مرکزی ادارہ برائے ٹیلی میٹکس کی ترقی(سی-ڈی او ٹی)، جو وزارتِ مواصلات(ڈی او ٹی)، حکومتِ ہند کے تحت ایک ممتاز ٹیلیکوم تحقیق و ترقی کا ادارہ ہے، اس نے دلّی پولیس کے ساتھ ایک  مفاہمت نامے (ایم او یو)پر دستخط کیے ہیں، جو قومی دارالحکومت میں ٹیکنالوجی پر مبنی، ملکی اور محفوظ پولیسنگ حل کے فروغ کی جانب ایک تاریخی قدم ہے۔

اس کلیدی  شراکت داری کا مقصد سی-ڈی او ٹی کے جدید اور گھریلو تیار کردہ تکنیکی حلوں کے پورٹ فولیو کو بروئے کار لاتے ہوئے دلّی پولیس کی عملی کارکردگی، محفوظ مواصلات، نگرانی، سائبر سکیورٹی، اور ہنگامی ردعمل کی صلاحیتوں کو نمایاں طور پر بہتر بنانا ہے، اور عوامی تحفظ اور قانون نافذ کرنے کے شعبے میں آتم نربھر بھارت کے وژن کو مضبوط کرنا ہے۔

ایم او یوکے تحت، سی-ڈی او ٹی نو جدید حل فراہم کرے گا جو جدید پولیسنگ ضروریات کے لیے تیار کیے گئے ہیں۔ فیشل ریکگنیشن سسٹم (ایف آر ایس) فراڈ پرومشتبہ افراد، لاپتہ افراد اور بار بار خلاف ورزی کرنے والوں کی شناخت کے لیے دستیاب ڈیٹا بیس سے تصویری مماثلت کرے گا، جس سے تحقیقات، ہجوم کی نگرانی، اور قانون و نظم کی ڈیوٹیوں میں شناخت کی تصدیق میں بہتری آئے گی۔ سمواد، سی-ڈی او ٹی کا متحدہ مواصلاتی حل، ایک محفوظ پلیٹ فارم فراہم کرے گا جس میں ایک سے ایک اور گروپ چیٹ، آڈیو/ویڈیو کالز، اور سرکاری ڈیٹا شیئرنگ شامل ہے، تاکہ یونٹس، اضلاع اور خصوصی شاخوں کے درمیان روزمرہ کے آپریشنز اور ہنگامی حالات میں بلا رکاوٹ اور محفوظ ہم آہنگی ممکن ہو۔ سمواد پرائم، ایک خصوصی ہینڈسیٹ پر مبنی محفوظ میسجنگ سسٹم، سینئر افسران اور عملی ٹیموں میں تعینات کیا جائے گا تاکہ حساس آپریشنز میں رازداری اور سالمیت کو یقینی بنایا جا سکے۔

سی-ڈی او ٹی میٹ ایک محفوظ ویب بیسڈ ویڈیو کانفرنسنگ حل ہے، جس میں ملٹی کیمرہ رسائی، پریزنٹیشن شیئرنگ، اور مشترکہ وائٹ بورڈ شامل ہیں، جو بریفنگز، بین یونٹ رابطے اور تربیتی سیشنز کے لیے استعمال ہوگا۔ سی-ڈی او ٹی مشن کریٹیکل سروس (ایم سی ایکس) پلیٹ فارم عوامی تحفظ اور ہنگامی آپریشنز کے لیے کم تاخیر اور محفوظ پرائیویٹ مواصلات فراہم کرے گا، تاکہ بڑے پیمانے پر ایونٹس، آفات اور قانون و نظم کے حالات میں فیلڈ افسران کے درمیان بروقت ہم آہنگی ممکن ہو۔ سی-ڈی او ٹی انٹلیجنس اٹینڈینس سسٹم فیشل ریکگنیشن کے ذریعے درست حاضری ریکارڈنگ، فرضی حاضری کی روک تھام، اور حساس پولیس انسٹالیشنز میں رسائی کنٹرول کو مضبوط بنائے گا۔

