ٹیکسٹائل کی وزارت نے ہندوستانی ٹیکسٹائل برآمدات کے لیے زیادہ امکانات والے عالمی مقامات کی نشاندہی کرنے کے لیے ایک جامع اور مرکوز مختلف ممالک کے بازاروں میں پھیلاؤ کی حکمت عملی وضع کی ہے۔ اس حکمت عملی کا مقصد مارکیٹ کے ارتکاز کے خطرات کو کم کرنا اور ہندوستانی ٹیکسٹائل صنعت کے لیے ایک زیادہ لچکدار، متنوع اور پائیدار عالمی پہچان قائم کرنا ہے۔ اس کے لیے ایکسپورٹ پروموشن کونسلز (ای پی سی)، صنعتی وفود اور بیرون ملک ہندوستانی مشنز کی مربوط کوششوں کے ذریعے ان شناخت شدہ بازاروں میں منظم اور طے شدہ آؤٹ ریچ کا تصور پیش کیا گیا ہے۔

اس اقدام کے تحت، وزارت کی جانب سے ٹارگٹ ممالک کے لیے نوڈل آفیسرز مقرر کیے گئے ہیں، جنہیں مختلف جغرافیائی بلاکس میں تقسیم کیا گیا ہے۔ اس کے علاوہ، نیشنل انسٹی ٹیوٹ آف فیشن ٹیکنالوجی (این آئی ایف ٹی) کے نوڈل افسران کو ڈیزائن، پروڈکٹ اڈاپٹیشن اور مارکیٹ پر مبنی معاونت فراہم کرنے کے لیے اس اقدام کے ساتھ منسلک کیا گیا ہے۔ وزارت ٹیکسٹائل برآمدات میں معاونت کے لیے توجہ کے حامل ممالک میں ہندوستانی سفارت خانوں/مشنوں کے ساتھ فعال طور پر رابطہ کر رہی ہے تاکہ سفارتی مشغولیت اور تجارتی سہولت کاری کی کوششوں کو تقویت دی جاسکے۔

اس حکمت عملی کے حصے کے طور پر، وزارت نے رواں سال کے دوران ایکسپورٹ پروموشن کونسلز (ای پی سی) اور بیرون ملک ہندوستانی مشنز کے ساتھ رابطہ قائم کر کے ہندوستانی ٹیکسٹائل مصنوعات کے فروغ کے لیے کئی وفود کو منتخب ممالک میں بھیجا ہے۔ مزید برآں، بین الاقوامی بازاروں تک بھارت کی رسائی کو مضبوط بنانے کے مقصد سے برآمدات کے فروغ سے متعلق مشن (ای پی ایم) کے مارکیٹ ایکسیس سپورٹ (ایم اے ایس) جزو کے تحت بیرون ملک سرگرمیوں، بشمول شناخت شدہ ممالک میں بائیر-سیلر میٹس (بی ایس ایم)، تجارتی میلوں، نمائشوں اور مارکیٹ تک رسائی کے دیگر متعلقہ اقدامات کے لیے ساختی معاونت فراہم کی جاتی ہے۔

اس کے علاوہ، بھارت نے 16 آزاد تجارتی معاہدوں (ایف ٹی اے) پر دستخط کیے ہیں اور شناخت شدہ کئی توجہ کے حامل ممالک پہلے ہی ان معاہدوں کے تحت آتے ہیں۔ ان میں آسٹریلیا، متحدہ عرب امارات، جاپان، جمہوریہ کوریا، سری لنکا، سنگاپور، تھائی لینڈ، ملیشیا، سوئٹزرلینڈ اور برطانیہ شامل ہیں۔ مزید برآں، اس مرکوز اقدام کے تحت آنے والے کئی ممالک یورپی یونین کے رکن ہیں، جن کے ساتھ بھارت نے حال ہی میں ایف ٹی اے  مذاکرات مکمل کیے ہیں۔

وزارت ٹیکسٹائل کے زیر انتظام ’آفس آف دی ڈویلپمنٹ کمشنر (ہینڈی کرافٹس)‘ ملک بھر میں دستکاری کے شعبے کی مجموعی ترقی اور فروغ کے لیے دو اسکیمیں نافذ کرتا ہے: نیشنل ہینڈی کرافٹس ڈویلپمنٹ پروگرام (این ایچ ڈی پی) اور جامع ہینڈی کرافٹس کلسٹر ڈویلپمنٹ اسکیم (سی ایچ سی ڈی ایس)۔ این ایچ ڈی پی (این ایچ ڈی پی) اسکیم کے مارکیٹ سپورٹ اینڈ سروسز(ایم ایس ایس) جزو کے تحت دستکاری کی برآمدات کو فروغ دینے اور عالمی برانڈنگ کو مضبوط کرنے کے لیے بھارت اور بیرون ملک بین الاقوامی مارکیٹنگ ایونٹس کا اہتمام کیا جاتا ہے۔ اہل تنظیموں کو بین الاقوامی میلوں کے انعقاد اور ان میں شرکت، بین الاقوامی کرافٹ ایکسپوژر پروگرام، بائیر-سیلر میٹ اور ریورس بائیر-سیلر میٹ، ورچوئل پلیٹ فارمز پر میلوں/نمائشوں/ایونٹس، روڈ شوز اور ہندوستانی دستکاری کو فروغ دینے کے لیے بیرون ملک بیداری مہمات چلانے کے لیے تعاون فراہم کیا جاتا ہے۔

