سائنس و ٹیکنالوجی اور ارضیاتی سائنس  کے مرکزی وزیر مملکت (آزادانہ چارج) ڈاکٹر جتیندر سنگھ نے یکم اپریل 2026 کو لوک سبھا میں بتایا کہ وزارت کے تحت، بھارت کے محکمہ موسمیات (آئی ایم ڈی) نے ملک بھر میں بارش کے تغیرات اور رجحانات کا ضلع وار اور طویل مدتی تجزیہ کیا ہے، جو خشک سالی اور سیلاب کے خطرات کا اندازہ لگانے کے لیے انتہائی اہم ہیں۔ آئی ایم ڈی شدید موسمی واقعات جیسے کہ سمندری طوفان، لو، سردی کی لہر اور شدید بارش کے لیے 'اثرات پر مبنی پیش گوئی' اور قبل از وقت وارننگ جاری کر رہا ہے، جس سے بروقت انخلاء اور نقصانات کو کم کرنے کے اقدامات ممکن ہو رہے ہیں۔ آئی ایم ڈی اور متعلقہ اداروں نے موسمیاتی خطرات کے جائزوں میں اہم رول ادا کیا ہے، جس میں مانسون کے تغیرات، شدید بارش کے واقعات، لو، سرد لہر اور سمندری طوفانوں کی خصوصیات کا تجزیہ شامل ہے۔ آئی ایم ڈی مذکورہ بالا معلومات اور ڈیٹا کا استعمال کرتے ہوئے، تمام شدید موسمی حالات کے لیے قومی اور ریاستی ڈیزاسٹر رسپانس ایجنسیوں کو قبل از وقت وارننگ کی خدمات فراہم کرتا ہے تاکہ تیزی سے انخلاء اور حفاظتی تدابیر کو یقینی بنایا جا سکے۔

وزارت نے ایچ پی سی سسٹمز نصب کیے ہیں، جن کے نام انڈین انسٹی ٹیوٹ آف ٹراپیکل میٹرولوجی، پونے میں 'ارکا'  اور نیشنل سینٹر فار میڈیم رینج ویدر فورکاسٹنگ، نوئیڈا میں 'ارونیکا'  ہیں۔ یہ سپر کمپیوٹنگ سسٹمز اعلیٰ درجے کی موسمیاتی ماڈلنگ اور طویل مدتی پیش گوئی میں معاون ثابت ہوتے ہیں۔

ارضیاتی سائنس کی وزارت کے تحت آئی ایم ڈی ، عالمی موسمیاتی تنظیم (ڈبلیو ایم او) کا ایک سرگرم رکن ہے اور علاقائی و عالمی موسمیاتی تعاون میں اہم کردار ادا کرتا ہے۔ آئی ایم ڈی 'ملٹی ماڈل اینسمبل' تکنیکوں کی بنیاد پر موسمی اور ماہانہ پیش گوئیاں فراہم کرتا ہے۔ اس مقصد کے لیے استعمال کیے جانے والے ماڈلز میں وزارتِ زمینی علوم کا 'مون سون مشن کپلڈ فورکاسٹنگ سسٹم'  اور دیگر بین الاقوامی سمندر-فضا سے مربوط موسمیاتی پیش گوئی کے ماڈلز شامل ہیں۔

آئی ایم ڈی 'ریجنل اسپیشلائزڈ میٹرولوجیکل سینٹر' ، نئی دہلی کی میزبانی کرتا ہے، جو بحر ہند کے شمالی خطے کے لیے سمندری طوفانوں کی پیش گوئی اور ایڈوائزری خدمات فراہم کرتا ہے، جس سے جنوبی ایشیا کے کئی ممالک مستفید ہوتے ہیں۔ آئی ایم ڈی ایشیا  خطے کے لیے ڈبلیو ایم او  سے تسلیم شدہ 'ریجنل کلائمیٹ سینٹر'  بھی ہے، جو طویل المدتی پیش گوئی، موسمیاتی تشخیص اور ڈبلیو ایم او کے ریجنل ٹریننگ سینٹر  میں استعداد کار بڑھانے میں اپنا  رول ادا کرتا ہے۔ 2010 میں 'ساؤتھ ایشین کلائمیٹ آؤٹ لک فورم'  کے قیام کا مقصد علاقائی طور پر مربوط اور متفقہ موسمیاتی آؤٹ لک فراہم کر کے ان ممالک کی ضروریات کو پورا کرنا ہے جو ایشیائی جنوب مغربی مانسون سے متاثر ہوتے ہیں۔ حال ہی میں آئی ایم ڈی نے ڈبلیو ایم او کے تحت طویل مدتی پیش گوئی کے لیے 'گلوبل پروڈیوسنگ سینٹر'  کا درجہ حاصل کیا ہے۔

