بھارت کے سائبر سیکیورٹی آڈٹ ایکو سسٹم کو مزید ترقی دینے اور ملک کی مجموعی سائبر لچک  کو مضبوط بنانے کے لیے، سی ای آر ٹی-ان نے کامیابی کے ساتھ تین روزہ قومی سالانہ کانفرنس “ سی ای آر ٹی-ان سمواد 2026” کا انعقاد کیا۔ اس کانفرنس میں 500 سے زائد مندوبین نے شرکت کی، جن میں پالیسی ساز، صنعت اور ریگولیٹری اداروں کے چیف انفارمیشن سیکیورٹی آفیسرز (سی آئی ایس اوز) ، سی ای آر ٹی-ان سے منسلک آڈٹنگ تنظیموں کے نمائندے، اور ملک بھر سے سائبر سیکیورٹی کے ماہرین شامل تھے۔

یہ کانفرنس بی آئی ٹی ایس پلانی ، گوا کے اشتراک سے منعقد کی گئی تھی اور 27 اپریل سے 29 اپریل 2026 تک بی آئی ٹی ایس پلانی کے کے برلا گوا کیمپس میں منعقد ہوئی تھی ۔ کانفرنس کا موضوع ‘‘مستقبل کے لیے تیار آڈٹ کے ذریعے ڈیجیٹل بھارت کو محفوظ بنانا: موافقت ، یقین دہانی ، ترقی’’ تھا ۔

افتتاحی تقریب میں گوا کے وزیر اعلی ڈاکٹر پرمود ساونت نے شرکت کی ۔ یہ کانفرنس ڈاکٹر سنجے بہل ، ڈائریکٹر جنرل ، سی ای آر ٹی-ان کی نگرانی میں ترتیب دی گئی ۔ اور اس میں گوا کے انسپکٹر جنرل آف پولیس ، آئی پی ایس جناب کے آر چورشیا،سی ای آر ٹی-ان کے سینئر ڈائریکٹر جناب ایس ایس شرما ، پروفیسر سمن کنڈو ، ڈائریکٹر ، بی آئی ٹی ایس پلانی ، کے کے برلا گوا کیمپس، ڈاکٹر نروپم مہروترا ، ڈائریکٹر ، بینکرز انسٹی ٹیوٹ آف رورل ڈیولپمنٹ (بی آئی آر ڈی) لکھنؤ، جناب آشوتوش بہوگنا ، سائنٹسٹ 'ای' اور ٹیم لیڈ ایشورینس ، سی ای آر ٹی-ان ، جناب ششی دھران ، منیجنگ ڈائریکٹر ، بھارت ایگزیبیشن، اور جناب ابھیشیک سولنکی ، سائنٹسٹ 'ڈی' ، سی ای آر ٹی-ان نے شرکت کی تھی ۔

افتتاحی خطاب میں گوا کے وزیر اعلیٰ ڈاکٹر پرمود ساونت نے کہا کہ اگرچہ گوا کو روایتی طور پر “سورج، ریت اور سمندر” کے لیے جانا جاتا ہے، تاہم اب یہ ریاست سائبر سیکیورٹی کے ایک اہم مرکز کے طور پر بھی ابھر رہی ہے۔ انہوں نے کہا کہ ملک بھر اور بیرونِ ملک سے آئے ہوئے مندوبین نہ صرف گووا کی دلکش قدرتی خوبصورتی سے لطف اندوز ہونے کے لیے جمع ہوئے ہیں بلکہ بھارت کے ڈیجیٹل مستقبل کو محفوظ بنانے کے حوالے سے اہم اور بامعنی مباحثوں میں بھی شریک ہیں۔ انہوں نے قومی سطح پر سائبر سیکیورٹی کی تیاری میں رہنمائی فراہم کرنے والی مرکزی ایجنسی کے طور پر سی ای آر ٹی-ان کے کلیدی کردار کو بھی اجاگر کیا۔

اپنے کلیدی خطاب میں سی ای آر ٹی-ان کے سینئر ڈائریکٹر جناب شرما نے اس تقریب کی اہمیت پر زور دیا اور ابھرتے ہوئے سائبر خطرات سے نمٹنے میں تعاون کی اہمیت پر زور دیا ۔ انہوں نے کہا کہ سمواد 2026 آڈٹ کرنے والی تنظیموں کو ان کے طریقوں کو اپ گریڈ کرنے ، علم کے تبادلے اور اجتماعی طور پر زیادہ سائبر لچکدار ہندوستان کی تعمیر میں حصہ ڈالنے کے لیے ایک اہم پلیٹ فارم پیش کرتا ہے ۔

پروفیسر سمن کنڈو ، ڈائریکٹر ، بی آئی ٹی ایس پلانی ، کے کے برلا گوا کیمپس نے ہندوستانی تنظیموں کو درپیش سائبر خطرے کے منظر نامے کے بارے میں بات کی اور ڈیجیٹل بنیادی ڈھانچے ، اہم نظاموں اور حساس ڈیٹا کے تحفظ کے لیے سائبر سکیورٹی آڈٹ کو مضبوط کرنے کی فوری ضرورت پر زور دیا ۔ سی ای آر ٹی-ان کے اقدام کی ستائش کرتے ہوئے انہوں نے اعتماد کا اظہار کیا کہ یہ کانفرنس انفارمیشن سیکیورٹی آڈیٹنگ تنظیموں کو اپنی صلاحیتوں کو بڑھانے اور آڈٹ کے معیار کو بلند کرنے کے لیے بااختیار بنائے گی ۔

