نمبرشمار

تحقیقی کونسل/قومی ادارے

اداروں کی جانب سے کیے جانے والے  اقدامات کی تفصیلات

1.

سنٹرل کونسل فار ریسرچ ان آیورویدک سائنسز (سی سی آر اے ایس)

سی سی آر اے ایس نے متعدد تحقیقی مطالعات انجام دیے ہیں، جیسے تیسرے درجے کے اسپتال (صفدرجنگ اسپتال، نئی دہلی) میں گھٹنے کے اوسٹیو آرتھرائٹس کے علاج کے لیے آیوروید کو جدید طبی نظام کے ساتھ مربوط کرنے کی عملی تحقیق، ہماچل پردیش میں بنیادی صحت کے مراکز کی سطح پر قومی تولیدی و صحت اطفال کی خدمات میں آیوروید کو شامل کرنے کی امکانیت کا جائزہ، اور کینسر، ذیابیطس، امراض  قلب اور فالج کی روک تھام و کنٹرول کے قومی پروگرام میں آیوش  کے نظاموں کے انضمام کا مطالعہ۔اسی طرح مہاراشٹر کے ضلع گڑچیرولی کے منتخب بنیادی صحت مراکز میں تولیدی و صحت اطفال کے شعبے میں آیوروید معالجے کے نفاذ کی امکانیت اور قبل از زچگی نگہداشت (گربھنی پریچریا) کے لیے آیورویدک طریقۂ علاج کی افادیت پر کثیر مراکزی عملی تحقیق بھی کی گئی ہے۔مزید برآں، انڈین کونسل آف میڈیکل ریسرچ اور سی سی آر اے ایس نے مشترکہ طور پر ایمس میں آیوش-آئی سی ایم آر ایڈوانسڈ سینٹر فار انٹیگریٹو ہیلتھ ریسرچ قائم کرنے کا اقدام کیا ہے، تاکہ منتخب شعبوں میں مربوط صحت کے نظام پر تحقیق کی جا سکے، جو آئی سی ایم آر کی ایکسٹرا میورل ریسرچ اسکیم کے تحت انجام دی جا رہی ہے۔

2.

سنٹرل کونسل فار ریسرچ ان یونانی میڈیسن (سی سی آر یو ایم)

سی سی آر یو ایم نے ڈاکٹر آر ایم ایل اسپتال، ڈاکٹر ڈی ڈی یو اسپتال، صفدرجنگ اسپتال نئی دہلی اور جے جے اسپتال ممبئی میں چار ری لوکیشن مراکز قائم کیے ہیں۔کونسل نے یونانی طب کے فروغ اور اسے جدید طبی نظام کے ساتھ مربوط کرنے کے لیے جدید تعلیمی و تحقیقی اداروں کے ساتھ مشترکہ منصوبے بھی شروع کیے ہیں۔

3.

سنٹرل کونسل فار ریسرچ ان ہومیوپیتھی (سی سی آر ایچ)

سی سی آر ایچ ہومیوپیتھی کو مرکزی نظامِ صحت کے ساتھ مربوط کرنے کے لیے مربوط طب کے میدان میں باہمی اشتراک اور تعاون کے ساتھ تحقیق کر رہا ہے۔ کونسل نے مختلف طبی حالتوں کے علاج کے لیے ایلوپیتھک اسپتالوں میں ہومیوپیتھی مراکز قائم کیے ہیں، جن میں صفدرجنگ اسپتال، نئی دہلی، لیڈی ہارڈنگ میڈیکل کالج و اسپتال، نئی دہلی، دہلی کینٹونمنٹ جنرل اسپتال، نئی دہلی، بی آر ڈی میڈیکل کالج و اسپتال گورکھپور (اتر پردیش)، سول اسپتال آئیزول (میزورم) اور ضلع اسپتال دیماپور (ناگالینڈ) شامل ہیں۔کونسل نے ہومیوپیتھی کو مرکزی نظامِ صحت کے ساتھ جوڑنے کے لیے مختلف عوامی صحت کے پروگرام بھی شروع کیے ہیں، جیسے این پی سی ڈی سی ایس پروگرام میں ہومیوپیتھی کا انضمام، سوستھیا رکشن پروگرام، "صحت مند دانت نکلنے کے لیے ہومیوپیتھی" پروگرام، اور "صحت مند بچہ" و درج فہرست ذات (ایس سی) جزو منصوبہ کے تحت ہومیوپیتھی پروگرام۔

4.

سنٹرل کونسل فار ریسرچ ان سدھا (سی سی آر ایس)

سی سی آر ایس نے سِدّھا طریقۂ علاج کو جدید طبی نظام کے ساتھ مربوط کرنے کے لیے مختلف اقدامات کیے ہیں، جن میں سائنسی تحقیق اور کلینیکل آزمائشوں کی حوصلہ افزائی شامل ہے تاکہ آیوش علاج کی افادیت اور حفاظت کو جدید علاج کے ساتھ ثابت کیا جا سکے۔سِدّھا مربوط کینسر او پی ڈی آل انڈیا انسٹی ٹیوٹ آف آیوروید کے کیمپس میں فعال ہے، جبکہ صفدرجنگ اسپتال میں بھی سِدّھا کینسر او پی ڈی قائم ہے، جو سی سی آر ایس کے تحت سِدّھا کلینیکل ریسرچ یونٹ، صفدرجنگ، نئی دہلی کے ذریعے کینسر کے مریضوں کو سِدّھا نظام کے تحت تسکینی نگہداشت فراہم کر رہی ہے۔مزید برآں، سی سی آر ایس نے کینسر کے علاج، زچہ و بچہ کی دیکھ بھال اور تجدیدی طب کے شعبوں میں مشترکہ تحقیقی سرگرمیوں کے آغاز کے لیے ایمس رشی کیش کے ساتھ مفاہمتی یادداشت پر دستخط کیے ہیں۔

5.

