GST ਧੋਖਾਧੜੀ ਵਿਰੁੱਧ ਇੱਕ ਹੋਰ ਮਹੱਤਵਪੂਰਨ ਲਾਗੂ ਕਰਨ ਵਾਲੀ ਕਾਰਵਾਈ ਵਿੱਚ, CGST ਦਿੱਲੀ ਦੱਖਣੀ ਕਮਿਸ਼ਨਰੇਟ ਦੀ ਚੋਰੀ ਵਿਰੋਧੀ ਸ਼ਾਖਾ ਨੇ 397.23 ਕਰੋੜ ਰੁਪਏ ਮੁੱਲ ਦੇ ਜਾਅਲੀ ਚਲਾਨਾਂ ਰਾਹੀਂ 60.59 ਕਰੋੜ ਰੁਪਏ ਦੇ ਇਨਪੁੱਟ ਟੈਕਸ ਕ੍ਰੈਡਿਟ (ITC) ਦੀ ਧੋਖਾਧੜੀ ਪੂਰਨ ਲਾਭ ਲੈਣ ਅਤੇ ਵਰਤੋਂ ਨਾਲ ਸਬੰਧਿਤ ਹਨ। 

ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਇੱਕ ਗੈਰ-ਕਾਰਜਸ਼ੀਲ ਇਕਾਈ ਬਿਨਾ ਕਿਸੇ ਅਸਲ ਸਮਾਨ ਜਾਂ ਸੇਵਾਵਾਂ ਦੇ ਅਪ੍ਰਵਾਨਯੋਗ ITC ਦੇ ਧੋਖਾਧੜੀ ਨਾਲ ਪਾਸ ਕਰਨ ਵਿੱਚ ਰੁੱਝੀ ਹੋਈ ਸੀ। ਇਸ ਦੇ ਘੋਸ਼ਿਤ ਕਾਰੋਬਾਰੀ ਸਥਾਨ ਦੀ ਤਸਦੀਕ ਵਿੱਚ ਇਹ ਸਾਹਮਣੇ ਆਇਆ ਕਿ ਉਹ ਇਮਾਰਤ ਸਿਰਫ਼ ਇੱਕ ਸਹਿ-ਕਾਰਜਸ਼ੀਲ ਜਗ੍ਹਾ ਸੀ, ਜਿਸ ਵਿੱਚ ਅਸਲ ਵਪਾਰਕ ਗਤੀਵਿਧੀ, ਸਟੌਕ, ਇਨਵੌਇਸ, ਜਾਂ ਵਿੱਤੀ ਰਿਕਾਰਡ ਦਾ ਕੋਈ ਸਬੂਤ ਨਹੀਂ ਮਿਲਿਆ। ਅੱਗੇ ਦੀ ਜਾਂਚ ਵਿੱਚ ਇਹ ਵੀ ਪਤਾ ਲੱਗਿਆ ਕਿ ਇੱਕ ਹੋਰ ਇਕਾਈ, ਜੋ ਸਮਾਰਟਫੋਨ ਟ੍ਰੇਡਿੰਗ ਦੇ ਕੰਮ ਵਿੱਚ ਰੁੱਝੀ ਹੈ, ਇਸ ਫਰਜੀਵਾੜੇ ਦੀ ਮੁੱਖ ਲਾਭਪਾਤਰੀ ਸੀ।

ਲਾਭਪਾਤਰੀ ਇਕਾਈ ਦੇ ਡਾਇਰੈਕਟਰ ਦੇ ਪੁੱਤਰ, ਜੋ ਕਿ ਇਸ ਦੇ ਕਾਰੋਬਾਰੀ ਸੰਚਾਲਨ ਅਤੇ ਵਿੱਤੀ ਲੈਣ-ਦੇਣ ਦਾ ਸਰਗਰਮੀ ਨਾਲ ਪ੍ਰਬੰਧਨ ਅਤੇ ਨਿਯੰਤਰਣ ਕਰ ਰਿਹਾ ਸੀ, ਨੇ ਜਾਣਬੁੱਝ ਕੇ ਸਿਰਫ਼ ਕਾਗਜ਼ੀ ਚਲਾਨਾਂ ਦੇ ਅਧਾਰ ‘ਤੇ ਧੋਖਾਧੜੀ ਢੰਗ ਨਾਲ ਇਨਪੁੱਟ ਟੈਕਸ ਕ੍ਰੈਡਿਟ ਦਾ ਲਾਭ ਲਿਆ ਅਤੇ ਉਸ ਦੀ ਵਰਤੋਂ ਕੀਤੀ। ਸਟੇਟਮੈਂਟਾਂ, ਵਿੱਤੀ ਲੈਣ-ਦੇਣ ਦੇ ਰਿਕਾਰਡ ਅਤੇ ਧਨ ਪ੍ਰਵਾਹ ਦੀ ਜਾਂਚ ਵਿੱਚ ਇਹ ਸਾਹਮਣੇ ਆਇਆ ਕਿ ਇਹ ਪੂਰਾ ਨੈੱਟਵਰਕ ਯੋਜਨਾਬੱਧ ਢੰਗ ਨਾਲ ਤਿਆਰ ਕੀਤਾ ਗਿਆ ਸੀ, ਜਿਸ  ਦਾ ਇੱਕੋ-ਇੱਕ ਉਦੇਸ਼ ਸਰਕਾਰੀ ਮਾਲੀਏ ਨੂੰ ਧੋਖੇ ਨਾਲ ਨੁਕਸਾਨ ਪਹੁੰਚਾਉਣਾ ਸੀ।

ਇਹ ਅਪਰਾਧ ਸੀਜੀਐੱਸਟੀ ਐਕਟ, 2017 ਦੀ ਧਾਰਾ 16 ਦੀ ਜਾਣ-ਬੁੱਝ ਕੇ ਉਲੰਘਣਾ ਨਾਲ ਸਬੰਧਿਤ ਹੈ ਅਤੇ ਧਾਰਾ 132 ਦੇ ਤਹਿਤ ਸਜ਼ਾਯੋਗ ਹੈ। ਇਸੇ ਦੇ ਤਹਿਤ ਦੋਸ਼ੀ ਦੀ ਗ੍ਰਿਫਤਾਰੀ ਕੀਤੀ ਗਈ ਅਤੇ ਉਸਨੂੰ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।

CGST ਦਿੱਲੀ ਦੱਖਣੀ ਕਮਿਸ਼ਨਰੇਟ ਟੈਕਸ ਚੋਰੀ 'ਤੇ ਆਪਣੀ ਕਾਰਵਾਈ ਵਿੱਚ ਦ੍ਰਿੜ੍ਹ ਹੈ, ਸਖ਼ਤ ਪਾਲਣਾ ਨੂੰ ਯਕੀਨੀ ਬਣਾਉਂਦਾ ਹੈ ਅਤੇ ਮਜ਼ਬੂਤ ​​ਲਾਗੂ ਕਰਨ ਵਾਲੀ ਕਾਰਵਾਈ ਰਾਹੀਂ ਜਨਤਕ ਮਾਲੀਏ ਦੀ ਰੱਖਿਆ ਕਰਦਾ ਹੈ। 

****

ਐੱਨਬੀ/ਕੇਐੱਮਐੱਨ/ਬਲਜੀਤ ਸਿੰਘ

(Release ID: 2256721) ਵਿਜ਼ੀਟਰ ਕਾਊਂਟਰ : 7