گوا الیکٹرانکس لمیٹڈ کی چیف ایگزیکٹو آفیسر اور ایگزیکٹو ڈائریکٹر محترمہ ریوتی کمار نے ایک خصوصی خطاب کیا جس میں حکومت گوا کے اقدامات پر روشنی ڈالی گئی اور ریاست کی سائبر لچک کو مستحکم کرنے کے لیے سی ای آر ٹی-ان کے ساتھ تعاون کے لیے ایک مستقبل پر مبنی روڈ میپ کا خاکہ پیش کیا گیا ۔

اس تقریب میں سائبر سکیورٹی کے شعبے میں کئی تاریخی پیش رفت ہوئی ۔ ان میں اے ایم بی اے کے (آڈٹ مانیٹرنگ ، بینچ مارکنگ ، تجزیہ اور متحرک مداخلت) کا آغاز اور ابھرتے ہوئے ڈومین پر ورکنگ گروپوں کی طرف سے پیش رفت کی رپورٹوں کا آغاز شامل تھا ۔ مزید برآں ، سی ای آر ٹی-ان نے بی آئی آر ڈی اوراین اے بی اے آر ڈی  کے اشتراک سے دیہی مالیاتی اداروں (آر ایف آئی) کے لیے ایک ایڈوانسڈ سائبر سکیورٹی سرٹیفیکیشن کورس متعارف کرایا جو ہنر مندی کے فروغ ، ادارہ جاتی صلاحیت سازی اور نچلی سطح پر اہلیت کے لیے مضبوط عزم کی عکاسی کرتا ہے ۔

اس تقریب کی ایک نمایاں خصوصیت "آڈیٹنگ دی فیوچر: سیکیورنگ ایمرجنگ ٹیکنالوجیز تھرو نیکسٹ جنریشن سائبرسیکیوریٹی آڈٹ" کے موضوع پر ایک پینل مباحثہ  تھا ، جس کی نظامت جناب ایس ایس شرما نے کی ۔ پینل میں ریزرو بینک آف انڈیا (آر بی آئی) ، سیٹکام انڈسٹری ایسوسی ایشن آف انڈیا ، سی آر آئی ایس ، بی ایس ای لمیٹڈ اور ایرٹیل پیمنٹس بینک کے ممتاز نمائندے شامل تھے ۔ سینئر سرکاری عہدیداروں اور صنعت کے سرکردہ ماہرین نے بھی پوری کانفرنس میں بصیرت انگیز اجلاسوں کا ایک سلسلہ پیش کیا ۔

تین روزہ پروگرام میں متوازی طور پر مینجمنٹ اور تکنیکی ٹریکس شامل تھے، جن میں 200 سے زائد تجاویز میں سے منتخب کیے گئے 87 سے زیادہ تحقیقی و تکنیکی مقالات پیش کیے گئے، جو جدید ترین سائبر سیکیورٹی آڈٹ طریقۂ کار کی نمائندگی کرتے تھے۔ احاطہ کردہ موضوعات میں خلائی اثاثوں جیسے یو اے وی اور سیٹلائٹس کی سائبر سیکیورٹی ،خودکار آڈٹ کے لیے ابھرتے ہوئے ٹولز، آئی او ٹی سمیت اگلی نسل کی ٹیکنالوجیز کو محفوظ بنانا ، اے آئی سے چلنے والے سائبر خطرات جیسے جدید سائبر صلاحیتوں کے ساتھ ابھرتے ہوئے فرنٹیئر اے آئی ماڈل ، بلاک چین اور کوانٹم مواصلات اور پوسٹ کوانٹم کرپٹوگرافی (پی کیو سی) ایس بی او ایم ، سی بی او ایم ، کیو بی او ایم اور ایچ بی او ایم کا نفاذ ،اے آئی سے چلنے والے ریڈ ٹیمنگ کے طریقے ،سپلائی چین آڈٹ ، اور کلاؤڈ سسٹم ، اے پی آئی اور آپریشنل ٹیکنالوجی جیسے پیچیدہ ماحول کے آڈٹ کے لیے جدید نقطہ نظر شامل ہیں ۔

شرکاء نے سائبر سیکیورٹی آڈٹس کے مستقبل کو تشکیل دینے والے تازہ ترین رجحانات، جدید ٹولز اور طریقۂ کار کے بارے میں گہری بصیرت حاصل کی۔ اہم سیکھنے کے موضوعات میں ابھرتے ہوئے آٹومیشن ٹولز، اسٹریٹجک رسک مینجمنٹ، آڈٹ فریم ورکس اور پیچیدہ ڈیجیٹل ماحول کے جائزے کے لیے موافق طریقۂ کار شامل تھے۔مندوبین اس کانفرنس سے ایسے عملی اور قابلِ عمل اقدامات کے ساتھ واپس گئے جن کا مقصد سائبر سیکیورٹی آڈٹ کی تیاری کو مزید مضبوط بنانا تھا، جس میں بالخصوص پیشگی خطرات کی نشاندہی ، لچکدار (ریزیلینس )ٹیسٹنگ، پروسیس آٹومیشن، کمپلائنس کو مستحکم بنانےاور آڈٹ کے معیار میں مسلسل بہتری پر زور دیا گیا۔

********

) ش ح ۔ ش آ۔م ذ)

U.No. 6452

(ریلیز آئی ڈی: 2256597) وزیٹر کاؤنٹر : 15