اس کے علاوہ  آئی ایم ڈی علاقائی موسمیاتی آؤٹ لک کے اقدامات میں بڑھ چڑھ کر حصہ لیتا ہے، جیسے کہ ساؤتھ ایشین کلائمیٹ آؤٹ لک فورم، جو جنوبی ایشیا کے لیے متفقہ موسمی پیش گوئیاں فراہم کرتا ہے، اور حال ہی میں شروع کیا گیا 'تھرڈ پول کلائمیٹ آؤٹ لک فورم'، جو ہمالیائی خطے اور اس سے وابستہ گلیشیائی عمل پر توجہ مرکوز کرتا ہے۔ اس کے علاوہ، ارضیاتی سائنس  کی وزارت کے تحت کام کرنے والے ادارے مختلف منصوبوں کے تحت مختلف قومی اور بین الاقوامی شراکت داروں میں شامل ہیں۔ ان میں مومنٹم پارٹنرشپ (یو کے ایم او ، برطانیہ)؛ ڈبلیو سی ایس ایس پی–انڈیا (یو کے ایم او، برطانیہ)؛ بمسٹیک  سینٹر فار ویدر اینڈ کلائمیٹ)؛ یونیورسٹی آف کولوراڈو ایٹ بولڈر (امریکہ)؛ آئی ایل آر آئی (انٹرنیشنل لائیو اسٹاک ریسرچ انسٹی ٹیوٹ)، کینیا؛ نارتھ ایسٹرن یونیورسٹی (امریکہ)؛ یونیورسٹی آف ٹیکساس ایٹ آسٹن (امریکہ)؛ یونیورسٹی آف وکٹوریہ (کناڈا)؛ فلوریڈا اسٹیٹ یونیورسٹی (امریکہ)؛ اور کولمبیا یونیورسٹی (امریکہ) شامل ہیں۔

اشتراک کے اس عمل میں موسمیاتی ڈیٹا کا تبادلہ، عددی موسم کی پیش گوئی کے ماڈلز، سیٹلائٹ مشاہدات، اور استعداد کار بڑھانے کے اقدامات شامل ہیں، جس سے موسمی پیش گوئی، سمندری طوفان کی پیش گوئی اور کثیر خطرات سے متعلق قبل از وقت وارننگ کے نظام میں بھارت کی صلاحیتیں مضبوط ہو رہی ہیں۔ مذکورہ کوششیں عالمی اقدامات جیسے کہ ڈبلیو ایم او کے "سب کے لیے قبل از وقت وارننگ"  کے مطابق ہیں اور خطے میں آفات سے نمٹنے کی تیاریوں اور موسمیاتی لچک کو بڑھانے میں معاون ثابت ہوتی ہیں۔

آئی ایم ڈی  کے مشاہداتی نظام کو میٹروپولیٹن شہروں میں شہری علاقوں میں گرمی کی لہر کے اثرات کی نگرانی کے لیے استعمال کیا جاتا ہے۔ آئی ایم ڈی کی جانب سے 150 شہروں کے لیے خصوصی شہری موسمیاتی خدمات فراہم کی جا رہی ہیں

(https://internal.imd.gov.in/pages/city_weather_main_mausam.php )۔ اس میں شہروں میں درجہ حرارت اور لو کی ریئل ٹائم نگرانی شامل ہے۔ اس کے علاوہ، آئی ایم ڈی تقریباً 100 شہروں کے لیے شدید موسم کی مخصوص پیش گوئی اور 47 شہروں کے لیے ہوا کے معیار  کی پیش گوئی بھی فراہم کرتا ہے (https://nwp.imd.gov.in/silam_imd.php )۔

گرمی کی شدید لہر کے خطرے سے دوچار 23 ریاستوں اور ان کے شہروں میں 'ہیٹ ایکشن پلانز'  پر قومی ڈیزاسٹر مینجمنٹ اتھارٹی اور ریاستی حکومتوں کے اشتراک سے عمل درآمد کیا جا رہا ہے۔ یہ پلان طویل مدتی اقدامات کی بھی تجویز دیتے ہیں جیسے کہ شجر کاری، 'اربن ہیٹ آئی لینڈ' کے اثرات کو کم کرنے کے لیے حرارت کے خلاف مزاحمت رکھنے والے عمارتی سامان کا استعمال، اور سورج کی تپش کو جذب ہونے سے روکنے کے لیے 'کول روفنگ'  ٹیکنالوجی کا استعمال، تاکہ اندرونی درجہ حرارت کو کم کیا جا سکے۔ یہ اقدامات سرکاری ایجنسیوں، صحت کی سہولیات فراہم کرنے والوں اور ہنگامی خدمات سمیت مختلف شراکت داروں کے لیے موزوں ہیں۔

