‘ملوان’، جو کہ کوچن شپ یارڈ لمیٹڈ (سی ایس ایل)، کوچی کی جانب سے تیار کردہ آٹھ اینٹی سب میرین وارفیئر شیلو واٹر کرافٹ(اے ایس ڈبلیو  ایس ڈبلیو سی) میں سے دوسرا جہاز ہے، 31 مارچ 2026 کو بھارتی بحریہ کے حوالے کر دیا گیا۔

یہ جہاز مکمل طور پر مقامی سطح پر ڈیزائن اور تیار کیا گیا ہے، جو بھارتی بحریہ کی ضروریات اور ڈی این وی کی درجہ بندی کے اصولوں کے مطابق بنایا گیا ہے۔

‘ملوان’ کا نام مہاراشٹر کے تاریخی ساحلی شہر مالوان سے لیا گیا ہے، جو چھترپتی شیواجی مہاراج کی شاندار بحری وراثت سے گہرا تعلق رکھتا ہے۔ یہ جہاز سابقہ آئی این ایس ملوان کی روایت کو بھی آگے بڑھاتا ہے، جو ایک بھارتی بحریہ کا مائن سویپر تھا اور 2003 تک خدمات انجام دیتا رہا۔

یہ جہاز زیرِ آب نگرانی، ساحلی علاقوں میں اینٹی سب میرین آپریشنز، کم شدت کی سمندری کارروائیوں (ایل آئی ایم او) اور مائن وارفیئر کی صلاحیتوں سے لیس ہے۔ تقریباً 80 میٹر لمبا اور 1,100 ٹن وزنی یہ جہاز واٹر جیٹس سے چلتا ہے اور اس میں ٹارپیڈوز، اینٹی سب میرین راکٹس اور جدید سینسرز جیسے ریڈار اور سونار سسٹمز نصب ہیں۔

80 فیصد سے زائد مقامی اجزاء کے ساتھ، ‘ملوان’ مقامی جنگی جہاز سازی میں ایک اہم سنگِ میل ہے اور حکومتِ ہند کے ‘آتم نربھر بھارت’ وژن کی عکاسی کرتا ہے۔ اس جہاز میں استعمال ہونے والے آلات اور نظام مقامی دفاعی صنعت، بشمول ایم ایس ایم ایز، کے ذریعے تیار اور نصب کیے گئے ہیں۔

***********

ش ح۔ا م۔ ا ک م

U No. 5623

(ریلیز آئی ڈی: 2250456) وزیٹر کاؤنٹر : 6