ہندوستان نے 25 اپریل 2026 کو 15:38 بجے بغیر کسی قلت کے اپنی اب تک کی سب سے زیادہ بجلی کی طلب 256.1 گیگاواٹ کو کامیابی کے ساتھ پورا کیا ہے ، جبکہ ساتھ ہی ساتھ پڑوسی ممالک کو بجلی کی برآمدات کو برقرار رکھا ہے ۔

یہ سنگِ میل 30 مئی 2024 کو ریکارڈ کیے گئے پہلے کے تمام اوقات کے بلند ترین 250 گیگاواٹ کے ہدف سے بھی آگے نکل گیا ہے، اور اس کے ساتھ ساتھ مالی سال کے دوران 9 جنوری 2026 کو مشاہدہ کیے گئے 245.4 گیگاواٹ کے بلند ترین درجے کو بھی پیچھے چھوڑ دیا ہے۔

مانگ میں اضافہ ملک بھر میں موسم گرما کے حالات کی پیش رفت کے مطابق ہے ، بجلی کی کھپت میں اپریل 2026 (یکم سے 27 اپریل) کے دوران گزشتہ سال کی اسی مدت کے مقابلے میں 8.9 فیصد کا نمایاں اضافہ دیکھا گیا ہے ۔

اس کامیابی کو مالی سال 2025-26 کے دوران تقریباً 65 گیگاواٹ کی ریکارڈ صلاحیت کے اضافے سے سہارا ملا ہے، جس سے مجموعی پیداواری پورٹ فولیو مضبوط ہوا ہے اور زیادہ طلب کے حالات سے نمٹنے کی نظامی تیاری بہتر ہوئی ہے۔ اس کے ساتھ ہی ہم اس سال تقریباً 270 گیگاواٹ کی متوقع طلب کو بھی کامیابی سے پورا کر سکتے ہیں۔

یہ مانگ پیشگی وسائل کی مناسب منصوبہ بندی،دستیاب بجلی کی پیداوار کے بہترین شیڈولنگ اور ترسیل ، اور این ایل ڈی سی ، آر ایل ڈی سی ، ایس ایل ڈی سی اور پاور جنریشن اسٹیشنوں کے درمیان حقیقی وقت میں قریبی رابطہ کاری کے ذریعے پوری کی گئی۔ اس کے ساتھ ساتھ ٹرانسمیشن کوریڈورز کے مؤثر استعمال نے بھی اس میں اہم کردار ادا کیا۔

سب سے زیادہ  مانگ (پیک ڈیمانڈ) کے وقت یہ ضرورت توانائی کے متنوع ذرائع پر مشتمل پیداوار کے پورٹ فولیو کے ذریعے پوری کی گئی، جس میں تھرمل، ہائیڈرو، نیوکلیئر اور قابلِ تجدید توانائی شامل تھی، تاکہ نظام کی قابلِ اعتمادیت اور گرڈ کے استحکام کو یقینی بنایا جا سکے۔ قابلِ تجدید توانائی، خصوصاً شمسی توانائی نے اس میں نمایاں حصہ ڈالا، جبکہ ہائیڈرو اور دیگر لچکدار ذرائع نے پیک حالات میں اہم معاون کردار ادا کیا۔

پیک ڈیمانڈ کی تکمیل کے وقت گرڈ فریکوئنسی اور ذرائع کے لحاظ سے حصہ داری

***

ش ح۔ ش آ۔م ر

U: 6415

(ریلیز آئی ڈی: 2256337) وزیٹر کاؤنٹر : 11