نوجوانوں کے امور اور کھیل کود کے مرکزی وزیر ڈاکٹر منسکھ مانڈویہ نے کھیلو انڈیاقبائلی کھیلوں کے افتتاحی ایڈیشن سے خطاب کیا، جو آج چھتیس گڑھ کے تین شہروں میں شروع ہوا اور 3 اپریل 2026 تک جاری رہے گا۔

ڈاکٹر مانڈویہ نے کہا کہ کھیلو انڈیا قبائلی کھیل (کے آئی ٹی جی) 2026 چھتیس گڑھ کے لیے ایک مستقل میزبان کے طور پر ایک تاریخی آغاز ہے، جس میں بستر ، سرگوجا اور رائے پور سمیت تمام خطوں میں ہر سال کھیلوں کا انعقاد کیا جائے گا۔

وزیر موصوف نے زور دے کر کہا کہ ہنر شہری مراکز سے آگے قبائلی علاقوں، ساحلی علاقوں اور ملک کے دور دراز حصوں میں موجود ہے۔

انہوں نے کہا، ’’کھیلوں کا ہنر میٹروپولیٹن شہروں تک محدود نہیں ہے ۔ یہ قبائلی دیہاتوں اور ملک کے متنوع علاقوں میں پروان چڑھتا ہے۔  کھیلو انڈیا قبائلی کھیل متعارف کرانے کا مقصد اس پوشیدہ صلاحیت کی شناخت کرنا اور اسے فروغ دینا ہے۔

اس بات پر زور دیتے ہوئے کہ کھیلوں کی اہمیت تمغوں سے ماورا ہے، وزیر موصوف نے کہا کہ کھیل ملک میں کھیلوں کے مضبوط کلچر کو فروغ دینے کے لیے وزیر اعظم جناب نریندر مودی کے وژن کے مطابق نظم و ضبط، توازن اور زندگی کے اسباق پیدا کرتے ہیں۔

انہوں نے مزید کہا کہ ایس اے آئی کے کوچ کھیلوں کے مقام پر موجود ہوں گے اور کھیلو انڈیا مراکز اور سینٹرز آف ایکسی لینس سمیت منظم راستوں کے ذریعے صلاحیتوں کا تلاش کریں گے۔  کھلاڑیوں کو قومی اور بین الاقوامی سطح پر مقابلہ کرنے کے لیے اعلیٰ درجے کی تربیت حاصل ہوگی۔

اولمپین دیپیکا کماری جیسی مشہور شخصیات کا حوالہ دیتے ہوئے وزیر موصوف نے ہندوستان کی کھیلوں کی وراثت میں قبائلی برادریوں کے دیرینہ تعاون پر روشنی ڈالی۔

ڈاکٹر مانڈویہ نے مزید کہا کہ کے آئی ٹی جی نہ صرف کھیلوں کو فروغ دے گا بلکہ سیاحت اور علاقائی ترقی کو بھی فروغ دیں گے، جس سے آنے والے برسوں میں ملک بھر  سے کھلاڑی ان میں شرکت کریں گےاور انہیں عالمی سطح پر توجہ حاصل ہوگی ۔

شفافیت اور اچھی حکمرانی کی اہمیت پر روشنی ڈالتے ہوئے وزیر موصوف نے کہا کہ اسپورٹس گورننس بل اور آئندہ کھیلو بھارت نیتی جیسی اصلاحات کا مقصد منصفانہ انتخاب کے عمل کو یقینی بنانا، شمولیت کو فروغ دینا اور خواتین اور قبائلی کھلاڑیوں کو زیادہ سے زیادہ مواقع فراہم کرنا ہے۔

انہوں نے مزید کہا کہ کارکردگی ہمیشہ اولین ترجیح ہونی چاہیے اور انتخاب کا عمل منصفانہ، شفاف اور نگرانی والا ہوگا۔

وزیر موصوف نے ایشیائی کھیلوں اور دولت مشترکہ کھیلوں سمیت آئندہ بین الاقوامی مقابلوں میں ہندوستان کی مضبوط کارکردگی پر اعتماد کا اظہار کرتے ہوئے کہا کہ ہندوستان ایشیائی کھیلوں میں اپنی اب تک کی بہترین کارکردگی کا مظاہرہ کرے گا۔

انہوں نے کہا کہ پچھلی دہائی کے دوران، ہندوستان نے کھیلوں میں ایک جامع اور منظم نقطۂ نظر سے چلنے والی ایک اہم تبدیلی کا مشاہدہ کیا ہے۔  فٹ انڈیا اور کھیلو انڈیا جیسے اقدامات نے ملک بھر میں شرکت کو وسیع کرنے اور صلاحیتوں کو پروان چڑھانے کے لیے مل کر کام کیا ہے۔

ڈاکٹر مانڈویہ نے 2036 میں اولمپک کھیلوں کی میزبانی کرنے اور 2047 تک کھیلوں کے سرفہرست پانچ ممالک میں شامل ہونے کے وژن کے ساتھ اس وقت تک عالمی درجہ بندی میں سرکردہ 10 ممالک میں مقام حاصل کرنے کی ہندوستان کی خواہش کا اعادہ کیا۔

जनजातीय प्रतिभाओं का ऐतिहासिक खेल महाकुंभ!
छत्तीसगढ़ के सीएम @vishnudsai जी के साथ रायपुर में आयोजित देश के पहले 'Khelo India Tribal Games 2026' का शुभारंभ किया।

देश के कोने-कोने से आए हमारे जनजातीय एथलीटों का उत्साह बता रहा है कि भारत की खेल क्रांति अब दूरस्थ अंचलों तक पहुंच… pic.twitter.com/eeiT7APJBq

— Dr Mansukh Mandaviya (@mansukhmandviya) March 25, 2026

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  ک ح۔ع ن)

U. No. 4979

(ریلیز آئی ڈی: 2245875) وزیٹر کاؤنٹر : 10