حکومت ہندکی قبائلی امور کی وزارت (ایم او ٹی اے) نے متعلقہ مرکزی وزارتوں کے سینئر عہدیداروں اور ریاستی قبائلی فلاح و بہبود کے محکموں کے پرنسپل سکریٹریوں کے ساتھ قبائلی برادری کی  ترقی سے متعلق  اہم اقدامات: دھرتی آبا جنجاتیہ گرام اتکرش ابھیان (ڈی اے-جے جی یو اے)، پردھان منتری جنجاتی آدیواسی مہا نیائے ابھیان (پی ایم-جنمن) اور ہندوستان کے آئین کے آرٹیکل 275 (1) کی تجاویز کے تحت  پیش رفت کا جائزہ لینے کے لیے ایک قومی سطح کی جائزہ میٹنگ منعقد کی۔  اس میٹنگ کی صدارت قبائلی امور کے سکریٹری نے کی ۔

یہ اہم فلیگ شپ اقدامات وزیرِاعظم جناب نریندر مودی کے وِکست بھارت 2047 کے وژن پر مبنی ہیں۔ پی ایم-جنمن ملک کے 75 انتہائی کمزور قبائلی گروہوں (پی وی ٹی جی) کی ہمہ جہتی ترقی کے لیے وقف ہے، جبکہ ڈی اے- جے جی یو اے کا مقصد پورے ملک میں قبائلی برادریوں کی مکمل اور جامع ترقی کو یقینی بنانا ہے۔ یہ دونوں پروگرام حکومت کے جامع ترقی، آخری فرد تک سہولتوں کی فراہمی اور قبائلی شہریوں کو بااختیار بنانے کے عزم کی عکاسی کرتے ہیں۔

ڈی اے-جے جی یو اے کے تحت تیسرے سال کی موثر عمل در آمد لازمی

یہ میٹنگ خاص اہمیت کی حامل ہے، کیونکہ ڈی اے-جے جی یو اے اپنے نفاذ کے تیسرے سال میں داخل ہو رہا ہے ، جسے وزارت نے زمینی سطح کی فراہمی کو تیز کرنے کے لیے ایک اہم مرحلے کے طور پر شناخت کیا ہے۔  منصوبہ بندی اور متحرک کرنے کے مراحل بڑے پیمانے پر مکمل ہونے کے ساتھ ، اب تمام ڈی اے-جے جی یو اے دیہی علاقوں میں بنیادی ڈھانچے اور ضروری خدمات کی تکمیل پر توجہ مرکوز کی گئی ہے ۔

قبائلی امور  کی سکریٹری محترمہ رنجنا چوپڑا نے شرکاء سے خطاب کرتے ہوئے اس بات پر زور دیا کہ رہائش ، پینے کا پانی ، حفظان صحت ، تعلیم ،  ذریعہ معاش اور سڑک کے رابطے سمیت حقوق کی تکمیل  اور فراہمی امنگوں سے بھرپور  مقصد کی بجائے ایک  ناقابل گزیر ذمہ داری ہے ۔  انہوں نے کہا کہ اس سلسلے میں جزوی طور سے یا تاخیر سے مذکورہ بالا اسکیموں کی ترسیل کو اسکیم کے ارادے سے انحراف کے طور پر سمجھا جائے گا  اور کارکردگی کی تشخیص اب صرف اخراجات کی بجائے قابل پیمائش نتائج پر مبنی ہوگی ۔

سہ ماہی اہداف اور ڈیٹا کی جوابدہی

قبائلی امور کی وزارت (ایم او ٹی اے) نے مالی سال 27-2026 کے لیے تمام متعلقہ وزارتوں کے لیے سیکٹر کے لحاظ سے سہ ماہی اہداف طے کیے ہیں ۔  قبائلی امور کی وزارت  کے ایڈیشنل سکریٹری جناب منیش ٹھاکر نے وزارتوں پر زور دیا کہ وہ ان اہداف کو فوری طور پر اپنے متعلقہ ریاستی محکموں تک پہنچائیں ، جوائنٹ سکریٹری کی سطح پر ڈی اے-جے جی یو اے کے نوڈل افسران کو نامزد کریں  اور تازہ ترین فزیکل اور مالی پیش رفت کے اعداد و شمار کے ماہانہ اشتراک کو یقینی بنائیں ۔