مزید برآں، ایوارڈ یافتہ کاریگروں اور دستکاری کے برآمد کنندگان کو ان بین الاقوامی مارکیٹنگ ایونٹس میں شرکت کے لیے نامزد کیا جاتا ہے، جس سے وہ براہ راست عالمی بازاروں تک رسائی حاصل کر سکتے ہیں، اپنی کاریگری کی نمائش کر سکتے ہیں اور بین الاقوامی خریداروں کے ساتھ روابط استوار کر سکتے ہیں۔ این ایچ ڈی پی اسکیم کے ایم ایس ایس جزو کے تحت مالی معاونت میں بھارت میں منعقدہ ایونٹس کے لیے اسپیس رینٹ، بنیادی ڈھانچے کی سہولیات، ایونٹس کی تشہیر، اور شرکت کرنے والے کاریگروں کے لیے سفری و فریٹ اخراجات شامل ہیں۔ بین الاقوامی مارکیٹنگ ایونٹس میں شرکت کے لیے نامزد کردہ کاریگروں کو رہائش/کھانے کے اخراجات بھی فراہم کیے جاتے ہیں۔

وزارت ٹیکسٹائل ملک بھر کے ہتھ کرگھے کے بنکروں کو مخصوص مدد فراہم کرنے کے لیے نیشنل ہینڈلوم ڈویلپمنٹ پروگرام چلا رہی ہے۔ اس اسکیم کے تحت، اہل ہینڈلوم ایجنسیوں/کارکنوں کو جدید لومز اور لوازمات کے حصول، سولر لائٹنگ یونٹس، ورک شیڈ کی تعمیر، پروڈکٹ ڈائیورسٹی اور ڈیزائن انوویشن، تکنیکی اور مشترکہ بنیادی ڈھانچے، انڈیا ہینڈلوم برانڈ (آئی ایچ بی)، ہینڈلوم مارک (ایچ ایل ایم) اور جی آئی ٹیگ کے ذریعے برانڈنگ، ای-کامرس کی سہولیات، گھریلو/بیرون ملک منڈیوں میں ہینڈلوم مصنوعات کی مارکیٹنگ، بنکروں کی مُدرا اسکیم کے تحت رعایتی قرضوں اور سماجی تحفظ وغیرہ کے لیے مالی امداد فراہم کی جاتی ہے۔

موجودہ کاٹن سیزن 2025-26 کے دوران، گھریلو ٹیکسٹائل صنعت کو کپاس کی کافی دستیابی کو یقینی بنانے کے لیے، حکومت ہند نے معیاری خام مال کی وافر دستیابی کو یقینی بنانے کی غرض سے وزارت خزانہ کے محکمۂ محصولات کی جانب سے جاری کردہ نوٹیفکیشن نمبر 35/2025-کسٹمز (بتاریخ 18 اگست 2025) اور نوٹیفکیشن نمبر 36/2025-کسٹمز (بتاریخ 28 اگست 2025) کے ذریعے ٹیرف ہیڈنگ 5201 کے تحت کپاس کی درآمدی ڈیوٹی میں 19 اگست 2025 سے 31 دسمبر 2025 تک چھوٹ دی تھی۔ 31 دسمبر 2025 کے بعد درآمدی ڈیوٹی (بشمول 5 فیصد کسٹمز ڈیوٹی، 5 فیصداے آئی ڈی سی اور 10 فیصد سیس) دوبارہ قابل اطلاق ہے۔ مزید برآں، کافی سپلائی اور ان پٹ لاگت میں کمی کو یقینی بنانے کے لیے، وزارت ٹیکسٹائل را میٹریل سپلائی اسکیم کے تحت مستحقین کے گھر تک دھاگے کی نقل و حمل کے لیے ٹرانسپورٹ سبسڈی اور کاٹن ہینک یارن (سوت) وغیرہ پر 15 فیصد پرائس سبسڈی فراہم کرتی ہے۔

یہ معلومات ٹیکسٹائل کے وزیر جناب گری راج سنگھ نے 20 مارچ 2026 کو راجیہ سبھا میں ایک سوال کے تحریری جواب میں فراہم کیں۔

******

ش ح۔ ک ح –ن ع

U.NO.5922

 

(ریلیز آئی ڈی: 2252701) وزیٹر کاؤنٹر : 19