پی ایچ ڈی چیمبر آف کامرس اینڈ انڈسٹری (پی ایچ ڈی سی سی آئی) کے زیر اہتمام فارما میڈ 2026 کا 9 واں ایڈیشن آج نئی دہلی میں شروع ہوا ۔ ‘‘ہیلتھ کیئر ایکویٹی: وکست بھارت کے ہر شہری تک رسائی’’ کے موضوع پر مرکوز افتتاحی اجلاس  میں سینئر پالیسی سازوں ، عالمی انضباطی اداروں  ، ممتاز صنعتی  رہنماؤں اور ماہرین یکجا ہوئے  اور ہندوستان کے دواسازی کے شعبے کو مضبوط بنانے پر بامعنی بات چیت کے لیے منظرنامہ ترتیب دیا۔

صحت عامہ کی ترجیحات پر روشنی ڈالتے ہوئے نیتی آیوگ کے رکن ڈاکٹر ونود کے پال نے صحت کی دیکھ بھال کی استطاعت میں اس شعبے کے اہم رول  کا ذکر کیا ۔ انہوں نے کہا کہ‘‘ادویات صحت کی دیکھ بھال پر  اخراجات کا  ایک بڑا حصہ صرف ہوتا ہے ، یہی وجہ ہے کہ  دوا سازی کی صنعت ، مساوات اور مالی تحفظ کے اعتبار سے مرکزی اہمیت کی حامل ہے’’ ۔

تحقیق ، ترقی اور اختراع  کے رول پر زور دیتے ہوئے (آر ڈی آئی) ڈاکٹر پال نے کہا کہ ‘‘ہندوستان میں قابلیت  ، پیمانے اور سائنسی صلاحیت موجود ہے ۔ اگر  یہ صلاحیتیں مستحکم آر ڈی آئی کے ساتھ منسلک  ہیں ، تو ہندوستان نہ صرف عالمی فارمامیں حصہ لے گا ، بلکہ اس کی قیادت کرے گا ۔ آیوشمان بھارت  پہل کی بدولت 1,80,000 صحت مراکز میں  تبدیلی رونما ہورہی ہے ، بنیادی سطح پر 105-172 ضروری دوائیں مفت فراہم کی جارہی ہیں  ، جو  عالمی طورپر  صحت کی سہولیات کی زیادہ سے زیادہ دستیابی کی جانب ایک اہم قدم ہے۔

 اجلاس  سے خطاب کرتے ہوئے محکمہ فارماسیوٹیکلز کے جوائنٹ سکریٹری جناب ستیہ پرکاش ٹی ایل نے دوا سازی کے شعبے میں تبدیلی کا ذکر کیا ۔ پالیسی ترجیحات پر روشنی ڈالتے ہوئے ، انہوں نے کہا کہ مرکزی بجٹ 27-2026 حیاتیاتی ماحولیاتی نظام کی تعمیر اور تحقیق سے لے کر  مارکیٹ ٹائم لائنز کو تیز کرنے کی ضرورت پر زور دیتا ہے ۔ 1, 000 کلینیکل  آزمائشی مراکز  قائم کرنے کا ہندوستان کا منصوبہ ہمارے اختراعی ماحولیاتی نظام کو مضبوط کرتے ہوئے کارکردگی میں نمایاں اضافہ کرے گا اور لاگت کو کم کرے گا ۔ انہوں نے مزید کہا کہ درآمد شدہ بلک ادویات پر انحصار کو ملکی  انزائمیٹک انجینئرنگ کے ذریعے حل کیا جانا چاہیے ، اور 8,000 سے زیادہ ایس ٹی ای ایم اداروں اور 300,000 محققین کی صلاحیتیوں کو بروئے کار لانا چاہیے۔

یہ کہتے ہوئے  کہ ‘‘پیچیدگی سے کوڈ تک:حیاتیات نئی ٹیکنالوجی ہے’’جناب ستیہ پرکاش نے کہا کہ بدترین کو ہم  پیچھے  چھوڑ چکے ہیں اور بہترین ابھی شروع ہوا ہے۔

اس سے قبل ڈاکٹر رنجیت مہتہ، سی ای او اور سکریٹری جنرل ، پی ایچ ڈی سی سی آئی نے صحت کی مساویانہ دیکھ بھال کی اہمیت پر زور دیا ۔ وکست بھارت کی طرف حقیقی پیش رفت نہ صرف اقتصادی ترقی کا مطالبہ کرتی ہے ، بلکہ ایک ایسے صحت مند ہندوستان کا مطالبہ کرتی ہے جہاں صحت کی دیکھ بھال سب کے لیے قابل رسائی اور  کم خرچ  ہو ، انہوں نے مزید کہا کہ صحت کی دیکھ بھال کے فرق کو پر کرنے کے لیے پالیسی سازوں ، صنعت اور معاشرے کی طرف سے اجتماعی کارروائی کی ضرورت ہے ۔

