حکومت نے نوٹیفائی کیا ہے کہ میسرز ٹاٹا سیمی کنڈکٹر مینوفیکچرنگ پرائیویٹ لمیٹڈ کی جانب سے گجرات کےدھولیرامیں خصوصی طور پر الیکٹرانک ہارڈویئر اور سافٹ ویئر بشمول آئی ٹی/آئی ٹی ای ایس کے لیے ایک خصوصی اقتصادی زون (ایس ای زیڈ) قائم کیا جائے گا۔ یہ ایس ای زیڈ 66.166 ہیکٹیئر اراضی پر پھیلا ہوا ہے اور اس سے 21,000 افراد کو روزگار ملنے کی توقع ہے۔ یہ ایس ای زیڈ الیکٹرانک ہارڈویئر، سافٹ ویئر اور آئی ٹی سے منسلک خدمات کو سہولت فراہم کرنے کے لیے ڈیزائن کیا گیا ہے اور اس میں آپریشنز اور لاجسٹکس کو ہموار کرنے کے لیے بنیادی ڈھانچہ اور منظوری کا ایک مخصوص میکانزم شامل ہے۔ یہ بھارت کا پہلا چپ فیبریکیشن پلانٹ ہے۔

اس سے قبل، حکومت نے خصوصی اقتصادی زونز(ایس ای زیڈ) کے قانون میں ترقی پسندانہ اصلاحات اور شعبہ کے لحاظ سےخصوصی اقتصادی زون کی طے شدہ منظوری کے ذریعے بھارت کے سیمی کنڈکٹر اور الیکٹرانکس مینوفیکچرنگ کے ایکو سسٹم کو مضبوط بنانے کے لیے کئی اہم اقدامات کیے ہیں۔ حکومت کی توجہ کے مطابق، ان اصلاحات کا مقصد زیادہ قدر والی، سرمایہ کاری پر مبنی صنعتوں کو فروغ دینا، جدت طرازی کی حوصلہ افزائی کرنا اور عالمی سطح پر مسابقتی سیمی کنڈکٹر ایکو سسٹم کی تیاری کے لیے کاروبار میں آسانی کو بڑھانا ہے۔

ایس ای زیڈ رولز، 2006 میں اہم ترامیم 3 جون 2025 کے نوٹیفکیشن کے ذریعے کی گئیں تاکہ سیمی کنڈکٹر اور الیکٹرانکس مینوفیکچرنگ کی منفرد ضروریات کو پورا کیا جا سکے۔ ان میں کم از کم زمین کی ضرورت کو 50 ہیکٹیئر سے کم کر کے 10 ہیکٹیئر کرنا، زمین کے رہن سے متعلق ضوابط میں لچیلاپن، نیٹ فارن ایکسچینج کے حساب کتاب میں مفت سپلائیز کو شامل کرنا اور قابلِ اطلاق ڈیوٹیز کی ادائیگی پر ڈومیسٹک ٹیرف ایریا (ڈی ٹی اے) میں مقامی فروخت کی اجازت دینا شامل ہے۔

ان اصلاحات کو آگے بڑھاتے ہوئے، ایس ای زیڈ کے لیے بورڈ آف اپروول نے سیمی کنڈکٹر اور الیکٹرانکس کے لیے ایس ای زیڈ قائم کرنے کی بڑی تجاویز کو منظوری دی ہے۔ خاص طور پر، مائکرون سیمی کنڈکٹر ٹیکنالوجی انڈیا پرائیویٹ لمیٹڈ سانند، گجرات میں 13,000 کروڑ روپے کی تخمینہ لاگت سے سیمی کنڈکٹر اسمبلی، ٹیسٹنگ، مارکنگ اور پیکیجنگ کے لیے ایک ایس ای زیڈ قائم کر رہی ہے، جبکہ ایکوس گروپ  دھارواڑ، کرناٹک میں الیکٹرانک پرزہ جات کی مینوفیکچرنگ کا ایس ای زیڈ قائم کر رہا ہے۔ توقع ہے کہ یہ پروجیکٹس مقامی ویلیو چینز کی ترقی، اعلیٰ مہارت والے روزگار کی تخلیق اور درآمدی انحصار کو کم کرنے کا باعث بنیں گے۔ مذکورہ بالا ریگولیٹری نرمی کے بعد منظور شدہ ایس ای زیڈز کی فہرست درج ذیل ہے:

یہ ایس ای زیڈ ایک مضبوط، مسابقتی، لچیلے اور مستقبل کے لیے تیار سیمی کنڈکٹر ایکو سسٹم کی بتدریج تشکیل میں معاون ثابت ہوں گے۔ یہ اقدامات، صنعت کی شرکت اور پالیسی سپورٹ کے ساتھ مل کر، مربوط مینوفیکچرنگ کلسٹرز کی تخلیق کی راہ ہموار کر رہے ہیں، جس سے مقامی صلاحیتیں مضبوط ہورہی ہیں اور بھارت کو سیمی کنڈکٹر اور الیکٹرانکس کی پیداوار کے ایک ابھرتے ہوئے مرکز کے طور پر مستحکم کیا جا رہا ہے۔

******

ش ح۔ ک ح –ن ع

U.NO.5920

 

(ریلیز آئی ڈی: 2252680) وزیٹر کاؤنٹر : 14