ملک میں بجلی کی وافر دستیابی موجود ہے۔ فروری 2026 تک ملک کی موجودہ نصب شدہ پیداواری صلاحیت 524 گیگا واٹ  ہے۔ بھارت نے اپریل 2014 سے اب تک 299.87 گیگا واٹ نئی پیداواری صلاحیت کا اضافہ کر کے بجلی کی کمی کے سنگین مسئلے کو حل کیا ہے، جس سے ملک بجلی کی کمی والے ملک سے بجلی کی وافر مقدار والے ملک میں تبدیل ہو گیا ہے۔

موسم گرما کے دوران جب بجلی کی مانگ بڑھ جاتی ہے، تو گیس پر مبنی بجلی گھروں کا حصہ تقریباً 10 گیگا واٹ ہوتا ہے (خاص طور پر ان اوقات میں جب شمسی توانائی دستیاب نہیں ہوتی)۔ملک کو فی الوقت مشرق وسطیٰ کے بحران کی وجہ سے’قدرتی گیس‘ کی دستیابی اور اس کی قیمتوں میں اتار چڑھاؤ کے حوالے سے چیلنجز درپیش ہیں۔ تاہم بجلی پیدا کرنے والے ادارے متبادل ذرائع تلاش کر رہے ہیں۔

مشرق وسطیٰ کے بحران کے باوجود، ہمارے ملک کانظام موسم گرما میں توانائی کی مانگ کو پورا کرنے کے لیے پوری طرح تیار ہے، جس میں کوئلے پر مبنی بجلی، قابل تجدید توانائی اور انرجی اسٹوریج سسٹم (توانائی ذخیرہ کرنے کا نظام) گیس پر مبنی کم پیداوار کی تلافی کر رہے ہیں۔ آنے والے موسم گرما (اپریل سے جون 2026) کے دوران بجلی کی انتہائی مانگ کو پورا کرنے کے لیے درج ذیل اقدامات کیے گئے ہیں:

1۔  یکم اپریل 2026 سے ٹاٹا پاور کے کوسٹل گجرات پاور لمیٹڈ ( سی جی پی ایل) کے 4,000 میگا واٹ صلاحیت کے بجلی گھر کو فعال کرنے کے لیے الیکٹرسٹی ایکٹ 2003 کے سیکشن 11 کے تحت ہدایات جاری کر دی گئی ہیں۔ اس سے پانچ ریاستوں یعنی گجرات، مہاراشٹر، راجستھان، ہریانہ اور پنجاب کو بجلی کی بہتر دستیابی یقینی ہوگی۔

2۔  زیرِ تعمیر بجلی گھروں (تھرمل اور ہائیڈرو) کی پیشرفت کی قریبی نگرانی کی جا رہی ہے جنہیں جون 2026 تک مکمل کرنے کا ہدف دیا گیا ہے۔

3۔  قابلِ تجدید توانائی کے پلانٹس، خاص طور پر ونڈ پاور پلانٹس اور بیٹری انرجی اسٹوریج سسٹمز (بی ای ایس ایس) کو فعال کرنے کے لیے تیزی سے کلیئرنس دی جا رہی ہے۔

4۔ تھرمل پاور پلانٹس کی منصوبہ بند دیکھ بھال کو موخر کیا جا رہا ہے تاکہ مناسب پیداواری صلاحیت دستیاب ہو سکے۔ اس سے اپریل سے جون 2026 کے دوران تقریباً 10,000 میگاواٹ بجلی دستیاب ہوگی۔

5۔  22 مارچ 2026 تک ملک میں کوئلے پر مبنی پلانٹس کے پاس کوئلے کا اسٹاک تقریباً 58.2 ملین ٹن ( ایم ٹیز) ہے، جو کہ 85 فیصد پلانٹ لوڈ فیکٹر ( پی ایل فی) پر اوسطاً 19 دن تک پلانٹس چلانے کے لیے کافی ہے۔ تمام جنریشن کمپنیوں (جی ای این سی اوز) کو کوئلے کی مزید دستیابی یقینی بنانے کے لیے، کول انڈیا لمیٹڈ ( سی آئی ایل) کو نظرثانی شدہ شکتی پالیسی 2025 کے ونڈو-I اور ونڈو-II کے تحت نیلامی کرنے کا مشورہ دیا گیا ہے۔

6۔ گزشتہ 10 دنوں میں مقامی کوئلے کی اوسط ریک لوڈنگ  بڑھ کر 465 ریک یومیہ تک پہنچ گئی ہے۔ کول انڈیا لمیٹڈ (سی آئی ایل)، سنگارینی کولیریز کمپنی لمیٹڈ ( ایس سی سی ایل) اور کیپٹیو کول مائن مالکان کے ساتھ ساتھ جنریشن کمپنیوں کو مقامی کوئلے کی ریک لوڈنگ میں مزید اضافہ کرنے کا مشورہ دیا گیا ہے۔ وزارت کوئلہ کے تحت قائم کردہ ذیلی گروپ اس کی باقاعدگی سے نگرانی کر رہا ہے۔

7۔ صنعتوں کی جانب سے اپنی ضرورت کی بجلی پیدا کرنے  کی حوصلہ افزائی کے لیے الیکٹرسٹی (ترمیمی) رولز 2026 (2005 کے قوائد میں ترمیم) نوٹیفائی کر دیے گئے ہیں۔

8۔ ہائیڈرو پاور (پانی سے بجلی کی پیداوار) کی ترتیب اس طرح بنائی جا رہی ہے تاکہ بجلی کی زیادہ مانگ کے دوران ضرورت پوری کرنے کے لیے پانی کو محفوظ رکھا جا سکے۔

9۔تمام جنریشن کمپنیوں بشمول آئی پی پیز اور مرکزی بجلی پیدا کرنے والے اداروں کو ہدایت دی گئی ہے کہ وہ منصوبہ بند مرمت یا اچانک خرابی (فورسڈ آؤٹیج) کے ادوار کو چھوڑ کر روزانہ کی بنیاد پر مکمل دستیابی کے ساتھ بجلی کی پیداوار اور اسے برقرار رکھیں۔

موجودہ مالی سال 26-2025 (جنوری 2026 تک) کے دوران تھرمل پاور کی جو صلاحیت شامل کی گئی ہے اور مارچ 2026 تک جس اضافی صلاحیت کے فعال ہونے کی توقع ہے، اس کی تفصیلات درج ذیل جدول میں دی گئی ہیں:

موجودہ مالی سال 26-2025 (جنوری 2026 تک) کے دوران شامل کردہ تھرمل پاور کی گنجائش اور مارچ 2026 میں متوقع اضافی گنجائش کی تفصیلات درج ذیل ہیں:

 

 

بجلی کی وزارت کے وزیر مملکت جناب شری پد نائک نے آج راجیہ سبھا میں ایک تحریری جواب میں یہ معلومات فراہم کیں۔

 

************

ش ح۔م م ع۔ص ج

 (U: 6174)

(ریلیز آئی ڈی: 2254526) وزیٹر کاؤنٹر : 32