فروری 2026 تک عوامی صحت کی سہولیات میں مجموعی طور پر 1244 لیبرز رومز(زچگی  کےکمرے )اور 917 زچگی آپریشن تھیٹر(میٹرنٹی آپریشن تھیٹرز) لکیشہ اسکیم کے تحت تصدیق شدہ ہیں۔ ریاستوں اور مرکز کے زیر انتظام علاقوں کے لحاظ سے لکشیہ سے تصدیق شدہ عوامی صحت کی سہولیات کی تفصیلات ضمیمہ میں درج ہیں۔

اس کےعلاوہ فروری 2026 تک عوامی صحت کی سہولیات میں 151 زچگی کمرے اور 107 زچگی آپریشن تھیٹر لکشیہ  اسکیم کے تحت تحت دوبارہ تصدیق کے عمل سے گزر چکے ہیں۔

لکشیہ سے تصدیق کے لیے تکنیکی جانچ کا عمل انتہائی سخت ہے، جس میں 70 معیارات کے تحت 200 سے زائد قابلِ پیمائش عناصر شامل ہوتے ہیں۔ ان معیارات کو آٹھ اہم شعبوں میں تقسیم کیا گیا ہے: خدمات کی فراہمی، مریضوں کے حقوق، وسائل، معاون خدمات، طبی نگہداشت، انفیکشن کنٹرول، معیار کی نگرانی اور نتائج۔

لکشیہ اسکیم سے منظوری حاصل کرنے کے لیے کسی بھی صحت مرکز کو زچگی کمرے اور زچگی آپریشن تھیٹر دونوں کے لیے مجموعی طور پر کم از کم 70 فیصد نمبر حاصل کرنا ضروری ہے۔ اس کے ساتھ ساتھ ہر اہم شعبے، مریضوں کے اطمینان اور تین بنیادی معیارات یعنی رازداری، پردہ داری، وقار اور دوران زچگی نگہداشت میں بھی کم از کم 70 فیصد نمبر لازمی ہیں۔ اس کےعلاوہ  ہر معیار کے تحت انفرادی طور پر کم از کم 50 فیصد نمبر حاصل کرنا بھی ضروری ہے۔

لکشیہ سے تصدیق شدہ  ہر ایک صحت مرکز کا جائزہ آزاد جائزہ کاروں کے ذریعے لیا جاتا ہے تاکہ ضروری بنیادی سہولیات کی دستیابی کو یقینی بنایا جا سکے، جن میں فعال آپریشن تھیٹر، بلا رکاوٹ پانی اور بجلی کی فراہمی، اہم طبی آلات اور افرادی قوت شامل ہیں۔

تاہم صحت ایک ریاستی  اختیار کا معاملہ ہے اور انتظامی امور، عملے کی بھرتی، تقرری اور تعیناتی کی ذمہ داری متعلقہ ریاستوں اور مرکز کے زیر انتظام علاقوں کے دائرہ اختیار میں آتی ہے۔ وزارت صحت و خاندانی بہبود قومی صحت مشن کے ذریعے ان کوششوں کی معاونت کرتی ہے، تاکہ عوامی صحت کی سہولیات کو مضبوط بنایا جا سکے اور بنیادی ڈھانچے اور انسانی وسائل کو انڈین پبلک ہیلتھ معیارات 2022 کے مطابق بہتر بنایا جا سکے۔

لکشیہ سمیت دیگر اسکیموں کے نفاظ کی نگرانی کےلیے باقاعدہ معاونتی نگرانی کے دوروں کا ایک نظام قائم ہے۔ وقتاً فوقتاً علاقائی اور ریاستی سطح کے جائزہ اجلاس منعقد کیے جاتے ہیں، مختلف ریاستوں اور مرکز کے زیر انتظام علاقوں کے فیلڈ دورے کیے جاتے ہیں اور مشترکہ جائزہ مشنز انجام دیے جاتے ہیں تاکہ بنیادی ڈھانچے، افرادی قوت، خدمات کی فراہمی اور پروگرام کے نفاذ کا جائزہ لیا جا سکے۔

لکشیہ اقدام کے تحت ایک کثیر جہتی حکمت عملی اختیار کی گئی ہے تاکہ زچگی کمروں اور زچگی آپریشن تھیٹروں میں نشاندہی شدہ تمام کمیوں کو کم سے کم وقت میں پورا کیا جا سکے اور ماؤں اور نوزائیدہ بچوں کو فراہم کی جانے والی نگہداشت کے معیار میں حقیقی اور پائیدار بہتری لائی جا سکے۔

ضمیمہ

ماخذ: این ایچ ایس آر سی رپورٹ

صحت اور خاندانی بہبود کی مرکزی وزیر مملکت محترمہ انوپریہ پٹیل نے آج لوک سبھا میں ایک تحریری جواب میں یہ معلومات فراہم کرائیں۔

***

Urdu-5005

(ش ح۔م ع ن۔ش ب ن)