سنٹرل کونسل فار ریسرچ ان یوگا اینڈ نیچروپیتھی (سی سی آر وائی این)

سی سی آر وائی این ملک بھر میں دل کی ناکامی سے متعلق کثیر مراکزی مطالعہ منصوبے کے لیے آئی سی ایم آر کی ٹاسک فورس کا حصہ ہے۔

6.

آل انڈیا انسٹی ٹیوٹ آف آیوروید (اے ایل اے)

اے آئی آئی اے، نئی دہلی میں مربوط طبی خدمات مختلف مراکز کے تحت فراہم کی جا رہی ہیں، جن میں مرکز برائے مربوط آیوش تھراپی (یونانی، سدھا اور ہومیوپیتھی)، مرکز برائے مربوط کینسر تھراپی، مرکز برائے مربوط دندان سازی، مرکز برائے مربوط ایمرجنسی و نگہداشتِ شدید، مرکز برائے مربوط ہڈیوں کے امراض، مرکز برائے مربوط غذائیت و ڈائٹٹکس، اور حادثاتی او پی ڈی سیکشن شامل ہیں۔اسی طرح مربوط خدمات سیٹلائٹ کلینیکل سروسز یونٹس کے ذریعے بھی فراہم کی جا رہی ہیں، جو صفدرجنگ اسپتال، نئی دہلی میں قائم مربوط طبی خدمات یونٹ، ایمس جھجھر کے مربوط طبی خدمات یونٹ، اور نیشنل کینسر انسٹی ٹیوٹ، ایمس جھجھر میں قائم مرکز برائے مربوط آنکولوجی کے ذریعے کام کر رہے ہیں۔مزید برآں، اے آئی آئی اے نئی دہلی میں مرکز برائے مربوط آنکولوجی قائم کیا گیا ہے، جو اے آئی آئی اے اور انڈین کونسل آف میڈیکل ریسرچ کے نیشنل انسٹی ٹیوٹ آف کینسر پریوینشن اینڈ ریسرچ کے مشترکہ اشتراک سے چل رہا ہے۔ اسی مرکز سے "آیوش جرنل آف انٹیگریٹو آنکولوجی" بھی شائع کیا جا رہا ہے۔یہ ادارہ عالمی سطح پر آیوروید کے فروغ اور تحقیق کے لیے ایک بین الاقوامی اشتراکی مرکز بھی رکھتا ہے۔

7.

انسٹی ٹیوٹ آف ٹیچنگ اینڈ ریسرچ ان آیوروید (آئی ٹی آر اے)

آئی ٹی آر اے جدید طبی نظام کے ساتھ مل کر مربوط تحقیق انجام دیتا ہے۔

8.

نیشنل انسٹی ٹیوٹ آف سدھا (این آئی ایس)

سِدّھا نظامِ طب میں مربوط تحقیق کو فروغ دینے اور چیٹّیناد ہسپتال اینڈ ریسرچ انسٹی ٹیوٹ آنے والے مریضوں کو سِدّھا علاج فراہم کرنے کے لیے این آئی ایس نے کیلَمباکم میں چیٹّیناد اکیڈمی آف ریسرچ اینڈ ایجوکیشن کے اشتراک سے ایک جدید سِدّھا خصوصی او پی ڈی کا افتتاح کیا ہے۔این آئی ایس منی پال، کرناٹک میں منی پال اکیڈمی آف ہائر ایجوکیشن کے مرکز برائے مربوط طب تحقیق میں سِدّھا مربوط روایتی طب کی خصوصی او پی ڈی بھی چلا رہا ہے۔مزید برآں، این آئی ایس نے کینسر کے مریضوں کو مربوط علاج فراہم کرنے کے لیے سِدّھا انٹیگریٹڈ کینسر کیئر سینٹر بھی قائم کیا ہے۔

9.

مرارجی دیسائی نیشنل انسٹی ٹیوٹ آف یوگا (ایم ڈی این آئی وائی)

ایم ڈی این آئی وائی سن 2013 سے مسلسل چوتھی مدت کے لیے یوگا (روایتی طب) کے شعبے میں عالمی ادارۂ صحت کا تعاون کرنے والا مرکز ہے۔ ایم ڈی این آئی وائی دہلی میں سرکاری جدید طبی اسپتالوں میں 4 یوگا مراکز چلا رہا ہے، جبکہ دہلی این سی آر کے 20 سی جی ایچ ایس تندرستیحح مراکز میں یوگا کے ذریعے احتیاطی صحت کی نگہداشت کی اکائیاں  بھی قائم کی گئی ہیں۔