భారత కీలక ఖనిజాల భద్రతను బలోపేతం చేయడం, పునరుపయోగ ఆర్థిక వ్యవస్థను ప్రోత్సహించడం దిశగా కీలక ముందడుగు పడింది. కీలక ఖనిజాల రీసైక్లింగ్ ప్రోత్సాహక పథకం కింద గనుల మంత్రిత్వ శాఖ అర్హత మదింపును పూర్తి చేసింది. ఈ పథకంలో పాల్గొనడానికి 58 కంపెనీలు అర్హత పొందాయి.

జాతీయ కీలక ఖనిజాల మిషన్ కింద మొత్తం రూ. 1,500 కోట్ల వ్యయంతో కూడిన ఈ పథకాన్ని వివరణాత్మక కార్యాచరణ మార్గదర్శకాల జారీతో 2025 అక్టోబర్ 2న ప్రకటించారు. లిథియం-అయాన్ బ్యాటరీలు, ఇ-వ్యర్థాలు, పారిశ్రామిక స్క్రాప్ నుంచి కీలక ఖనిజాల దేశీయ రీసైక్లింగ్ సామర్థ్యాన్ని అభివృద్ధి చేయడం దీని లక్ష్యం. దీని ద్వారా దిగుమతులపై ఆధారపడటం తగ్గడం సహా... పరిశుద్ధ ఇంధన రంగానికి, అధునాతన తయారీ రంగాలకు మద్దతు లభిస్తుంది.

2 అక్టోబర్ 2025 నుంచి 1 ఏప్రిల్ 2026 వరకు చేపట్టిన దరఖాస్తుల స్వీకరణకు పరిశ్రమ భాగస్వాముల నుంచి మంచి స్పందన లభించింది. అందిన ప్రతిపాదనల పరిశీలనను ఈ పథకం మార్గదర్శకాలకు అనుగుణంగా ప్రాజెక్ట్ మేనేజ్‌మెంట్ ఏజెన్సీ, జవహర్‌లాల్ నెహ్రూ అల్యూమినియం రీసెర్చ్ డెవలప్‌మెంట్ అండ్ డిజైన్ సెంటర్‌లు పూర్తి చేశాయి.

ఈ పరిశీలనల ఆధారంగా, కార్యనిర్వాహక కమిటీ (ఈసీ) మొత్తం 58 సంస్థలను అర్హత గలవిగా ఆమోదించింది. వీటిలో 30.03.2026న 20 సంస్థలు, 29.04.2026న జరిగిన సమావేశంలో 38 సంస్థలు ఆమోదం పొందాయి. సుమారు 850 కేటీపీఏ హామీ సామర్థ్యం, సుమారు రూ. 5,000 కోట్ల పెట్టుబడి హామీతో... ఎంపికైన ఈ సంస్థలు బ్యాటరీ రీసైక్లింగ్, ఇ-వ్యర్థాల ప్రాసెసింగ్, ఇతర వ్యర్థాల నుంచి రికవరీ వంటి కీలక రంగాలకు ప్రాతినిధ్యం వహిస్తున్నాయి. ఇది భారత కీలక ఖనిజాల రీసైక్లింగ్ వ్యవస్థను నిర్మించడంలో పరిశ్రమల బలమైన ఆసక్తిని, ఊపును ప్రతిబింబిస్తుంది.

ఈ పథకం తదుపరి దశ ప్రాజెక్టు అమలులో... ఈ పథకం కింద ఆర్థిక సహాయం అందించడం కోసం అర్హత కలిగిన సంస్థల సామర్థ్య వృద్ధిని, ఉత్పత్తి ప్రారంభాన్ని పరిగణిస్తారు.

 

***

(రిలీజ్ ఐడి: 2257137) సందర్శకుల సూచీ సంఖ్య : : 8