صحت اور خاندانی بہبود کے مرکزی وزیر مملکت جناب پرتاپ راؤ جادھو نے آج راجیہ سبھا میں ایک تحریری جواب میں بتایا کہ ملک میں منشیات کے مسئلے کی سنگینی کا اندازہ لگانے اور جاننے کے لیے، بھارت میں منشیات کے استعمال کی سنگینی پر ایک جامع قومی سطح کا سروے سماجی انصاف اور بااختیار بنانے کے محکمے نے منشیات کی لت سے چھٹکارے کے قومی مرکز (این ڈی ڈی ٹی سی)، ایمس کے ذریعے کیا تھا جو 2019 میں شائع ہوا تھا۔

صحت اور خاندانی بہبود کی وزارت نے سرکاری ہسپتالوں کے ذریعے منشیات کے استعمال کی خرابیوں کا قابل استطاعت، قابل رسائی اور ثبوت پر مبنی علاج فراہم کرنے کے مقصد کے ساتھ "منشیات سے نجات کا پروگرام (ڈی ڈی اے پی)" شروع کیا۔ اس پروگرام کے تحت، وزارت مرکزی حکومت کے ہسپتالوں میں قائم منشیات کی لت کے علاج کے 6 مراکز اور ملک بھر کے ضلع ہسپتالوں اور میڈیکل کالجوں میں قائم منشیات کے علاج کے 25 کلینکس (او پی ڈی اور مشاورت) کے ذریعے علاج (او پی ڈی/ آئی پی ڈی) اور مشاورت فراہم کرتی ہے۔

مزید برآں، سماجی انصاف اور بااختیار بنانے کا محکمہ مادے کے استعمال کے مسئلے سے نمٹنے کے لیے ایک مرکزی اسپانسر شدہ اسکیم، نیشنل ایکشن پلان فار ڈرگ ڈیمانڈ ریڈکشن (این اے پی ڈی ڈی آر) کو نافذ کرتا ہے۔ اس پروگرام کے تحت ریاستی حکومت/مرکز کے زیر انتظام علاقوں (یو ٹی) انتظامیہ کو روک تھام کی تعلیم، بیداری پیدا کرنے اور ریاستوں/مرکز کے زیر انتظام علاقوں کے ذریعہ منشیات کی مانگ میں کمی کے لیے صلاحیت سازی کے پروگراموں کے لیے مالی مدد فراہم کی جاتی ہے۔ این جی اوز/ وی اوز کو منشیات لت کے شکار افراد کے لیے مربوط بحالی مراکز (آئی آر سی اے)، نوعمرافراد، آؤٹ ریچ اور ڈراپ ان سینٹرز (او ڈی آئی سی) اور ڈسٹرکٹ ڈی ایڈکشن سینٹرز (ڈی ڈی اے سی) میں منشیات کے استعمال کی ابتدائی روک تھام کے لیے کمیونٹی پر مبنی پیر لیڈ انٹروینشن (سی پی ایل آئی ) کے چلانے اور دیکھ بھال کے لیے بھی فنڈز فراہم کیے جاتے ہیں۔ سرکاری ہسپتالوں میں نشے کے علاج کی سہولیات (اے ٹی ایف) کے لیے بھی فنڈنگ ​​فراہم کی جاتی ہے۔

این اے پی ڈی ڈی آر اسکیم کے تحت درج ذیل اہم سرگرمیاں شروع کی گئی ہیں:

i ۔ 349 انٹیگریٹڈ بحالی مراکز برائے عادی افراد (آئی آر سی اے) چلا رہے ہیں جو منشیات استعمال کرنے والوں کو علاج معالجے کے ساتھ ساتھ مشاورت، زہر رُبائی/ منشیات کی لت سے نجات، دیکھ بھال اور سماجی دھارے میں دوبارہ انضمام کے بعد فراہم کرتے ہیں۔

ii ۔ منشیات کے خلاف بیداری پیدا کرنے اور 18 سال سے کم عمر کے بچوں کو زندگی کے ہنر سکھانے کے لیے 45 کمیونٹی پر مبنی پیر لیڈ انٹروینشن (سی پی ایل آئی) پروگرام بھی چلا رہے ہیں۔

iii۔ اس اسکیم کے تحت، 76 آؤٹ ریچ اور ڈراپ ان سینٹرز (او ڈی آئی سی) بھی کام کر رہے ہیں تاکہ اسکریننگ، تشخیص، مشاورت اور علاج اور بحالی کی خدمات کے لیے ریفرل کے لیے محفوظ جگہ فراہم کی جا سکے۔

iv۔  154 سرکاری ہسپتالوں میں نشے کے علاج کی سہولیات (اے ٹی ایف)۔

v۔  145 ڈسٹرکٹ ڈی ایڈکشن سینٹرز (ڈی ڈی اے سی) جو آئی آر سی اے، او ڈی آئی سی اور سی پی ایل آئی کی طرف سے فراہم کردہ تینوں سہولیات ایک ہی چھت کے نیچے فراہم کرتے ہیں۔

vi ۔ یہ اسکیم ریاست بہار میں 7 آئی آر سی اے، 6 ڈی ڈی اے سی ، اور 2 اے ٹی ایف  کو مدد فراہم کر رہی ہے۔

vii۔  ایک ٹول فری ہیلپ لائن نمبر 14446 بھی قائم کیا گیا ہے تاکہ مدد کے خواہاں افراد کو بنیادی مشاورت اور فوری حوالہ کی خدمات فراہم کی جاسکیں۔

سماجی انصاف اور بااختیار بنانے کی وزارت نے ملک بھر میں نشا مکت بھارت ابھیان (این ایم بی اے) کا آغاز بھی کیا تاکہ عوام تک رسائی حاصل کی جا سکے اور ملک بھر میں اعلیٰ تعلیمی اداروں، یونیورسٹی کیمپس، سکولوں پر توجہ مرکوز کرتے ہوئے مادہ کے استعمال کے بارے میں بیداری پھیلائی جا سکے۔ ایکس، فیس بک اور انسٹاگرام پر ابھیان کے سوشل میڈیا اکاؤنٹس کے ذریعے بھی بیداری پھیلائی جا رہی ہے۔

***

 (ش ح –ا ب ن)

U.No:4813