’’سوَستھ ناری، سشکت پریوار ابھیان (ایس این ایس پی اے)‘‘ مہم کا اہتمام کیا گیا جس کا مقصد جن بھاگیداری کے ذریعہ بہتر رسائی، معیاری نگہداشت، اور بیداری پر توجہ کے ساتھ بھارت بھر میں خواتین و اطفال کے لیے حفظانِ صحت خدمات کو مضبوط بنانا ہے۔

نیشنل ہیلتھ مشن (این ایچ ایم) کے تحت، حکومت ہند نے مہم کے دوران حاصل کی گئی کمیونٹی کی شرکت اور رویے میں تبدیلی کو برقرار رکھنے کے لیے ایک مسلسل، ادارہ جاتی فریم ورک کے طور پر کئی اقدامات نافذ کیے ہیں اور اس طرح "سوستھ ناری، سشکت پریوار" کے وژن کو آگے بڑھایا ہے۔

آیوشمان آروگیہ مندروں (اے اے ایم) نے ریاستوں/مرکز کے زیر انتظام علاقوں کو کمیونٹی کے قریب خدمات کے وسیع پیکیج کو بڑھانے کے قابل بنایا ہے، جس میں اے اے ایم میں باقاعدہ اسکریننگ اور کمیونٹی کی سطح پر آؤٹ ریچ کیمپس شامل ہیں۔ بیماریوں کے انتظام کے علاوہ، پروموشنل اور تدارکی صحت جامع بنیادی حفظانِ صحت کا ایک لازمی حصہ ہے جس میں جسمانی سرگرمیاں جیسے میراتھن، یوگا، مراقبہ وغیرہ شامل ہیں۔ اس کے علاوہ، آروگیہ مندر میں سالانہ 42 صحت کلنڈر دنوں اور ماہانہ 10 خیروعافیت کے سیشنوں کا اہتمام کیا جاتا ہے، جہاں مختلف سرگرمیوں  جیسے صحتی بات چیت، صحت مند کھان پان اور طرز حات کے لیے کونسلنگ، منشیات کے غلط استعمال کے بارے میں کونسلنگ اور عادت چھوڑنے سے متعلق سرگرمیوں، وغیرہ کا  اہتمام کیا جاتا ہے تاکہ برادری کی خیروعافیت کو یقینی بنایا جا سکے۔

یہ جامع نقطہ نظر روک تھام پر زور دیتا ہے، معیاری حفظانِ صحت کی خدمات کے ذریعے تحفظ کو یقینی بناتا ہے، اور سب سے زیادہ کمزور آبادیوں کو ترجیح دے کر مساوات کو آگے بڑھاتا ہے، اس طرح صحت مند خواتین، بااختیار خاندانوں اور مضبوط معاشرے کی تصوریت کو یقینی بناتا ہے۔

ملک گیر مفت ایچ پی وی ٹیکہ کاری مہم 28 فروری 2026 کو شروع کی گئی تھی، جس میں تمام 36 ریاستوں اور مرکز کے زیر انتظام علاقوں میں 14 سال کی تقریباً 1.2 کروڑ مستحق لڑکیوں کی ٹیکہ کاری کا ہدف مقرر کیا گیا۔

ایچ پی وی ٹیکہ کاری احاطے سے باہر لڑکیوں کے زمرے درج ذیل ہیں:

• اعتدال پسند یا شدید بیماری کی شکار لڑکیوں کو ایچ پی وی ویکسین اس وقت تک نہیں لگائی جانی چاہیے جب تک کہ وہ صحت یاب نہ ہو جائیں۔

• وہ لڑکیاں جنہیں پچھلی ویکسینیشن پر الرجی یا خمیری انفیکشن کا ردعمل ہوا، وہ ٹیکہ لگوانے سے احتراز کریں۔

•حمل۔

• ٹارگٹ ایج گروپ سے باہر کی لڑکیاں۔

• جن لڑکیوں کو پہلے ٹیکہ لگایا گیا تھا: ان کے لیے جنہوں نے پہلے ہی کوئی ایچ پی وی ویکسین (Gardasil/Gardasil-9/Cervarix/Cervavac - ایک یا زیادہ خوراکیں) لی ہیں، ان کی ویکسینیشن کی حیثیت یو – ڈبلیو آئی این پورٹل میں اپ ڈیٹ کی جائے گی۔

منظور شدہ ایچ پی وی ویکسین کی افادیت کی تفصیلات سمری آف پروڈکٹ کریکٹراسٹکس (ایس ایم پی سی) میں شائع کی گئی ہیں جو سی ڈی ایس سی او کی ویب سائٹ پر عوام کے لیے دستیاب ہیں۔

صحت و خاندانی بہبود کی مرکزی وزیر مملکت محترمہ انوپریہ پٹیل نے یہ معلومات آج راجیہ سبھا میں ایک تحریری جواب میں دی ۔

**********

 

(ش ح –ا ب ن)

U.No:4812

(ریلیز آئی ڈی: 2244691) وزیٹر کاؤنٹر : 5