بھارتی بحریہ کا آئی این ایس سُناینا (آئی او ایس ساگر) مالدیپ کے مالے پہنچا، سمندری تعلقات کو مزید مضبوط بنانے کے لیےبھارت کی بحریہ کا جہاز آئی این ایس سُناینا، جو انڈین اوشن شپ (آئی او ایس)  ساگر منصوبے کے تحت تعینات ہے، 06 اپریل 2026 کو مالدیپ کے دارالحکومت مالے پہنچا، جو اس کی عملی تعیناتی کا پہلا بندرگاہی دورہ ہے۔ جہاز کا مالدیپ نیشنل ڈیفنس فورس (ایم این ڈی ایف) کی جانب سے پرجوش استقبال کیا گیا، جو دونوں ممالک کے درمیان مضبوط اور دیرپا سمندری شراکت داری اور قریبی علاقائی تعلقات کی عکاسی کرتا ہے۔

خاص بات یہ ہے کہ جہاز کے بین الاقوامی عملے میں دو ایم این ڈی ایف اہلکار بھی شامل ہیں۔

مالے کی جانب سفر کے دوران، بین الاقوامی عملے نے سمندری ہنر، چھوٹے ہتھیاروں کی تربیت، اور نقصان سے نمٹنے کی مشقیں انجام دیں، جو اجتماعی تیاری، عملی ہم آہنگی اور سمندری تعاون پر زور دینے کی عکاسی کرتا ہے۔ یہ تعیناتی بھارتی بحریہ کی بحر ہند خطے میں سمندری شراکت داری اور صلاحیت سازی کو مضبوط بنانے کی مستقل وابستگی کو اجاگر کرتی ہے، جس سے اعتماد اور علاقائی سلامتی میں اضافہ ہوتا ہے۔

جہاز کے پہنچنے پر بھارت کے ہائی کمشنر برائے مالدیپ  جناب جی- بالاسبرامنین نے جہاز کا دورہ کیا اور بین الاقوامی عملے سے ملاقات کی۔ بندرگاہی دورے کے دوران پیشہ ورانہ اور سماجی ملاقاتیں، اور کھیلوں کے پروگرام منعقد کیے جائیں گے تاکہ دونوں ممالک کے عملے کے درمیان قریبی تعاون اور ہم آہنگی کو فروغ دیا جا سکے۔ جہاز کی روانگی پر ایم این ڈی ایف کوسٹ گارڈ کے ساتھ پاسِیج ایکسرسائز (PASSEX) بھی شیڈول ہے۔

آئی او ایس ساگر کی تعیناتی: بھارت کی پڑوسی پالیسی اور ایم اے ایچ اے ساگر وژن کو فروغ آئی او ایس ساگر، جس کے عملے میں 16 دوستانہ غیر ملکی ممالک  کے بین الاقوامی اہلکار شامل ہیں، جنوب مشرقی انڈین اوشن خطے میں تعینات ہے۔ یہ تعیناتی بھارت کی 'پڑوسی پہلے' پالیسی اور ایم اے ایچ اے ساگر وژن کے تحت خطے میں سلامتی اور ترقی کے لیے باہمی اور ہمہ جہتی اقدامات کو مضبوط کرنے کی عکاسی کرتی ہے۔

 یہ جہاز 2 اپریل 2026 کو ممبئی سے روانہ  ہوا، جسے جھنڈی دکھا کر روانہ کرنے  کی تقریب میں وزارت دفاع میں وزیرمملکت جناب سنجے سیٹھ نے شرکت کی۔ یہ اقدام ‘ایک سمندر، ایک مشن’ کے دیرپا وژن کی عکاسی کرتا ہے اور بھارت اور اس کے سمندری پڑوسیوں کے درمیان سمندری تعلقات کو مزید مضبوط کرتا ہے۔

****

ش ح۔ ا ع خ۔ ج

UN 5510

(ریلیز آئی ڈی: 2249797) وزیٹر کاؤنٹر : 8