نیشنل ہیومن رائٹس کمیشن (این ایچ آر سی) نے میڈیا رپورٹس کا ازخود نوٹس لیا ہے کہ 6 اپریل 2026 کو چوتھی جماعت کے ایک طالب علم نے غلطی سے یہ سمجھ کر غیر قانونی شراب پی لی تھی کہ یہ سافٹ ڈرنک ہے۔ اسے بہار کے بیگوسرائے ضلع کے سیسوا علاقے میں ان کے اسکول کے ایک خستہ حال بیت الخلا میں بڑی مقدار میں بوتلوں میں رکھا گیا تھا۔ وہ نشے کی حالت میں گھر واپس آیا۔ طالب علم کے اہل خانہ نے واقعے کی اطلاع اسکول انتظامیہ کو دی اور معاملہ پولیس کے علم میں لایا گیا۔ اطلاعات کے مطابق، پولس نے ٹوائلٹ سے کل 23 کارٹن ضبط کیے جن میں تقریباً 204 لیٹر غیر قانونی شراب تھی۔

کمیشن نے مشاہدہ کیا ہے کہ خبر کا مواد، اگر سچ ہے تو، طالب علم کے انسانی حقوق کی خلاف ورزی کا سنگین مسئلہ اٹھاتا ہے۔ اس لیے اس نے چیف سکریٹری اور ڈائریکٹر جنرل آف پولیس، بہار کو نوٹس جاری کرتے ہوئے دو ہفتوں کے اندر اس معاملے پر تفصیلی رپورٹ طلب کی ہے۔ توقع ہے کہ اس میں بچے کی صحت کی صورتحال اور تحقیقات شامل ہوں گی۔

آٹھ اپریل 2026کی میڈیا رپورٹمیں یہ بتایا گیا۔5 اپریل 2016  میںشراب کی تیاری، فروخت اور استعمال پر پابندی عائد کرتے ہوئے بہار کو خشک ریاست قرار دیا گیا تھا۔

***

(ش ح۔اص)

UR No 5637

(ریلیز آئی ڈی: 2250571) وزیٹر کاؤنٹر : 10