مواصلات اور شمال مشرقی خطہ ترقی کے  مرکزی وزیر جناب جیوتی رادتیہ سندھیا نے ملک بھر میں موبائل نیٹ ورک کو مضبوط بنانے کے لیے حکومت کی جانب سے اٹھائے گئے اقدامات کے بارے میں آج پارلیمنٹ کو مطلع کیا۔

راجیہ سبھا میں اس موضوع پر ایک سوال کے تحریری جواب میں مرکزی وزیر نے کہا کہ محکمۂ ٹیلی مواصلات نے ڈیجیٹل بھارت ندھی (ڈی بی این) کے ذریعے مالی معاونت سے مختلف موبائل منصوبوں کی منظوری دی ہے، جن کا مقصد ہماچل پردیش سمیت ملک بھر کے دور دراز اور دیہی علاقوں میں 4G موبائل کنیکٹیویٹی فراہم کرنا ہے۔

رواں برس کے31 جنوری 2026 تک کے اعداد و شمار کے مطابق ملک بھر میں ڈی بی این کے مالی تعاون سے چلنے والے موبائل منصوبوں کے ذریعے مجموعی طور پر 32,041 دیہاتوں/مقامات کو 26,972 فورجی(4جی) موبائل بیس ٹرانسیور اسٹیشنز (بی ٹی ایسز) کے ساتھ کور کیا گیا ہے۔ ہماچل پردیش میں ان اقدامات کے تحت 1,006 دیہی علاقوں/مقامات کو 609  بی ٹی ایسز کے ذریعے کور کیا گیا ہے۔

اس کے علاوہ 4جی سیچوریشن پروجیکٹ کے تحت ملک بھر میں 6,958 سائٹس کی منظوری دی گئی ہے، جن میں ہماچل پردیش کی 104 سائٹس بھی شامل ہیں۔

 

موجودہ مالی سال کے لیے ہماچل پردیش سمیت ملک بھر میں موبائل نیٹ ورک کی توسیع میں معاونت کے لیے ڈیجیٹل بھارت ندھی کے لیے 4,000 کروڑ روپے مختص کیے گئے ہیں۔

******

(STARRED-RS-225-120326)

 

مزید معلومات کے لیے ڈی او ٹی ہینڈلز کو فالو کریں۔ X - https://x.com/DoT_India Insta- https://www.instagram.com/department_of_telecom?igsh=MXUxbHFjd3llZTU0YQ== Fb - https://www.facebook.com/DoTIndia Youtube: https://youtube.com/@departmentoftelecom?si=DALnhYkt89U5jAaa

 

ش ح ۔م ع ا۔  ت ا

U. No.6657

(ریلیز آئی ڈی: 2258048) وزیٹر کاؤنٹر : 18