ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ તેના પરામર્શ પત્ર પર ટિપ્પણીઓ સબમિટ કરવાની છેલ્લી તારીખ 4 મે 2026 થી લંબાવીને 11 મે 2026 કરી છે, જ્યારે વળતી ટિપ્પણીઓ સબમિટ કરવાની અંતિમ તારીખ 18 મે 2026 થી લંબાવીને 25 મે 2026 કરવામાં આવી છે.

અગાઉ, TRAIએ 6 એપ્રિલ 2026ના રોજ ‘એપ્લિકેશન-આધારિત લીનિયર ટેલિવિઝન ડિસ્ટ્રિબ્યુશન (ALTD) સેવાઓ (ફ્રી એડ-સપોર્ટેડ સ્ટ્રીમિંગ ટેલિવિઝન (FAST) સેવાઓ સહિત) માટે નિયમનકારી માળખાની રચના’ પર એક પરામર્શ પત્ર બહાર પાડ્યો હતો.

હિતધારકો તરફથી ટિપ્પણીઓ સબમિટ કરવા માટે સમય વધારવા માટે મળેલી વિનંતીઓને ધ્યાનમાં રાખીને, એવા આધારે કે જે વિષય પર વિચારણા કરવામાં આવી રહી છે તેમાં જટિલ તકનીકી, ઓપરેશનલ અને નિયમનકારી પરિમાણો શામેલ છે અને આંતરરાષ્ટ્રીય અભિગમો અને શ્રેષ્ઠ પદ્ધતિઓ સહિત વિગતવાર તપાસની જરૂર છે, તે માટે લેખિત ટિપ્પણીઓ અને વળતી ટિપ્પણીઓ સબમિટ કરવાની છેલ્લી તારીખો અનુક્રમે 11 મે 2026 અને 25 મે 2026 સુધી લંબાવવાનું નક્કી કરવામાં આવ્યું છે. સમય લંબાવવા માટે વધુ કોઈ વિનંતીઓ પર વિચાર કરવામાં આવશે નહીં.

ટિપ્પણીઓ/વળતી ટિપ્પણીઓ પ્રાધાન્યમાં ઇલેક્ટ્રોનિક સ્વરૂપમાં advbcs-2@trai.gov.in અને jtadvisor-bcs@trai.gov.in પર મોકલી શકાય છે. કોઈપણ સ્પષ્ટતા/માહિતી માટે, ડૉ. દીપાલી શર્મા, સલાહકાર (B&CS) નો ટેલિફોન નંબર: +91-11-20907774 પર સંપર્ક કરી શકાય છે.

SM/BS/JD

 

(રીલીઝ આઈડી: 2257910) મુલાકાતી સંખ્યા : 15