آئی ایم ڈی  گرمی  کی شدید لہر کے خصوصی وارننگ بلیٹن اور اثرات پر مبنی پیش گوئیاں جاری کرتا ہے، جس میں ہیٹ ریزلئیلنٹ (گرمی سے بچاؤ) شہری منصوبہ بندی کے اقدامات جیسے کہ ٹھنڈی چھتیں، شہری جنگلات، آبی ذخائر اور ریفلیکٹیو انفراسٹرکچر اپنانے کے لیے رہنما خطوط فراہم کیے جاتے ہیں۔ یہ معلومات موسمیاتی سب ڈویژن اور ضلعی سطح پر وزارتِ داخلہ، قومی و ریاستی ڈیزاسٹر مینجمنٹ اتھارٹیز، ڈپٹی کمشنرز/ڈسٹرکٹ مجسٹریٹس، محکمہ صحت، انڈین ریلوے، روڈ ٹرانسپورٹ اور میڈیا سمیت مختلف صارفین کو فراہم کی جاتی ہیں۔

2023 سے، آئی ایم ڈی  نے ملک کے مختلف حصوں میں گرمی کی لہر سے وابستہ خطرات کو کم کرنے کے لیے پیشگی اقدامات کو ممکن بنانے کی خاطر 'موسمی اور ماہانہ ہیٹ ویو آؤٹ لک' جاری کرنا بھی شروع کر دیا ہے۔ آئی ایم ڈی ہیٹ ویو کی معلومات سمیت تمام پیش گوئیاں آف لائن اور آن لائن میڈیا کے ذریعے صارف تک پہنچاتا ہے۔ اس کے علاوہ  ریاستوں کی مخصوص ویب سائٹس ضلع وار ہیٹ ویو کی معلومات فراہم کرتی ہیں، اور صحت و زراعت کے شعبوں کے لیے شعبہ جاتی بلیٹن بھی دستیاب ہیں۔ تازہ ترین آؤٹ لک اس لنک پر دستیاب ہے:

https://imdpune.gov.in/latestnews/winter_outlook_Dec2025_Feb2026.pdf

آئی ایم ڈی نے ہیٹ ویو، شدید بارش، سمندری طوفان، خشک سالی وغیرہ کے حوالے سے خطرات کا تجزیہ کیا ہے۔ یہ تجزیہ آئی ایم ڈی کی ویب سائٹ https://imdpune.gov.in/hazardatlas/index.html  پر دستیاب ہے۔ آئی ایم ڈی گرمیوں کے موسم میں مختلف پیشین گوئی کے تجزیوں کی بنیاد پر روزانہ گرمی کی لہر کی وارننگ فراہم کرتا ہے، جس میں  لو/شدید گرمی کی لہر، گرم اور مرطوب دن، گرم رات، انتہائی درجہ حرارت (زیادہ سے زیادہ اور کم سے کم درجہ حرارت کا 90واں، 95واں اور 99واں پرسنٹائل)، نسبتاً نمی اور ہوا پر مبنی ہیٹ انڈیکس، اور 5 سے 7 دن تک کے لیے درست جامع انڈیکس شامل ہیں۔ پیش گوئی کے بلیٹنز میں متوقع اثرات اور تجویز کردہ اقدامات بھی شامل کیے جاتے ہیں۔

اس کے علاوہ، 'مشن موسم' اور 'نیشنل فریم ورک فار کلائمیٹ سروسز' –انڈیا، گرمی کی لہر (ضلعی سطح کے امکانات)، شدید بارش (6 کلومیٹر کنویکشن پرمٹنگ اسکیل)، خشک سالی  کی صورت حال (این سی یو ایم کا استعمال کرتے ہوئے ایس 2 ایس)، اور سطح سمندر میں اضافے (کپلڈ اوشن ماڈلز) کے اندازے کے لیے آئی ایم ڈی ڈی اے  ری اینالیسس، متھنا-ایف ایس  ماڈلز، اور  اےآئی/ایم ایل  اینسمبلز کا استعمال کرتے ہوئے پیشین گوئی کے تجزیات کو یکجا کرتے ہیں۔ این ایف سی ایس–انڈیا، عالمی موسمیاتی تنظیم کے 'گلوبل فریم ورک فار کلائمیٹ سروسز'  کا قومی ورژن ہے۔

بھارت میں انتہائی درجہ حرارت، بارش اور سطح سمندر میں اضافے کے مستقبل کے اندازوں، مختلف مستقبل کے راستوں کے تحت سی ایم آئی پی  فریم ورک کے اندر بھارت کے پہلے ارتھ سسٹم ماڈل، آئی آئی ٹی ایم-ای ایس ایم کا استعمال کرتے ہوئے حاصل کیے گئے ہیں۔

۔۔۔۔۔۔۔۔۔۔۔

ش ح۔ ع و۔ن م۔

U-5661

 

(ریلیز آئی ڈی: 2250715) وزیٹر کاؤنٹر : 15