پارلیمانی امور کی وزارت نے آج سوچھتا پکھواڑا 2026 کا افتتاح کیا، جسے جاری پارلیمانی اجلاس کےمصروف شیڈیول کے باعث اپنے مقررہ وقت سے ایک دن قبل شروع کیا گیا۔ یہ پندرہ روزہ صفائی مہم سوچھ بھارت کے جذبے کو فروغ دینے اور صاف ستھرا اور صحت مند کام کے ماحول کو یقینی بنانے کے لیے شروع کی گئی ہے۔

اس موقع پر پارلیمانی امور کی وزارت کے سکریٹری جناب نکونجا بہاری دھل نے وزارت کے تمام افسران اور اہلکاروں کو سوچھتا کاحلف دلایا۔ انہوں نے اس خصوصی موقع پر افسران اور عملے سے خطاب کرتے ہوئے ان پرزور دیا کہ روزمرہ زندگی میں کوڑےکے مؤثر نظم اور پلاسٹک کے استعمال میں کمی جیسے اقدامات کو اپنایا جائے تاکہ ماحول کے تحفظ اور صحت مند زندگی کو یقینی بنایا جا سکے۔

 

 

سوچھتا پکھواڑا کے دوران انجام پانے والی سرگرمیوں کا ایک جامع عملی خاکہ پہلے ہی وزارت کے افسران اور عملے کے ساتھ شیئر کیا جا چکا ہے تاکہ واضح اور ٹھوس نتائج پر مبنی فریم ورک تیار کیا جا سکے۔وزارت سوچھ بھارت ابھیان کے اصولوں کے تئیں اپنی عہد بندی برقرار رکھتی ہے اور باقاعدہ اقدامات اور مہمات کے ذریعے صفائی اور پائیداری کو فروغ دینے کا سلسلہ جاری رکھے گی۔

***

ش ح۔ م ش  ع۔ م الف

U. No- 5884

 

(ریلیز آئی ڈی: 2252452) وزیٹر کاؤنٹر : 18