حکومت نے دو مراحل یعنی فیز-I (01.04.2015 سے 31.03.2019) اور فیز-II (01.04.2019 سے 31.03.2024) میں بھارت میں برقی گاڑیوں) الیکٹرک وہیکلز( کی تیزی سے اپنانے اور مینوفیکچرنگ (فیم انڈیا) اسکیم کو کامیابی کے ساتھ نافذ کیا ہے ۔   اس اسکیم نے بڑے پیمانے پر ای وی کو اپنانے ، چارجنگ کے بنیادی ڈھانچے کی ترقی اور گھریلو مینوفیکچرنگ کو فروغ دینے میں سہولت فراہم کی ہے ۔

فیز-1 (01.04.2015 سے 31.03.2019) کے نفاذ کی صورتحال جس نے ایک پائلٹ کے طور پر کام کیا اور ٹکنالوجی کی عملداری اور مارکیٹ کے ردعمل کا اندازہ لگانے میں مدد کی ، مندرجہ ذیل ہے: -

۱۔حمایت شدہ تقریبا359 کروڑ روپےکی مراعات کے ساتھ 2.8 لاکھ الیکٹرک اور ہائبرڈ گاڑیاں ۔

۲۔ملک کے مختلف شہروں میں 425 الیکٹرک اور ہائبرڈ بسیں منظور کی گئی اور تعینات کی گئیں، جس کے لیے حکومت کی جانب سے تقریباً 280 کروڑ روپے کے مالیاتی مراعات فراہم کی گئیں۔

520۳ چارجنگ اسٹیشنوں کی منظوری دی گئی، جس کے لیے 43 کروڑ روپے مختص کیے گئے۔

۴۔ٹیکنالوجی کی ترقی کے منصوبوں کے لیے تقریباً 158 کروڑ روپے مالیت کے منصوبے منظور کیے گئے، جن میں مختلف تنظیموں/اداروں کے لیے ٹیسٹنگ انفراسٹرکچر کا قیام، الیکٹرک ٹرانسپورٹیشن میں ایڈوانسڈ ریسرچ کے لیے 'سنٹر آف ایکسیلنس' کا قیام، بیٹری انجینئرنگ وغیرہ شامل ہیں۔

فیم (انڈیا) اسکیم فیز II (فیم-II) یکم اپریل 2019 سے 31 مارچ 2024 تک عمل میں لائی گئی، جس کے لیے 11,500 کروڑ روپے کا منصوبہ مختص کیا گیا۔ اسکیم کے دوران کل 16,71,606 الیکٹرک گاڑیوں کی حمایت (فروخت) کی گئی۔ مزید برآں، 31 جنوری 2026 تک اسکیم کے تحت 5,195 ای-بسیں تعینات کی جا چکی ہیں۔ فیم-IIاسکیم کے تحت یکم جنوری 2026 تک کل 9,159 ای وی پی سی ایس نصب کیے جا چکے ہیں۔

پی ایم ای-ڈرائیو اسکیم کے تحت، جو یکم اپریل 2024 سے نافذ کی جا رہی ہے، ٹیکنالوجی، آر اینڈ ڈی اور ایکو سسٹم سے متعلق چیلنجوں سے نمٹنے کے لیے درج ذیل اقدامات کیے گئے ہیں:-

۱۔آر اینڈ ڈی کو مضبوط بنانے کے لیے ٹیسٹنگ ایجنسیوں کی اپ گریڈیشن کے لیے 780 کروڑ روپے مختص کیے گئے۔

۲۔بڑے شہروں میں 14,028 ای-بسوں کی تعیناتی کے لیے 4,391 کروڑ روپے مختص کئےگئے۔

۳۔ملک بھر میں ای وی پبلک چارجنگ انفراسٹرکچر کے لیے 2,000 کروڑ روپے مختص کیے گئے۔

۴۔اہم ای وی پرزہ جات کی مقامی تیاری کو فروغ دینے اور ایکو سسٹم کو مضبوط بنانے کے لیے مرحلہ وار مینوفیکچرنگ پروگرام کا نفاذ کیا گیا۔

یہ معلومات بھاری صنعتوں کے وزیر مملکت جناب بھوپتی راجو سرینواس ورما نے لوک سبھا میں ایک تحریری جواب میں فراہم کی۔

***

)ش ح۔ش آ)

UN No: 4818

(ریلیز آئی ڈی: 2244687) وزیٹر کاؤنٹر : 8