IIT ગાંધીનગર ઇન્ક્યુબેટેડ સ્ટાર્ટઅપ, AB6 રોબોટિક્સ (AB6 Robotics), IIT ગાંધીનગર ખાતે સંપૂર્ણ હેન્ડ્સ-ઓન (પ્રાયોગિક) અને સંપૂર્ણ આવાસી 2-અઠવાડિયાની રોબોટિક્સ સમર સ્કૂલનું આયોજન કરી રહ્યું છે. 'અરોરા રાઇઝિંગ' (Aurora Rising) નામની આ સમર સ્કૂલ 15 જૂનથી 28 જૂન, 2026 દરમિયાન યોજવામાં આવશે.

આ સમર સ્કૂલને જે બાબત અલગ પાડે છે તે તેનું અનુભવજન્ય અને સહયોગાત્મક ફોર્મેટ છે. સહભાગીઓ કાર્યક્રમ દરમિયાન વિવિધ ઉદ્યોગ-ગ્રેડના રોબોટ પ્લેટફોર્મ્સ પર પ્રાયોગિક પડકારો દ્વારા રોબોટિક્સ શીખશે. આ કાર્યક્રમમાં રોબોટિક્સ ક્ષેત્રના સ્ટાર્ટઅપ સ્થાપકો અને સંશોધકો સાથેના સત્રોનો પણ સમાવેશ થાય છે જે સહભાગીઓને વ્યાપક એક્સપોઝર પૂરો પાડે છે. અભ્યાસક્રમ રોબોટ કિનેમેટિક્સ, કંટ્રોલ સિસ્ટમ્સ અને સેન્સિંગ અને પર્સેપ્શન જેવા ખ્યાલોને હાર્ડવેરના પ્રાયોગિક અનુભવ સાથે સાંકળે છે - જે સિદ્ધાંત અને વ્યવહારિક ઉપયોગ વચ્ચેના અંતરને પૂરે છે.

સમર સ્કૂલનું નેતૃત્વ કરી રહેલા પ્રોફેસર હરીશ પી.એમ.એ જણાવ્યું હતું કે "ઉદ્યોગો જે ઝડપે રોબોટિક્સ, ઓટોમેશન અને AI-સંચાલિત પ્રણાલીઓ અપનાવી રહ્યા છે, તે જોતા આવા પ્રાયોગિક ડોમેન્સમાં કુશળ પ્રતિભાની માંગ ઝડપથી વધી રહી છે. જો કે, વિદ્યાર્થીઓ અને વ્યાવસાયિકોના મોટા વર્ગ માટે આવા અદ્યતન ક્ષેત્રોમાં પ્રેક્ટિકલ, હેન્ડ્સ-ઓન તાલીમ માટેની બહુ ઓછી તકો ઉપલબ્ધ છે."

'અરોરા રાઇઝિંગ' ની અગાઉની આવૃત્તિમાં ભારતની વિવિધ સંસ્થાઓના વિદ્યાર્થીઓની મજબૂત ભાગીદારી જોવા મળી હતી અને તેની સખત સંરચના તેમજ પ્રાયોગિક શિક્ષણ પદ્ધતિ માટે તેની વ્યાપક પ્રશંસા કરવામાં આવી હતી. અગાઉની બેચના પસંદગીના ટોચના દેખાવ કરનારા સહભાગીઓ વિસ્તૃત સંશોધન તકો સુધી પહોંચ્યા હતા, અને લાઇવ રોબોટિક્સ પ્રોજેક્ટ્સ પર કામ કર્યું હતું. ત્યારથી આ પ્રોગ્રામ રોબોટિક્સ સંશોધન, નવીનતા અને સાહસિકતા ક્ષેત્રે આગળ વધવા માંગતા વિદ્યાર્થીઓ માટે એક આશાસ્પદ પ્લેટફોર્મ તરીકે સ્થાપિત થયો છે.

AB6 રોબોટિક્સ, જે આ પ્રોગ્રામ માટે ઉદ્યોગ ભાગીદાર છે, તે એપ્લાઇડ રોબોટિક્સ અને એન્જિનિયરિંગ શિક્ષણમાં તેની નવીન પ્રોડક્ટ્સ માટે જાણીતું છે. આ સંસ્થા વ્યવહારુ અને સુલભ શિક્ષણ ઇકોસિસ્ટમ બનાવવા પર ધ્યાન કેન્દ્રિત કરે છે જે વિદ્યાર્થીઓને ઉદ્યોગ-સંગત કૌશલ્યો અને વાસ્તવિક દુનિયાની સમસ્યાઓ ઉકેલવાની ક્ષમતાઓથી સજ્જ કરે છે.

AB6 રોબોટિક્સના સ્થાપક શ્રી સુયશ પાટીદારે જણાવ્યું હતું કે "AI અને ડિજિટલ સાધનોના આગમન સાથે હેન્ડ્સ-ઓન લર્નિંગની પદ્ધતિ ઝડપથી બદલાઈ રહી છે. AB6 રોબોટિક્સ પ્લેટફોર્મ્સ સહભાગીઓ માટે ઊંડા અને આકર્ષક અનુભવ માટે અદ્યતન શિક્ષણ પદ્ધતિ અને AI સાધનોનો સમાવેશ કરે છે."

અરોરા રાઇઝિંગ 2026 એ તમામ વિષયોના એન્જિનિયરિંગ વિદ્યાર્થીઓ માટે ખુલ્લું છે જેઓ ગણિત અને પ્રોગ્રામિંગની પાયાની સમજ ધરાવે છે. આ પ્રોગ્રામ સંપૂર્ણપણે આવાસીય છે, જેમાં આવાસ, ભોજન અને તમામ લર્નિંગ રિસોર્સિસ તેમજ હાર્ડવેર ઇન્ફ્રાસ્ટ્રક્ચરની ઍક્સેસનો પ્રોગ્રામમાં સમાવેશ થાય છે. તેજસ્વી અને લાયક ઉમેદવારો માટે શિષ્યવૃત્તિ ઉપલબ્ધ છે. પ્રોગ્રામની વિગતો અને નોંધણીની વિગતો વેબસાઇટ absixrobotics.com/aurora પર ઉપલબ્ધ છે.

પ્રાયોગિક શિક્ષણ, આંતરશાખાકીય સહયોગ અને વાસ્તવિક દુનિયાના રોબોટિક્સ પડકારોના સંપર્ક પર તેના મજબૂત ભાર સાથે, અરોરા રાઇઝિંગ 2026 એ ભારતના ઝડપથી વિકસતા રોબોટિક્સ લેન્ડસ્કેપમાં નવીનતાઓ અને સમસ્યાઓ ઉકેલનારાઓની આગામી પેઢી માટે એક આદર્શ પ્લેટફોર્મ છે.

 

(રીલીઝ આઈડી: 2255399) મુલાકાતી સંખ્યા : 26