سڑک ٹرانسپورٹ اور شاہراہوں کے مرکزی وزیر جناب نتن گڈکری نے میڈیا اور سوشل میڈیا سے موصول ہونے والی شکایات اور تاثرات  کو مدنظر رکھتے ہوئے آج نئی دہلی میں منعقد ایک اجلاس کے دوران مہاراشٹر میں 18,462 کلومیٹر طویل قومی شاہراہوں اور گوا میں قومی شاہراہوں کے 26 پروجیکٹوں  کے تحت 288 کلومیٹر طویل شاہراہوں کے معیار اور رکھ رکھاؤ کا جائزہ لیا۔

مذکورہ  جائزہ اجلاس سڑک ٹرانسپورٹ کے مرکزی وزیر مملکت جناب اجے ٹمٹا اور جناب ہرش ملہوترا کی موجودگی میں منعقد کیا گیا، جس میں بھارت کی قومی شاہراہوں سے متعلق اتھارٹی (این ایچ اے آئی)، سڑک ٹرانسپورٹ  اور شاہراہوں کی  وزارت اور مختلف تعمیراتی کمپنیوں کے حکام نے بھی شرکت کی۔

اجلاس کے دوران جناب نتن گڈکری نے اس بات پر زور دیا کہ تمام منصوبوں کی بروقت تکمیل،تکمیل کے  سخت معیار پر مکمل عملدرآمد اور جدید تعمیراتی ٹیکنالوجی کے استعمال کو یقینی بنایا جائے تاکہ پائیدار اور مؤثر شاہراہوں سے متعلق بنیادی ڈھانچہ تیار ہو سکے جو نہ صرف بہتر رابطے فراہم کرے بلکہ معاشی ترقی میں بھی معاون ثابت ہو۔

وزیر موصوف نے یہ ہدایت بھی دی کہ زمینی سطح پر کاموں کو تیز کیا جائے، معیار کی جانچ کے نظام کو مزید مضبوط بنایا جائے اور تعمیراتی طریقوں میں بہتری لا کر پروجیکٹوں  کی پائیداری اور سڑکوں پر سفر کے معیار کو بہتر بنایا جائے۔ ساتھ ہی انہوں نے  مانسون سے قبل جامع تیاریوں کی بھی ہدایت دی، جن میں پانی کی نکاسی کو بہتر بنانا، ڈھلوانوں کی مضبوطی اور فوری ردعمل کے مؤثر نظام شامل ہیں تاکہ سفر میں روکاوٹوں کو  کم سے کم کیا جاسکے  اور مسافروں کی حفاظت کو یقینی بنایا جا سکے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔   ش م ۔ع ن)

U. No. 6485

(ریلیز آئی ڈی: 2256876) وزیٹر کاؤنٹر : 10