میٹنگ میں متعلقہ وزارتوں کی مزید حوصلہ افزائی کی گئی کہ وہ ریاستی قبائلی فلاح و بہبود کے محکموں کے ساتھ آزادانہ مشترکہ  جائزہ میٹنگیں منعقد کریں ، جس سے وزارت قبائلی امور کی قیادت والےجائزہ پلیٹ فارم سے باہر جوابدہی کے طریقہ کار کو مزید تقویت ملے ۔

مرکز اور ریاست کے اتحاد کو مضبوط کرنا

ڈی اے-جے جی یو اے کے ہم آہنگی پر مبنی فن تعمیر پر روشنی ڈالتے ہوئے جناب ٹھاکر نے کہا کہ یہ پہل ایک ہی قبائلی بستیوں کے اندر متعدد مرکزی شعبے کی اسکیموں کو مربوط کرتی ہے۔  ریاستوں پر زور دیا گیا کہ وہ فعال طور پر پروگرام کی مشترکہ ملکیت کا استعمال کریں اور ضلعی سطح پر ، خاص طور پر ضلعی کلکٹروں ، ضلعی مجسٹریٹوں  اور آئی ٹی ڈی اے پروجیکٹ افسران کے درمیان ، فیلڈ سطح کی تصدیق اور پیش رفت سے باخبر رہنے کے لیے جوابدہی کی حیثیت کو یقینی بنائیں ۔

نئے اسٹریٹجک اقدامات کا آغاز

قبائلی امور کی وزارت کےسکریٹری نے ایک معیاری فریم ورک کے تحت نافذ کیے جانے والے نئے اقدامات کے سلسلے کا اعلان کیا ہے ۔  جن میں  درج ذیل نکات شامل ہیں:

• قبائلی برادری کی پائیدار ذریعہ معاش کے لیے مربوط تحفظ ، زرعی ٹیکنالوجی اور ویلیو ایڈڈ بائیو ریسورس انٹرپرائز (سی ایس آئی آر-این بی آر آئی سے  تعاون یافتہ)
• قبائلی معالجین کی صلاحیت سازی (آئی سی ایم آر کے اشتراک سے)
• پروجیکٹ ڈرسٹی کے تحت قبائلی برادری کی صحت کا مشاہداتی مرکز
• قبائلی اضلاع میں ملیریا، جذام اور تپِ دق کے خاتمے کے لیے بیماریوں کے روک تھام کا مشن
• ڈی اے-جے جی یو اے کے تحت قبائلی کثیر المقاصد مارکیٹنگ مراکز (ٹی ایف ایف ایم وی) کا قیام
• قبائلی مجاہدینِ آزادی کے ماڈل دیہاتوں(ٹی ایف ایف ایم وی) کی تعمیر و ترقی
• قبائلی ایکو ٹورازم پائلٹ پروجیکٹ( ٹی ای پی پی) اور قبائلی ہوم اسٹے کی ترویج و ترقی
• قبائلی سولر ہیلپر پروگرام

آدی کرما یوگی ابھیان کو ادارہ جاتی بنانا

میٹنگ میں آدی کرما یوگی ابھیان (اے کے اے) پر خصوصی زور دیا گیا ہے، جس کا مقصد آخری میل تک خدمات کی فراہمی کو مضبوط بنانا ہے ۔  موجودہ مرحلہ شکایات کے ازالے اور استحقاق تک رسائی کے لیے آدی سیوا کیندروں (اے ایس کے) گاؤں کی سطح کے سہولت مراکز کی نقشہ سازی اور زمینی سطح کے سہولت کاروں کے طور پر خدمات انجام دینے والے آدی کرمیوگی رضاکاروں (اے کے وی) مقامی قبائلی نوجوانوں کی رجسٹریشن پر مرکوز ہے ۔

