ਡਾਇਰੈਕਟਰ ਜਨਰਲ ਇੰਡੀਅਨ ਕੋਸਟ ਗਾਰਡ, ਡੀਜੀ ਪਰਮੇਸ਼ ਸ਼ਿਵਮਣੀ ਨੇ 25 ਅਪ੍ਰੈਲ, 2026 ਨੂੰ ਪੁਡੂਚੇਰੀ ਵਿੱਚ ਕੋਸਟ ਗਾਰਡ ਜ਼ਿਲ੍ਹਾ ਹੈੱਡਕੁਆਰਟਰ ਨੰਬਰ 13 ਦੇ ਅਤਿਆਧੁਨਿਕ ਓਟੀਐੱਮ ਪ੍ਰਸ਼ਾਸਨਿਕ ਕੰਪਲੈਕਸ ਦਾ ਉਦਘਾਟਨ ਕੀਤਾ।

ਇਹ ਉਦਘਾਟਨ ਪੂਰਬੀ ਤਟ ‘ਤੇ ਭਾਰਤ ਦੀ ਸਮੁੰਦਰੀ ਸੁਰੱਖਿਆ ਵਿਵਸਥਾ ਨੂੰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ। ਇਹ ਨਵ-ਨਿਰਮਿਤ ਕੰਪਲੈਕਸ ‘ਆਧੁਨਿਕ ਬਲ, ਆਧੁਨਿਕ ਬੁਨਿਆਦੀ ਢਾਂਚਾ’ ਦੀ ਕਲਪਨਾ ਨੂੰ ਦਰਸਾਉਂਦਾ ਹੈ, ਅਤੇ ਇਸ ਨੂੰ ਸੰਚਾਲਨ ਕੁਸ਼ਲਤਾ ਅਤੇ ਪ੍ਰਸ਼ਾਸਨਿਕ ਸਮਰੱਥਾ ਨੂੰ ਵਧਾਉਣ ਦੇ ਉਦੇਸ਼ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ।

ਇਸ ਕੇਂਦਰ ਵਿੱਚ ਇੱਕ ਐਡਵਾਂਸਡ ਆਪ੍ਰੇਸ਼ਨ ਸੈਂਟਰ ਦੇ ਨਾਲ-ਨਾਲ ਪੁਡੂਚੇਰੀ ਦਾ ਮੈਰੀਟਾਈਮ ਰੈਸਕਿਊ ਸਬ-ਸੈਂਟਰ ਵੀ ਮੌਜੂਦ ਹੈ, ਜੋ ਕਮਾਂਡ, ਕੰਟਰੋਲ ਅਤੇ ਕੋਆਰਡੀਨੇਸ਼ਨ ਲਈ ਇੱਕ ਏਕੀਕ੍ਰਿਤ ਕੇਂਦਰ ਦਾ ਨਿਰਮਾਣ ਕਰਦਾ ਹੈ। ਇਹ ਏਕੀਕ੍ਰਿਤ ਬੁਨਿਆਦੀ ਢਾਂਚਾ ਉਭਰ ਰਹੀਆਂ ਸਮੁੰਦਰੀ ਚੁਣੌਤੀਆਂ ਪ੍ਰਤੀ ਤੁਰੰਤ ਅਤੇ ਪ੍ਰਭਾਵਸ਼ਾਲੀ ਪ੍ਰਤੀਕਿਰਿਆ ਦੇਣ ਵਿੱਚ ਸਮਰੱਥ ਬਣਾਏਗਾ।

ਕੋਸਟ ਗਾਰਡ ਡਿਸਟ੍ਰਿਕਟ ਹੈੱਡਕੁਆਰਟਰ ਨੰਬਰ 13 ਪੁਡੂਚੇਰੀ ਅਤੇ ਮੱਧ ਤਮਿਲ ਨਾਡੂ ਖੇਤਰ ਲਈ ਕੰਮ ਕਰਦਾ ਹੈ ਅਤੇ ਇਹ 140 ਨੌਟੀਕਲ ਮੀਲ ਤੋਂ ਵੱਧ ਵਿਸਤ੍ਰਿਤ ਸਮੁੰਦਰੀ ਖੇਤਰ ਦੀ ਨਿਗਰਾਨੀ ਕਰਦਾ ਹੈ। ਭਾਰਤੀ ਤਟ ਰੱਖਿਅਕ ਬਲਾਂ ਦਾ ਇਹ ਹੈੱਡਕੁਆਰਟਰ ਸਮੁੰਦਰ ਵਿੱਚ ਜਾਨ ਅਤੇ ਮਾਲ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਇਸ ਦੇ ਨਾਲ ਹੀ, ਇਹ ਸਮੁੰਦਰੀ ਵਾਤਾਵਰਣ ਦੀ ਸੰਭਾਲ, ਪ੍ਰਦੂਸ਼ਣ ਨਿਯੰਤਰਣ ਅਤੇ ਅਵੈਧ ਗਤੀਵਿਧੀਆਂ ‘ਤੇ ਨਿਗਰਾਨੀ ਰਾਹੀਂ ਸਾਡੇ ਸਮੁੰਦਰੀ ਹਿਤਾਂ ਦੀ ਰੱਖਿਆ ਕਰਦਾ ਹੈ। 

 

****

ਐੱਸਆਰ/ਪੀਐੱਸ/ਏਕੇ

(Release ID: 2255991) ਵਿਜ਼ੀਟਰ ਕਾਊਂਟਰ : 7