وزارتِ ٹیکسٹائل کی جانب سے آج وزارت کی سیکریٹری محترمہ نیلم شمی راؤ کی صدارت میں جوٹ کے موضوع پر ریاستی زرعی کانفرنس منعقد کی گئی۔ اس اجلاس میں جوٹ کی کاشت کی موجودہ صورتحال اور جاری فصل کے موسم کے لیے تیاریوں کا جائزہ لیا گیا۔

 آسام ، اڈیشہ ، ناگالینڈ ، میگھالیہ سمیت جوٹ کی کاشت کرنے والی بڑی ریاستوں کے سینئر عہدیداروں نے میٹنگ میں شرکت کی ۔ مغربی بنگال اور بہار کی ریاستوں کی نمائندگی نہیں تھی ۔ ڈائریکٹوریٹ آف جوٹ ڈیولپمنٹ (ڈی او جے ڈی) آئی سی اے آر-سی آر آئی جے اے ایف ، نیشنل جوٹ بورڈ (این جے بی) جوٹ کارپوریشن آف انڈیا (جے سی آئی) اور نیشنل ریموٹ سینسنگ سینٹر (این آر ایس سی)، اسرو کے نمائندے بھی موجود تھے ۔

 

اجلاس میں اہم پہلوؤں کا جائزہ لیا گیا جن میں شامل ہیں:

• موجودہ بوائی کی پیش رفت اور علاقے کی کوریج
• مصدقہ جوٹ کے بیجوں کی دستیابی اور تقسیم
• کاشت کاری کے بہتر طریقوں کے نفاذ کی صورتحال
• ریٹنگ آپریشنز اور فائبر کے معیار میں بہتری کے لیے تیاری

وزارت نے جوٹ-آئی کیئر (بہتر کاشت کاری اور ایڈوانسڈ ریٹنگ ایکسرسائز) اسکیم کے مسلسل نفاذ پر روشنی ڈالی ، جو بہتر بیج کی تقسیم ، میکانائزیشن ٹولز اور فیلڈ سطح کی کارکردگی کے ذریعے کسانوں کی مدد کرتی ہے ۔

میٹنگ کے دوران ، این آر ایس سی ، اسرو نے جوٹ کراپ انفارمیشن سسٹم پیش کیا ، جس میں فصلوں کی نگرانی ، رقبے کے تخمینے اور فیصلہ کی حمایت کے لیے جیو اسپیشل ٹیکنالوجیز کے استعمال کی نمائش کی گئی ، جس کا مقصد شواہد پر مبنی منصوبہ بندی اور نگرانی کو مضبوط بنانا ہے ۔

اس موقع پر شمال مشرقی دستکاری اور ہینڈلوم ڈیولپمنٹ کارپوریشن (این ای ایچ ایچ ڈی سی) نیشنل جوٹ بورڈ (این جے بی) اور جوٹ کارپوریشن آف انڈیا (جے سی آئی) کے درمیان ایک مفاہمت نامے پر دستخط کیے گئے تاکہ شمال مشرقی خطے (این ای آر) میں جوٹ کی کاشت کے پسماندہ اور آگے کے روابط کو مضبوط کیا جا سکے ۔

اس مفاہمت نامے کا مقصددرج ذیل سہولت فراہم کرنا ہے:

• جوٹ کے کاشتکاروں کے لیے مارکیٹ تک بہتر رسائی اورقیمت کا حصول
• خریداری اور جمع کرنے کے نظام کو مضبوط بنانا
• خطے میں پروسیسنگ اور ویلیو ایڈیشن کا فروغ

ٹیکسٹائل کی سکریٹری نے اس کی ضرورت پر زور دیاکہ:

• تصدیق شدہ جوٹ کے بیجوں کی زیادہ پیداوار دینے والی اقسام کی بروقت دستیابی کو یقینی بنایا جائے
• ریٹنگ کے بنیادی ڈھانچے اور طریقوں کو مضبوط بنایا جائے
• مشقت کو کم کرنے کے لیے میکانائزیشن کو فروغ دیا جائے
• مرکزی اور ریاستی ایجنسیوں کے درمیان ہم آہنگی بڑھائی جائے

حصہ لینے والی ریاستوں کو مشورہ دیا گیا کہ وہ زمینی سطح کی پیش رفت کی قریب سے نگرانی کریں اورموسم کے دوران آپریشنل چیلنجوں سے نمٹنے کے لیے فعال اقدامات کریں ۔

وزارت نے ملک میں جوٹ کی کاشت کی ترقی پر توجہ مرکوز کرتے ہوئے پیداوار ، ریشے کے معیار اور کسانوں کی آمدنی کو بہتر بنانے کے مقصد سے مربوط اقدامات کے ذریعے جوٹ کے شعبے کا تعاون  کرنے کے اپنے عزم کا اعادہ کیا ۔

******

ش ح۔ ع و ۔ع د

UR No- 4435

(ریلیز آئی ڈی: 2242316) وزیٹر کاؤنٹر : 9