ریاستوں سے درخواست کی گئی ہے کہ وہ ان کوششوں کی فعال طور پر حمایت کریں اور ضلعی سطح پر پیش رفت کی ہفتہ وار نگرانی کو یقینی بنائیں ۔

پی ایم-جنمن اور آرٹیکل 275 (1) کا جائزہ

میٹنگ میں پردھان منتری جنجاتی آدیواسی مہا نیائے ابھیان (پی ایم-جنمن) کے تحت نفاذ کی پیش رفت کا جائزہ لیا گیا ، جو کہ آرٹیکل 275 (1) کے تحت فنڈز کے استعمال کے ساتھ ساتھ خاص طور پر کمزور قبائلی گروپوں (پی وی ٹی جی) کے لیے وقف پروگرام ہے ۔  یہ بھی تسلیم کیا گیا کہ پی وی ٹی جی بستیوں کو ، ان کے جغرافیائی دور دراز اور تاریخی کم خدمت کی وجہ سے  روایتی پروگرام کے نقطہ نظر سے بالاتر اپنی مرضی کے مطابق اور ہدف شدہ ترسیل کے طریقہ کار کی ضرورت ہوتی ہے ۔

اس تناظر میں ، وزارت نے 18 ریاستوں اور  ایک مرکز کے زیر انتظام علاقے میں پی وی ٹی جی گھرانوں کا احاطہ کرتے ہوئے ایک جامع گھریلو سطح کے جائزے کے جاری رول آؤٹ پر زور دیا ۔  اس سروے کا مقصد انفرادی سطح کے حقوق اور بنیادی ڈھانچے میں اہم خامیوں کی نشاندہی کرنا اور صحت، تعلیم ، ذریعہ معاش اور حقوق تک رسائی جیسے اہم شعبوں میں خدمات کی فراہمی کو بہتر بنانے کے مواقع کا جائزہ لینا ہے ۔

یہ جائزہ  ریاستی قبائلی  فلاح و بہبود کے محکموں (ٹی ڈبلیو ڈی) کے ذریعے کیا جا رہا ہے جس میں نیشنل ای گورننس ڈویژن (این ای جی ڈی) تکنیکی شراکت دار کے طور پر کام کر رہا ہے ۔  جائزہ میٹنگ کے دوران ، یہ  واضح  کیا گیا کہ سروے سیتو ٹرائبل ایپ کے آغاز کے 20 دنوں کے اندر تقریباً 2 لاکھ گھریلو اندراجات مکمل کیے گئے ہیں ، جبکہ جون 2026 کے آخر تک تقریباً 12 لاکھ اندراجات کے ہدف  کاحاصل کیا جانا ہے ۔

قبائلی امور کی وزارت (ایم او ٹی اے) نے مضبوط نگرانی اور ڈیٹا پر مبنی اقدامات کے لیے اپنے عزم کا اعادہ کیا تاکہ اس بات کو یقینی بنایا جا سکے کہ پی ایم-جنمن وکست بھارت اور سب کا ساتھ سب کا وکاس کے لیے وزیر اعظم جناب نریندر مودی کے وژن کے مطابق پی وی ٹی جی کمیونٹیز کے لیے ہدف شدہ اور موثر نتائج فراہم کرے ۔

میٹنگ کا اختتام کرتے ہوئے  سکریٹری نے عزت مآب وزیر اعظم کے وکست بھارت 2047 کے وژن کے مطابق مجموعی اور کثیر شعبہ جاتی قبائلی ترویج و ترقی کے لیے ایم او ٹی اے کے عزم کا اعادہ کیا ۔  انہوں نے ترسیل اور فراہمی فریم ورک کو مزید مستحکم کرنے کے لیے شراکت داروں سے تجاویز طلب کیں اور اس کے نفاذ میں ایک باہمی تعاون ، ذمہ دار اور جوابدہ شراکت دار کے طور پر وزارت کے کردار پر زور دیا ۔

 

************

ش ح۔م م ع۔ش ت

 (U: 6738)       

(ریلیز آئی ڈی: 2258606) وزیٹر کاؤنٹر : 11