সামুদ্ৰিক ভাৰত ভিজন ২০৩০ (এম. আই. ভি. ২০৩০)-এ বন্দৰৰ আন্তঃগাঁথনিৰ বিকাশ, পৰিবহন দক্ষতাৰ উন্নতি আৰু সম্পৰ্কিত সামুদ্ৰিক খণ্ডৰ বিকাশৰ বাবে এটা ৰোডমেপ প্ৰদান কৰে। ২০২২ চনৰ পৰা মুখ্য বন্দৰসমূহত বন্দৰৰ ক্ষমতা, পৰিবহন দক্ষতা, জাহাজ পৰিৱৰ্তনৰ সময় আৰু উপকূলীয় কাৰ্গো ক্ষমতাৰ উল্লেখযোগ্য উন্নতি ঘটিছে। বিত্তীয় বৰ্ষ ২০২১-২২ৰ পৰা মূল প্ৰদৰ্শন সূচকসমূহৰ বছৰ অনুসৰি স্থিতি তলত উপস্থাপন কৰা হৈছে।

বছৰ	মুখ্য বন্দৰ ক্ষমতা (এম. টি. পি. এ.)	গড় পৰিৱৰ্তন সময় (ঘণ্টা)	উপকূলীয় কাৰ্গো নিয়ন্ত্ৰণ (এম. টি.)
২০২১-২২ বিত্তীয় বৰ্ষ	১৫৯৮	৫২.৯	১৭১
২০২২-২৩ বিত্তীয় বৰ্ষ	১৬১৭	৫২.৯	১৮৫
২০২৩-২৪ বিত্তীয় বৰ্ষ	১৬৩০	৪৮	১৮৯
২০২৪-২৫ বিত্তীয় বৰ্ষ	১৬৮১	৪৯.৪	১৯৬

এম আই ভি ২০৩০ৰ অধীনত পূব উপকূলৰ ৰাজ্যসমূহৰ উপকূলীয় আৰু আভ্যন্তৰীণ জলপথৰ নেটৱৰ্কৰ কৌশলগত উন্নয়নৰ বাবে কেইবাটাও ব্যৱস্থা গ্ৰহণ কৰা হৈছে। আভ্যন্তৰীণ জলপথ সংযোগৰ সুবিধা প্ৰদানৰ বাবে পাৰাদ্বীপ আৰু ধামৰা বন্দৰক তালচেৰ আৰু আঙ্গুলৰ দৰে খনিজ সমৃদ্ধ অঞ্চলৰ সৈতে সংযোগ কৰা ৰাষ্ট্ৰীয় জলপথ-৫ (ব্ৰাহ্মণী নদী ব্যৱস্থা)ৰ কাৰ্য্যকৰীকৰণৰ কথা কেন্দ্ৰীয় বাজেটত ঘোষণা কৰা হৈছে। ইয়াৰ উপৰি, পাৰাদ্বীপ বন্দৰত ৰে’ল-চী-ৰে’ল (আৰ এছ আৰ) মডেলৰ প্ৰচাৰৰ দৰে উপকূলীয় জাহাজ পৰিবহণৰ পদক্ষেপসমূহে পূব উপকূলত সামগ্ৰীৰ চলাচল বৃদ্ধি কৰাত অৰিহণা যোগাইছে।

কেন্দ্ৰীয় বন্দৰ, জাহাজ পৰিবহণ আৰু জলপথ মন্ত্ৰী শ্ৰী সৰ্বানন্দ সোণোৱালে ৰাজ্যসভাত এটা লিখিত উত্তৰত এই তথ্য সদৰি কৰে।

 

***

MI/IY/MK

(रिलीज़ आईडी: 2242477) आगंतुक पटल : 57