نیشنل شیڈولڈ ٹرائبس فنانس اینڈ ڈیولپمنٹ کارپوریشن (این ایس ٹی ایف ڈی سی )، جو کہ وزارتِ قبائلی امور، حکومتِ ہند کے تحت ایک پبلک سیکٹر ادارہ ہے، 10 اپریل 2026 کو وشوا یووا کیندر، نئی دہلی میں اپنی 25ویں یومِ تاسیس منانے جا رہا ہے۔

سال 2001 میں قائم ہونے والا این ایس ٹی ایف ڈی سی  ملک بھر میں درج فہرست قبائل کی معاشی ترقی کے لیے ایک اعلیٰ ادارے کے طور پر کام کر رہا ہے۔ یہ کارپوریشن ریاستی چینلائزنگ ایجنسیوں کے ذریعے آمدنی پیدا کرنے والی سرگرمیوں کے لیے رعایتی مالی معاونت فراہم کر کے روزگار کے مواقع کو فروغ دینے میں اہم کردار ادا کر رہا ہے۔

مرکزی وزیر برائے قبائلی امور جناب جؤل  اورام اس تقریب میں بطور مہمانِ خصوصی شرکت کریں گے۔ اس موقع پر جناب درگا داس اوئیکی، وزیر مملکت برائے قبائلی امور، اور محترمہ رنجنا چوپڑا، سیکریٹری وزارتِ قبائلی امور بھی موجود ہوں گی، جبکہ سابق چیئرمین و منیجنگ ڈائریکٹرز، سینئر افسران اور دیگر معزز مہمان بھی شرکت کریں گے۔ مہمانوں کا استقبال جناب ٹی. روموان پائٹے، چیئرمین و منیجنگ ڈائریکٹر، این ایس ٹی ایف ڈی سی  کریں گے۔

تقریبات کے ایک حصے کے طور پر، این ایس ٹی ایف ڈی سی  ملک بھر سے کامیاب درج فہرست قبائلی کاروباری افراد کو اعزاز سے نوازے گا، جنہوں نے این ایس ٹی ایف ڈی سی  اسکیموں کے تحت مالی معاونت حاصل کر کے پائیدار کاروبار قائم کیے ہیں۔ یہ مستفید افراد مختلف قبائلی برادریوں کی نمائندگی کرتے ہیں اور انہوں نے روایتی کھانوں، صحت کی خدمات، پولٹری، ڈیری، دستکاری، ماہی گیری، ریٹیل کاروبار، سلائی اور دیگر شعبوں میں کام شروع کیا ہے۔

اس تقریب میں ثقافتی پروگرام بھی پیش کیے جائیں گے، جن میں قبائلی رقص اور ایک اسٹریٹ پلے شامل ہوگا، جو قبائلی برادریوں کی بھرپور ثقافت اور روایات کی عکاسی کرے گا۔

این ایس ٹی ایف ڈی سی  کے عہدیداران اس تقریب کو نہایت جوش و خروش سے منظم کر رہے ہیں اور اس اہم موقع پر معزز شخصیات، شراکت داروں اور شرکاء کا خیرمقدم کرنے کے منتظر ہیں، جو قبائلی بااختیاری اور جامع ترقی کے لیے 25 سالہ خدمات کی یادگار ہے۔

***********

ش ح۔ا م۔ ا ک م

U No. 5614

(ریلیز آئی ڈی: 2250441) وزیٹر کاؤنٹر : 16