قبائلی امور کے مرکزی وزیر مملکت جناب درگا داس اُوئیکے نے آج لوک سبھا میں بتایا کہ مرکزی بجٹ 19-2018 میں حکومت ہند نے 2011 کی مردم شماری کے مطابق 50فیصد سے زیادہ ایس ٹی آبادی اور کم از کم 20,000 قبائلی افراد والے بلاکوں میں چھٹی سے بارہویں جماعت تک ایکلویہ ماڈل رہائشی اسکول (ای ایم آر ایس) قائم کرنے کا فیصلہ کیا ہے ۔  فی الوقت723 ای ایم آر ایس پہلے ہی منظور کیے جا چکے ہیں جن میں سے 499 اپنی یا کرائے کی عمارتوں کے ذریعے کام کر رہے ہیں ۔  بقیہ ای ایم آر ایسز تعمیر کے مختلف مراحل میں ہیں ۔  ای ایم آر ایسزکی تکمیل میں تاخیر بڑی حد تک بلا رکاوٹ زمین کی عدم دستیابی ، مناسب رسائی والی سڑکوں کی کمی ، ٹاپوگرافی کے چیلنجز وغیرہ کی وجہ سے ہے ۔

ای ایم آر ایسز میں15 ایکڑ پر پھیلے جدید ڈیزائن والے اچھی طرح سے آراستہ اس  کیمپس کی فراہمی ہے ، جس میں چھٹی سے بارہویں جماعت تک کے 480 طلباء کی گنجائش ہو جس میں لڑکوں اور لڑکیوں کے علیحدہ ہاسٹل ، مربوط کھانے اور باورچی خانے کی سہولیات ، تدریسی اور غیر تدریسی عملے کے لیے کوارٹر ، اچھی طرح سے ہوا دار کلاس روم ، جدید ترین لیبارٹریاں اور تعلیم حاصل کرنے کے لیے مدد کے خاطر لائبریریاں شامل ہوں ۔

حکومت نے اراضی کے حصول ، جنگلات کے حقوق اور ای ایم آر ایس کے بروقت قیام کو متاثر کرنے والے جغرافیائی چیلنجوں سے متعلق پارلیمانی قائمہ کمیٹی کے مشاہدات اور سفارشات کا نوٹس لیا ہے ۔  زمین اور جنگلات کی صفائی کے مسائل کے حل ، قابل عمل مقامات کو ترجیح دینے اور نگرانی کے طریقہ کار کو مضبوط بنانے کے لیے ریاستی حکومتوں کے ساتھ قریبی ہم آہنگی کو یقینی بنانے کے لیے بھی اقدامات کیے گئے ہیں ۔

ای ایم آر ایس کے لیے فی ای ایم آر ایس31 تدریسی عہدوں اور 21 غیر تدریسی عہدوں کو منظوری دی گئی ہے جس میں بارہویں جماعت تک کی کلاسوں میں 480 طلباء کی مکمل تعداد ہے ۔  تدریسی اور غیر تدریسی عملے کی بھرتی کا پہلا مرحلہ مکمل کیا جا چکا ہے اور بھرتی کا دوسرا مرحلہ بھی شروع ہو چکا ہے ۔  اس کے علاوہ ریاستی حکومتوں کو بھی مشورہ دیا گیا ہے کہ وہ ڈیپوٹیشن پر عملے کو شامل کریں اور خالی آسامیوں کے خلاف آؤٹ سورسنگ کے ذریعے کام کریں تاکہ تعلیمی سرگرمیوں میں  کسی طرح کاخلل نہ پڑے ۔

این ای ایس ٹی ایس، اسکولوں میں رہائشی نظام میں قومی تعلیمی پالیسی(این ای پی) کے رہنما خطوط اور ضروریات کے مطابق تدریسی اور غیر تدریسی عملے کو تربیت فراہم کرتا ہے ۔  فی الوقت تقریباً 4455 تدریسی اور غیر تدریسی عملے کو تربیت دی جا چکی ہے ۔  تربیت آئی ایس ٹی ایم ، دلّی یونیورسٹی ، آئی آئی ٹی ، سنٹرل انسٹی ٹیوٹ آف ایجوکیشن ، این سی ای آر ٹی اور سی بی ایس ای وغیرہ جیسے ممتاز اداروں کے مضامین کے ماہرین کی مدد سے دی جاتی ہے ۔  تربیتی ماڈیول میں عملی تعلیم ، طلباء کی فلاح و بہبود ، قبائلی حساسیت اور تعلیم میں ٹیکنالوجی کے استعمال وغیرہ پربحث و مباحثے کے اجلاس شامل ہیں ۔

راجستھان ریاست میں31 ای ایم آر ایسز کو منظوری دی جاچکی ہے اور سبھی کام کر رہے ہیں ۔

*****

 

 

ش ح۔ ش م ۔ اش ق

U. No- 5329

 

(ریلیز آئی ڈی: 2248551) وزیٹر کاؤنٹر : 7