مواصلات اور دیہی ترقی کے وزیر مملکت ڈاکٹر پیمسانی چندر شیکھر نے آج لوک سبھا میں آندھرا پردیش تنظیم نو (ترمیمی) بل 2026 کی منظوری کو آندھرا پردیش کے لیے اہم قرار دیا۔

امراوتی کو واحد دارالحکومت کے طور پر قانونی شناخت دے کر، یہ بل ڈھانچہ جاتی غیر یقینی صورتحال کو حل کرتا ہے جس نے طویل عرصے سے حکمرانی، سرمایہ کاری اور ترقی کو متاثر کیا ہے۔

وزیرموصوف نے بتایا کہ پچھلے کئی برسوں میں واضح طور پر متعین دارالحکومت کی غیر موجودگی نے انتظامی ابہام، بنیادی ڈھانچے کی منصوبہ بندی میں تاخیر اور سرمایہ کاروں کے اعتماد میں کمی پیدا کی ہے۔ یہ ترمیم ایک واضح، مستحکم اور مستقبل بین فریم ورک فراہم کرتی ہے اور ریاست کے دوبارہ تنظیم کے اصل وژن کے مطابق ایک واحد، عالمی معیار کے دارالحکومت کے قیام کا اعادہ کرتی ہے۔

ڈاکٹر پیمسانی نے امراؤتی تحریک کے دوران کسانوں اور خواتین کی غیر معمولی قربانیوں کو اجاگر کیا۔ 29,000 سے زائد کسانوں نے اپنی 34,000 ایکڑ سے زیادہ آبائی زمین رضاکارانہ طور پر ریاست کے حوالے کی اور انہیں پالیسی میں تبدیلیوں کی وجہ سے طویل عرصے تک غیر یقینی صورتحال کا سامناکرنا پڑا۔

ڈاکٹر پیمسانی نے اس بات کا ذکر کیا کہ ان پرامن احتجاج کی قیادت کرنے والی خواتین اور مقامی کمیونٹیز نے نمایاں مشکلات اور مصیبتیں برداشت کیں۔ پھر بھی، 1,600 دنوں سے زیادہ عرصے تک، تحریک ثابت قدم، نظم و ضبط اور عدم تشدد پر قائم رہی، جو جمہوریت کی ایک طاقتور علامت کے طور پر ابھری۔

ڈاکٹر پیمسانی نے زور دے کر کہا کہ یہ بل محض ایک قانونی اصلاح نہیں ہے، بلکہ ایک اخلاقی اثبات ہے- جو ریاست کے مستقبل کے لیے بے مثال قربانیاں دینے والے لوگوں کے درمیان وقار، انصاف اور اعتماد کو بحال کرتا ہے۔

امراوتی کے لیے اپنے تبدیلی کے وژن کا اعادہ کرتے ہوئے، ڈاکٹر پیمسانی نے کہا کہ دارالحکومت کا تصور عالمی معیار کے شہر اور آندھرا پردیش کے لیے ترقی کے بنیادی انجن کے طور پر کیا گیا ہے۔ 91 بڑے بنیادی ڈھانچے کے پروجیکٹوں کے ساتھ- جن کی قیمت  56,000 کروڑ روپےسے زیادہ ہے اور جس میں سرکردہ قومی اور بین الاقوامی اداروں کی حمایت حاصل ہے- پہلے سے ہی جاری ہے، امراوتی کی رسمی شناخت سے سرمایہ کاری کو تیز کرنے، بڑے پیمانے پر روزگار پیدا کرنے اور ریاست کی اقتصادی ترقی کو نمایاں طور پر فروغ دینے کی توقع ہے۔

ڈاکٹر پیمسانی نے اس بات پر زور دیا کہ امراوتی ماڈل، رضاکارانہ اراضی جمع کرنے پر مبنی، شراکتی اور جامع ترقی کی ایک اہم مثال ہے، جس میں کسان ریاست کے شہری مستقبل میں حصہ دار بن گئے ہیں۔ اس اختراعی انداز نے قوم کی توجہ یکساں ترقی کے لیے ایک مثالی فریم ورک کی طرف مبذول کرائی ہے۔

ڈاکٹر پیمسانی نے اس اہم کردار پر بھی روشنی ڈالی جو دارالحکومت کے شہر اقتصادی کارکردگی کو متحرک کرنے میں ادا کرتے ہیں، اس بات کا ذکر کرتے ہوئے کہ بڑے شہر اپنی متعلقہ ریاستی معیشتوں میں نمایاں شراکت دار ہیں۔ امراوتی کو راجدھانی کے طور پر نامزد کرنے سے، آندھرا پردیش گورننس، تجارت اور اختراع کے لیے ایک متحرک مرکز کے طور پر ابھرنے کے لیے تیار ہے۔

قومی اور ریاستی قیادت دونوں کے کردار کو تسلیم کرتے ہوئے، ڈاکٹر پیمسانی نے کہا کہ یہ تاریخی قانون سازی وزیر اعظم جناب نریندر مودی کی فیصلہ کن قیادت اور مرکزی وزیر داخلہ امت شاہ اور وزیر اعلیٰ این چندرابابو نائیڈو کی اہم حمایت اور وژنری منصوبہ بندی کی عکاسی کرتی ہے۔

وزیر موصوف نے واضح کیا کہ یہ بل محض ایک پالیسی فیصلہ نہیں بلکہ فیصلہ کن اصلاحی اقدام ہے جو آندھرا پردیش کے ترقیاتی راستے کو نئے سرے سے متعین کرے گا۔ انتظامی یقینی صورتحال فراہم کرنے، سرمایہ کاروں کا اعتماد بحال کرنےاور عوام کی قربانیوں کا احترام کرنے کے ذریعے، یہ ترمیم امراوتی کو امید، استقامت اور شمولیتی ترقی کی ایک دیرپا علامت کے طور پر قائم کرتی ہے۔

***

ش ح۔ ک ا۔ ت ع

U.NO.40

 

(ریلیز آئی ڈی: 2247913) وزیٹر کاؤنٹر : 14