صنعت کا نقطہ نظر فراہم کرتے ہوئے ، جناب ابھے کمار سریواستو ، سینئر صدر-گلوبل آپریشنز ، مینکائنڈ فارما اور چیئر ، فارماسیوٹیکل مینوفیکچرنگ کمیٹی ، پی ایچ ڈی سی سی آئی نے کہا کہ‘‘ہندوستان کے دواسازی کے شعبے کو  کم خرچ  ہونے  کو یقینی بناتے ہوئے حجم پر مبنی ترقی کی طرف منتقل ہونا چاہیے ۔ سپلائی چین کی لچک اور قومی سلامتی کے لیے بیکورڈ انٹیگریشن لازمی ہے۔ انہوں نے اس بات پر بھی زور دیا کہ عالمی غیر یقینی صورتحال کو دور کرنے میں متعلقہ فریقین کے درمیان باہمی تعاون اہمیت کا حامل  ہے ۔’’

کانفرنس سے خطاب کرتے ہوئے جناب گریگوری اسمتھ ، کنٹری ڈائریکٹر ، انڈیا آفس ، یو ایس ایف ڈی اے نے عالمی تعاون کا اعادہ کیا۔ انہوں نے کہا کہ ہندوستان 600 سے زیادہ ایف ڈی اے رجسٹرڈ مینوفیکچرنگ سہولیات کی میزبانی کرتا ہے ، جو عالمی سپلائی چین میں اس کے اہم رول  کی عکاسی کرتا ہے۔ انہوں نے معیار کے انتظام کی پختگی کو بڑھانے کے لیے جاری اقدامات پر روشنی ڈالتے ہوئے کہا کہ دنیا بھر میں مریضوں کی حفاظت کو یقینی بنانے کے لیے معیار کے نظام اور ریگولیٹری صف بندی کو مضبوط کرنا کلیدی حیثیت کا حامل  ہے ۔

سی ڈی ایس سی او کی جوائنٹ ڈرگ کنٹرولر ڈاکٹر اے ویسالا نے انضباطی  بصیرت کا اشتراک کرتے ہوئے پائیداری اور اختراع پر زور دیا ۔ انہوں نے درآمدی اے پی آئی پر انحصار کو کم کرنے اور گرین کیمسٹری میں سرمایہ کاری کرنے کی ضرورت پر زور دیتے ہوئے کہا کہ ہندوستان پائیدار دواسازی کی جدت طرازی کے مرکز کے طور پر ابھر رہا ہے ، جسے سیل اور جین تھراپی جیسے شعبوں میں ترقی پسند قواعد و ضوابط اور پیش رفت کی حمایت حاصل ہے ۔

افتتاحی اجلاس میں سپلائی چین کی پائیداری کو مضبوط بنانے ، اے پی آئی میں خود انحصاری کو فروغ دینے اور کلیدی ابتدائی مواد (کے ایس ایم) کو فروغ دینے اور پبلک پرائیویٹ شراکت داری کو آگے بڑھانے سمیت اہم مسائل پر توجہ مرکوز کی گئی ۔

ایک سرکردہ صنعتی ادارے کے طور پر ، پی ایچ ڈی سی سی آئی اقتصادی ترقی کو متحرک کرنے ، صنعتی مذاکرات  کو آسان بنانے اور کلیدی شعبوں میں پالیسی کی وکالت کی حمایت کرنے میں اہم کردار ادا کرتا ہے ۔

کیمیکلز اور کھادوں کی وزارت کے تحت فارماسیوٹیکلز کا محکمہ وکست بھارت 2047 کے وسیع تر وژن کے مطابق مرکوز پالیسی مداخلت ، بنیادی ڈھانچے کی ترقی اور صنعت و تعلیمی شراکت داری کے ساتھ اختراع اور آتم نربھارت کو آگے بڑھانے کے لیے ملک کے فارماسیوٹیکل اور میڈٹیک سیکٹر کی مدد کر رہا ہے ۔

*****

 (ش ح ۔  ش ب۔م ذ)

U. No.5904

(ریلیز آئی ڈی: 2252665) وزیٹر کاؤنٹر : 19