے تحفظ میں بھی مدد دے گا، ساتھ ہی قریب میں بھاری گاڑیوں کے چلنے کی وجہ سے مندر کو ممکنہ نقصان سے بچانے میں بھی مدد ملے گی ۔

اس کے علاوہ ، اس پروجیکٹ سے سری رنگم کے مشہور ارنگ ناتھ سوامی مندر اور چدمبرم کے نٹراج مندر کے سفر کا وقت کم ہو جائے گا ۔ یہ بائی پاس مقامی معیشت کو مضبوط بنانے اور خطے میں قومی شاہراہوں کے استعمال کرنے والوں کو بہتر سفر کا تجربہ فراہم کرنے میں مدد کرے گا ۔

***

ش ح ۔ک ا۔  ع د

U. No.6745

(ریلیز آئی ڈی: 2258641) وزیٹر کاؤنٹر : 11