کمیشن برائے مسابقتِ ہند (سی سی آئی) نے ﴿الف﴾ بینٹلی ایشیا ہولڈنگز دوم  پرائیویٹ لمیٹڈ (بینٹلی) کی جانب سے بیبی میموریل ہسپتال لمیٹڈ (بی ایم ایچ) میں بعض اضافی حصص کے حصول، اور ﴿ب﴾ اس کے بعد بی ایم ایچ کی جانب سے یونیمیڈ ہیلتھ کیئر پرائیویٹ لمیٹڈ (یونیمیڈ) میں ثانوی خریداری کے ذریعے بعض حصص کے حصول کی منظوری دے دی ہے۔

مجوزہ انضمام کو اس طرح تصور کیا گیا ہے: (الف) بینٹلی کی جانب سے بی ایم ایچ میں بعض اضافی حصص کا حصول؛ اور (ب) اس کے بعد بی ایم ایچ کی جانب سے یونیمیڈ میں بعض حصص کا ثانوی خریداری کے ذریعے حصول (بی ایم ایچ کا حصول اور یونیمیڈ کا حصول مجموعی طور پر "مجوزہ انضمام" کہلاتے ہیں)۔

بینٹلی ایک نجی کمپنی ہے جو حصص کی بنیاد پر محدود ذمہ داری کے ساتھ سنگاپور کے قوانین کے تحت قائم کی گئی ہے۔

بی ایم ایچ ایک کثیر تخصصی طبی نیٹ ورک ہے جو بھارت کے مختلف شہروں میں کئی ہسپتال چلاتا ہے۔ یہ طبی اور جراحی خدمات کی وسیع رینج فراہم کرتا ہے، اس کے ساتھ نرسنگ اور متعلقہ صحت کی تعلیم کے ادارے بھی چلاتا ہے اور معیاری طبی سہولیات تک رسائی کو بہتر بنانے کے لیے فلاحی طبی اقدامات بھی انجام دیتا ہے۔

یونیمیڈ، "اسٹار ہاسپٹلز" کے برانڈ نام کے تحت، حیدرآباد میں دو کثیر تخصصی ہسپتال چلاتا ہے۔ یہ کارڈیالوجی، نیورولوجی، آرتھوپیڈکس، ایمرجنسی اور انتہائی نگہداشت سمیت طبی اور جراحی خدمات کی وسیع رینج فراہم کرتا ہے۔ کمیشن کا تفصیلی حکم بعد میں جاری کیا جائے گا۔

******

ش ح۔ ش ا ر۔ ول

Uno-4413

 

(ریلیز آئی ڈی: 2242145) وزیٹر کاؤنٹر : 8