سروس سے متعلق معاملات کی مسلسل شمولیت اور بروقت حل کی ضرورت پر زور دیتے ہوئے، سائنس و ٹیکنالوجی ، ارضیاتی سائنسز کے مرکزی وزیر مملکت (آزاد انہ چارج) اور پی ایم او، عملہ، عوامی شکایات اور پنشنز، محکمہ ایٹمی توانائی اور محکمہ خلا کے وزیر مملکت ڈاکٹر جتیندر سنگھ نے آج کہا کہ ملازمین کے نمائندوں کے ساتھ منظم مکالمہ انتظامی کارکردگی اور مختلف محکموں میں کیریئر کی ترقی کو یقینی بنانے کے لیے ضروری ہے۔

ڈاکٹر جیتندر سنگھ ایک اجلاس کی صدارت کر رہے تھے جس میں ملازمین کے وفود شامل تھے، جن میں ’’گورنمنٹ ایمپلائز نیشنل کنفیڈریشن‘‘ اور ’’سنٹرل سیکریٹریٹ گروپ-سی ایمپلائز ایسوسی ایشن‘‘ شامل تھے، جن میں سروے آف انڈیا، اسرو، انڈیا پوسٹ اور دیگر متعلقہ تنظیموں کے نمائندے تھے۔ میٹنگ میں کیڈر کی تنظیم نو، ترقیات اور سروس کی شرائط سے متعلق مختلف امور پر گفت و شنید ہوئی۔

ملازمین کی تنظیموں کے نمائندوں نے وزیر اعظم جناب نریندر مودی کی ستائش کی، جن کی قیادت میں کیڈر مینجمنٹ اور ترقی کے عمل میں حالیہ اقدامات ہوئے۔

انھوں نے زور دے کر کہا کہ ڈی او پی ٹی (ڈیپارٹمنٹ آف پرسنل اینڈ ٹریننگ) کی فعال حکمت عملی کے ساتھ، حالیہ برسوں میں 10,000 سے زائد بلک پروموشنز دی گئی ہیں، جس سے ملازمین کو نمایاں فائدہ ہوا ہے اور کئی خدمات میں جمود کو دور کرنے میں مدد ملی ہے۔ انھوں نے وزیر ڈاکٹر جیتندر سنگھ کا ان اصلاحات کو آگے بڑھانے میں فراہم کردہ رہنمائی اور تعاون پر شکریہ ادا کیا اور تسلیم کیا کہ ان اقدامات نے محکموں میں کیریئر کی ترقی پر مثبت اثر ڈالا ہے۔

وفود نے وزیر کے سامنے کیڈر کی تنظیم نو، تنخواہ کی برابری، الاؤنسز اور ترقی کے راستے جیسے کچھ زیر التوا امور بھی پیش کیے، خاص طور پر سروے آف انڈیا اور اسرو جیسی تنظیموں میں۔ نمائندوں نے اعتماد ظاہر کیا کہ حکومت کی مسلسل رہنمائی کے تحت یہ مسائل منظم اور مشاورتی طریقہ کار کے ذریعے حل کیے جائیں گے۔

وفد نے ترقی کی رفتار پر ڈی او پی ٹی کی ستائش کی اور نوٹ کیا کہ بہت سے ملازمین نے نسبتا کم مدت میں فائدہ اٹھایا۔ انھوں نے مشاہدہ کیا کہ حالیہ اقدامات نے طویل عرصے سے جاری جمود کے مسائل کو حل کرنے میں مدد دی ہے اور بہت حوصلہ افزا ثابت ہوئے ہیں، اگرچہ نفاذ کے اوقات اور محکموں کے درمیان یکسانیت سے متعلق کچھ خدشات بھی اٹھائے گئے۔

اٹھائے گئے مسائل کے جواب میں، ڈاکٹر جیتندر سنگھ نے وفود کو یقین دلایا کہ ان کے خدشات متعلقہ محکموں سے مشاورت کے ذریعے جانچے جائیں گے۔ انھوں نے منظم فالو اپ، انتظامی حکام کے ساتھ ہم آہنگی اور سروس سے متعلق معاملات کے بروقت حل کی ضرورت پر زور دیا۔

اجلاس کا اختتام تعمیری آراء کے تبادلے اور مشترکہ سمجھ بوجھ کے ساتھ ہوا تاکہ ملازمین کے خدشات کو دور کرنے اور محکموں کے درمیان انتظامی کارکردگی کو مضبوط بنانے کے لیے مکالمہ جاری رکھا جا سکے۔

***

(ش ح – ع ا)

U. No. 4635

(ریلیز آئی ڈی: 2243612) وزیٹر کاؤنٹر : 13