લોકસભા અધ્યક્ષ શ્રી ઓમ બિરલાએ રામ નવમીની પૂર્વ સંધ્યાએ લોકોને શુભેચ્છા પાઠવી છે.

શ્રી બિરલાએ તેમના સંદેશમાં જણાવ્યું હતું કે, "ભગવાન શ્રી રામના પવિત્ર જન્મોત્સવ - શ્રી રામ નવમીના શુભ અવસર પર તમામ નાગરિકોને હાર્દિક શુભેચ્છાઓ. ભગવાન શ્રી રામ, જેમને સૌ મર્યાદા પુરુષોત્તમ તરીકે પૂજે છે, જેઓ ભારતની આસ્થા, ભક્તિ અને સાંસ્કૃતિક આત્માના શાશ્વત પ્રતીક છે, અને જેમનો જનકલ્યાણ, ધર્મનિષ્ઠા, કરુણા અને નૈતિક આચરણનો દિવ્ય પ્રકાશ સમગ્ર રાષ્ટ્રના જીવનને આલોકિત કરે છે.

ભગવાન શ્રી રામે માનવતાને ત્યાગ, વચનબદ્ધતા, સંવાદિતા, વીરતા અને ધર્મનિષ્ઠ જીવનશૈલીના ઉમદા આદર્શો અર્પણ કર્યા છે, જે યુગોથી ભારતીય ચેતનાને માર્ગદર્શન આપી રહ્યા છે. તેમનું દિવ્ય ચરિત્ર સુશાસન, જનકલ્યાણ, ન્યાય અને રામરાજ્યની મહાન વિભાવનાનું જીવંત સ્વરૂપ છે, જેને આપણે એક મહાન રાષ્ટ્રના નિર્માણ માટે આદર્શ માનતા આવ્યા છીએ.

આ પવિત્ર અવસરે, હું ઈચ્છું છું કે આપણે સૌ વિકસિત ભારતના નિર્માણ માટે સામૂહિક રીતે કાર્ય કરતા, કર્તવ્ય, મૂલ્યો અને રાષ્ટ્રની સેવાના માર્ગ પર આગળ વધવાના સંકલ્પ સાથે એકઠા થઈએ.

ભગવાન શ્રી રામના આશીર્વાદ હંમેશા તમામ નાગરિકો પર બની રહે. દરેક ઘર સુખ, શાંતિ, સમૃદ્ધિ અને આનંદથી ભરાઈ જાય અને આપણું રાષ્ટ્ર તેમની દિવ્ય કૃપાથી પ્રગતિ, ગૌરવ અને સાંસ્કૃતિક વૈભવની નવી ઊંચાઈઓ સર કરતું રહે.

જય શ્રી રામ!"

SM/IJ/JD

(રીલીઝ આઈડી: 2245377) મુલાકાતી સંખ્યા : 13