سی-ڈی او ٹی سیل براڈکاسٹ سولیوشن موبائل ڈیوائسز اور عوامی ڈسپلے سسٹمز کے ذریعے جیو-ٹارگٹڈ اہم اطلاعات کی ترسیل ممکن بنائے گا، جس سے عوامی ہدایات، ٹریفک الرٹس، لاپتہ افراد کے نوٹیفکیشنز، اور ہنگامی انتباہات کی حمایت کی جائے گی۔

سائبر سکیورٹی کے شعبے میں، تری نیتر ای ایس او سی، ایکاے آئی پر مبنی مربوط سکیورٹی آپریشنز پلیٹ فارم، اینڈپوائنٹس کی نگرانی کرے گا، خامیوں کی نشاندہی کرے گا، اور بے ضابطگی  کا پتہ لگائے گا، جس سے دلّی پولیس کے آئی ٹی بنیادی ڈھانچہ ، بشمول داخلی ماحولیاتی نظام اور انٹرنیٹ سے جڑے سسٹمز، کی حفاظت ہوگی؛ جبکہ تری نیتر 360 سائبر انٹیلیجنس، برانڈ مانیٹرنگ، اٹیک سرفیس مانیٹرنگ، اور اے آئی  پر مبنی ڈیجیٹل رسک مینجمنٹ فراہم کرے گا۔اس تعیناتی کے آخر میں، سی-ڈی او ٹی کے کوانٹم بیسڈ سکیورٹی حل، جن میں کمپیکٹ انکرپشن ماڈیول (سی ای ایم) ، کوانٹم سکیور اسمارٹ ویڈیو فون (کیو ایس ایس وی آئی پی) ، اورکوانٹم کی ڈسٹریبیوشن (کیو کے ڈی) شامل ہیں، دلّی پولیس کے ماحول کے لیے مستقبل کے لیے تیار، کوانٹم محفوظ آواز، ویڈیو، اور ڈیٹا کمیونیکیشن فراہم کریں گے۔

اس موقع پر سی-ڈی او ٹی کے سی ای او، ڈاکٹر راج کمار اُپادھیائے نے کہا:"دلّی پولیس کے ساتھ یہ شراکت داری سی-ڈی او ٹی  کی ملکی اختراعات کو حقیقی دنیا میں اثر میں بدلنے کے عزم کا ثبوت ہے۔ ہمارے جدید حلوں کو محفوظ مواصلات، اے آئی پر مبنی نگرانی، سائبر سکیورٹی، اور کوانٹم سکیورٹی میں نافذ کر کے، ہمیں دلّی میں ایک محفوظ، سمارٹ، اور مضبوط ماحولیاتی نظام بنانے میں فخر ہے۔ یہ شراکت داری ٹیکنالوجی سے مستحکم، آتم نربھر بھارت کے وژن کے حصول کی طرف ایک اہم قدم ہے۔"

ایم او یو دستخط کی تقریب میں دلّی کے پولیس کمشنر، جناب ستیش گولچھا، اور سی-ڈی او ٹی کے سی ای ا و، ڈاکٹر راج کمار اُپادھیائے کے علاوہ دونوں تنظیموں کے سینئر اہلکار بھی موجود تھے۔ معززین نے دلّی میں ایک مضبوط، ٹیکنالوجی پر مبنی پولیسنگ نظام کی تعمیر کے لیے اپنے مشترکہ عزم کو دہرایا اور کہا کہ یہ شراکت داری ملک بھر میں قانون نافذ کرنے والے اداروں میں ٹیکنالوجی کے استعمال کے لیے ایک ماڈل کے طور پر کام کرے گی۔

 تقریب کے دوران جناب ستیش گولچھا، کمشنر آف پولیس، دلّی اور سی ای او، سی- ڈی او ٹی کے ڈاکٹر راج کمار اُپادھیائے کے علاوہ دونوں اداروں کے سینئر افسران موجود تھے۔

********************

ش ح-ا ع خ   ۔ر  ا

U-No- 5069

(ریلیز آئی ڈی: 2246503) وزیٹر کاؤنٹر : 6