అంతర్జాతీయ స్థాయి నగరంగా, ఆంధ్రప్రదేశ్ వృద్ధిని నడిపించే శక్తిగా రాజధానిగా అమరావతిని తీర్చిదిద్దే పరివర్తనాత్మక లక్ష్యాన్ని డాక్టర్ పెమ్మసాని పునరుద్ఘాటించారు. జాతీయ, అంతర్జాతీయ సంస్థల మద్దతుతో రూ.56,000 కోట్ల విలువైన 91 ప్రధాన మౌలిక వసతులకు సంబంధించిన ప్రాజెక్టు పనులు కొనసాగుతున్న నేపథ్యంలో అమరావతికి అధికారిక గుర్తింపు లభించడం పెట్టుబడులను వేగవంతం చేస్తుందని, విస్తృత స్థాయిలో ఉపాధి అవకాశాలను కల్పిస్తుందని, రాష్ట్ర ఆర్థిక వృద్ధిని గణనీయంగా విస్తరిస్తుందని ఆశిస్తున్నట్టు కేంద్ర మంత్రి తెలిపారు.

రాష్ట్ర రాజధాని భవిష్యత్తులో రైతులే ప్రధాన శక్తిగా మారిన భాగస్వామ్య విధానానికి, సమగ్రాభివృద్ధికి మార్గదర్శక ఉదాహరణగా స్వచ్ఛంద భూసమీకరణపై నిర్మితమైన అమరావతి విధానం నిలుస్తుందని ఆయన స్పష్టం చేశారు. ఈ ఆవిష్కరణాత్మక విధానం.. అనుసరించదగిన సమవృద్ధి విధానంగా దేశం దృష్టిని ఆకర్షించదన్నారు.

ఆర్థిక ప్రదర్శనను మెరుగుపరచడంలో రాజధాని నగరాలు పోషించే కీలక పాత్రను కూడా కేంద్ర మంత్రి వివరించారు. ఆయా రాష్ట్రాల ఆర్థిక వ్యవస్థల వృద్ధిలో ప్రధాన నగరాలు తమ వంతు తోడ్పాటును అందిస్తాయని తెలిపారు. అమరావతి రాజధానిగా పరిపాలన, వాణిజ్యం, ఆవిష్కరణల్లో ఆంధ్రప్రదేశ్ శక్తిమంతమైన కేంద్రంగా ఆవిర్భవించడానికి సిద్ధంగా ఉంది.

జాతీయ, రాష్ట్ర నాయకత్వాల పాత్ర గురించి వివరిస్తూ.. ఈ చరిత్రాత్మక చట్టం ప్రధానమంత్రి నరేంద్ర మోదీ నిర్ణయాత్మక నాయకత్వాన్ని, ముఖ్యమంత్రి ఎన్. చంద్రబాబు నాయుడు దూరదృష్టితో కూడిన ప్రణాళికను, కేంద్ర హోం మంత్రి అమిత్ షా అందించిన కీలకమైన మద్దతును ప్రతిబింబిస్తుందన్నారు.

ఈ బిల్లు కేవలం ఒక విధాన నిర్ణయం మాత్రమే కాదు. ఇది ఆంధ్రప్రదేశ్ అభివృద్ధి గమనాన్ని పునర్నిర్వచించే ఒక నిర్ణయాత్మక దిద్దుబాటు చర్య. పరిపాలనా స్థిరత్వాన్ని కల్పించడం, పెట్టుబడిదారుల విశ్వాసాన్ని పునరుద్ధరించడం, ప్రజల త్యాగాలను గౌరవించడం ద్వారా ఈ సవరణ అమరావతిని ఆకాంక్ష, దృఢత్వం, సమ్మిళిత వృద్ధికి శాశ్వత ప్రతీకగా నిలుపుతుంది.

***