1. چیف الیکشن کمشنر (سی ای سی) جناب گیانیش کمار نے الیکشن کمشنر ڈاکٹر سکھبیر سنگھ سندھو اور ڈاکٹر وویک جوشی کے ہمراہ آج کوچی میں پہنچ کر آئندہ کیرالہ قانون ساز اسمبلی انتخابات کے لیے انتخابی تیاریوں کا تفصیلی اور جامع جائزہ لیا ۔
2. جائزے کے دوران کمیشن نے تسلیم شدہ قومی سیاسی جماعتوں یعنی عام آدمی پارٹی ، بہوجن سماج پارٹی ، بھارتیہ جنتا پارٹی ، کمیونسٹ پارٹی آف انڈیا (مارکسی)، انڈین نیشنل کانگریس اور تسلیم شدہ ریاستی سیاسی جماعتوں یعنی کمیونسٹ پارٹی آف انڈیا ، انڈین یونین مسلم لیگ ، کیرالہ کانگریس ، کیرالہ کانگریس (ایم) اورریولیشنری سوشلسٹ پارٹی کے نمائندوں سے بات چیت کی اور ان سے تجاویز طلب کیں ۔
3. زیادہ تر سیاسی جماعتوں نے کیرالہ میں انتخابی فہرستوں کی خصوصی جامع نظر ثانی کے پرامن اور ہموار انعقاد کے لیے الیکشن کمیشن آف انڈیا کی تعریف کی ۔  کچھ جماعتوں نے ایس آئی آر کے انعقاد میں بی ایل او کے ذریعے کیے گئے اچھے کام کی بھی ستائش کی ۔
4. کچھ سیاسی جماعتوں نے الیکشن کمیشن سے مطالبہ کیا کہ وہ انتخابات کی تاریخوں کو حتمی شکل دیتے وقت آنے والے مقامی تہواروں کو ذہن میں رکھے ۔
5. کچھ جماعتوں نے کمیشن سے بزرگ ووٹروں اور معذور ووٹروں کی سہولت کی خاطرخصوصی انتظامات کرنے کی درخواست کی ۔
6. سیاسی جماعتوں نے کمیشن پر زور دیا کہ وہ انتخابات کے دوران منی پاور کے استعمال اور شراب/مفت اشیاء کی تقسیم کو روکنے کے لیے سخت اقدامات کرے ۔
7. کچھ جماعتوں نے انتخابی ماحول کو خراب کرنے میں مصنوعی ذہانت (اے آئی) اور مصنوعی طور پر تیار کردہ مواد کے استعمال پر خدشات کا اظہار کیا ۔
8. سی ای سی جناب گیانیش کمار نے اس بات کا اعادہ کیا کہ ایس آئی آر انتہائی شفاف طریقے سے انجام دیا گیا ہے ۔  انہوں نے کہا کہ ایس آئی آر کا مقصد اس بات کو یقینی بنانا ہے کہ کوئی بھی اہل ووٹر چھوٹ نہ جائے جبکہ کوئی بھی نااہل شخص انتخابی فہرست میں شامل نہ ہو ۔  انہوں نے مزید کہا کہ فارم 6/7/8 اب بھی کسی بھی اندراج/حذف/تبدیلیوں کے لیے دائر کیے جا سکتے ہیں ۔  انہوں نے اس بات پر بھی زور دیا کہ آر پی ایکٹ 1950 کے مطابق ڈی ایم/سی ای او کے پاس اپیل دائر کی جا سکتی ہے ۔
9. سی ای سی نے تمام سیاسی جماعتوں کو یقین دلایا کہ انتخابات ہمیشہ غیر جانبدارانہ ، آزادانہ ، منصفانہ اور شفاف طریقے سے قانون کے مطابق ہوتے ہیں ۔
10. چیف الیکشن کمشنر نے سیاسی جماعتوں کی حوصلہ افزائی کی کہ وہ انتخابات کے دوران ضابطہ اخلاق کی خلاف ورزیوں کی کوئی بھی شکایت درج کرنے کے لیے ای سی آئی این ای ٹی پلیٹ فارم کے سی ویجیل ایپ کا استعمال کریں ۔
11. سی ای سی نے تمام سیاسی جماعتوں سے اپیل کی کہ وہ اس بات کو یقینی بنائیں کہ کیرالہ میں انتخابات کا انعقاد ، ہمیشہ کی طرح ، نہ صرف پورے ملک بلکہ پوری دنیا کے لیے ایک نمونہ ہو ۔
12. بعد میں ، کمیشن نے انتخابی منصوبہ بندی ، ای وی ایم مینجمنٹ ، لاجسٹکس ، انتخابی عملہ کی تربیت ، ضبطی ، امن و امان ، ووٹر بیداری اور آؤٹ ریچ سرگرمیوں کے ہر پہلو پر انفورسمنٹ ایجنسیوں کے سربراہوں/نوڈل افسران ، آئی جی، ڈی آئی جی ، ڈی ای او ، ایس پی کے ساتھ تفصیلی جائزہ لیا ۔
13. کمیشن نے انفورسمنٹ ایجنسیوں کے تمام سربراہوں/نوڈل افسران کو ہدایت دی کہ وہ مکمل غیر جانبداری کے ساتھ کام کریں اور لالچ سے متعلق تمام سرگرمیوں پر سختی سے روک لگائیں ۔
14. کمیشن نے تمام ڈی ای اوکو ہدایت دی کہ وہ اس بات کو یقینی بنائیں کہ ریمپ ، وہیل چیئر اور پینے کے پانی سمیت کم سے کم سہولیات (اے ایم ایف) ووٹروں کے آرام کے لیے تمام ووٹنگ اسٹیشنوں پر دستیاب ہوں ۔

***

ش ح۔م ش ع ۔ ش ا

U NO: 6638

(रिलीज़ आईडी: 2257973) आगंतुक पटल : 28