ارتھ سائنسز کی وزارت (ایم او ای ایس) نے 2010 میں پونے میں انڈین انسٹی ٹیوٹ آف ٹراپیکل میٹرولوجی (آئی آئی ٹی ایم) میں سینٹر فار کلائمیٹ چینج ریسرچ (سی سی سی آر) قائم کیا تھا۔ یہ مرکز ریاست اتراکھنڈ سمیت ہندوستان کے مختلف حصوں میں موسمیاتی تبدیلی اور اس کے اثرات سے متعلق مطالعات انجام دے رہا ہے۔ اس مرکز نے "ہندوستانی خطے میں موسمیاتی تبدیلی کی تشخیص" کے عنوان سے ایک رپورٹ شائع کی ہے، جو درج ذیل لنک پر دستیاب ہے:
https://link.springer.com/book/10.1007/978-981-15-4327-2

ہندوستانی محکمہ موسمیات (آئی ایم ڈی) آب و ہوا کی نگرانی کے لیے مشاہداتی ڈیٹا کو باقاعدگی سے جمع اور اپ ڈیٹ کرتا ہے، اور وقتاً فوقتاً اتراکھنڈ سمیت مختلف ریاستوں سے دستیاب ڈیٹا سیٹس کی بنیاد پر آب و ہوا کی تشخیص اور طویل مدتی رجحانات کے تجزیے شائع کرتا ہے۔ مزید برآں، آئی ایم ڈی نے ملک میں بارش کے بدلتے ہوئے نمونوں اور گزشتہ 30 برسوں کے دوران مختلف مقامی پیمانوں (ریاستوں اور اضلاع) پر انتہائی موسمی واقعات کا بھی مطالعہ کیا ہے۔ مختلف ریاستوں اور مرکز کے زیر انتظام علاقوں کے لیے "مشاہدہ شدہ بارش کے تغیر اور تبدیلیاں" کے موضوع پر مجموعی طور پر 29 رپورٹس شائع کی گئی ہیں، جو عوامی طور پر دستیاب ہیں۔

محکمہ سائنس و ٹیکنالوجی (ڈی ایس ٹی) موسمیاتی تبدیلی سے متعلق دو قومی مشنز نافذ کر رہا ہے:
نیشنل مشن آن اسٹریٹجک نالج فار کلائمیٹ چینج (این ایم ایس کے سی سی) اور
نیشنل مشن فار سسٹیننگ دی ہمالین ایکوسسٹم (این ایم ایس ایچ ای)۔
ان مشنز کے تحت مختلف تحقیقی، ترقیاتی اور صلاحیت سازی کے پروگراموں کی حمایت کی جا رہی ہے۔

این ایم ایس کے سی سی کے تحت، ڈی ایس ٹی نے ہندوستانی ریاستوں کی کمزوری کی نقشہ سازی کے لیے ایک مطالعے کی حمایت کی ہے اور "ہندوستان کے لیے کمزوری کے خاکے: ایک مشترکہ فریم ورک کے ذریعے ریاست اور ضلع کی سطح پر" کے عنوان سے رپورٹ شائع کی ہے۔ یہ رپورٹ موجودہ آب و ہوا اور خطرات کے اہم عوامل کے تناظر میں اتراکھنڈ سمیت ہندوستان کی سب سے زیادہ حساس ریاستوں اور اضلاع کی نشاندہی کرتی ہے۔

وزارت ملک بھر میں مرکزی شعبے کی اسکیموں کو یکساں طور پر نافذ کرتی ہے، اس لیے فنڈز کی تقسیم ریاست وار نہیں کی جاتی۔ ان اسکیموں کے تحت فنڈز ایم او ای ایس کے ذریعے ریاستی حکومتوں کو براہ راست جاری نہیں کیے جاتے۔

آب و ہوا کی تبدیلی اور شدید موسمی حالات سے متعلق پروگرام اور مطالعات، آئی ایم ڈی اور ارتھ سائنسز کی وزارت کے تحت دیگر اداروں کی جانب سے گزشتہ تین برسوں میں انجام دیے گئے ہیں، جن سے 2023 اور 2025 کے مانسون کے دوران بھاری بارش کے واقعات میں اضافے کا رجحان ظاہر ہوتا ہے۔ اس سے اضافی مشاہداتی نظام، مثلاً ڈوپلر ویدر ریڈار (ڈی ڈبلیو آر) اور اے ڈبلیو ایس/اے آر جی کی تنصیب، اور ہاٹ اسپاٹس کی نشاندہی کے ذریعے نگرانی اور ابتدائی انتباہی نظام کو بہتر بنانے میں مدد ملی ہے۔

ان واقعات کی حقیقی وقت کی پیش گوئی کو بہتر بنانے کے لیے بھارت ایف ایس جیسے ہائی ریزولوشن عددی موسم پیش گوئی (این ڈبلیو پی) ماڈلز تیار کیے گئے ہیں۔ یہ نئی پیش رفت موسمی واقعات کی نگرانی اور پیش گوئی کو مزید مؤثر بنا رہی ہے، جس کے نتیجے میں بہتر نگرانی، پیش گوئی اور ابتدائی انتباہی خدمات کے ذریعے منفی اثرات میں کمی آ رہی ہے۔

آئی ایم ڈی نے 2019 سے ضلع اور شہر کی سطح پر شدید موسمی واقعات جیسے شدید بارش، طوفان، گرمی کی لہریں، سرد لہریں اور گرج چمک کے ساتھ بارش کے لیے اثر پر مبنی پیش گوئی (آئی بی ایف) اور خطرے پر مبنی انتباہات کو بھی اپنایا ہے۔ یہ انتباہات ڈیزاسٹر مینجمنٹ حکام اور عوام تک مختلف پلیٹ فارمز کے ذریعے پہنچائے جاتے ہیں تاکہ بروقت تیاری اور مؤثر ردِعمل کو یقینی بنایا جا سکے۔

پیش گوئی کی تکنیکوں، مشاہداتی نیٹ ورکس، ڈوپلر ویدر ریڈارز (ڈی ڈبلیو آر) اور عددی موسم پیش گوئی (این ڈبلیو پی) ماڈلز میں بہتری کے باعث بروقت انتباہات اور انخلاء کے اقدامات نے گزشتہ برسوں میں ہندوستان میں شدید موسمی واقعات سے انسانی جانوں کے ضیاع کو نمایاں طور پر کم کیا ہے۔

حال ہی میں ہندوستانی محکمہ موسمیات (آئی ایم ڈی) نے ایم او ای ایس کے دیگر مراکز کے ساتھ مل کر ایک اینڈ ٹو اینڈ جی آئی ایس پر مبنی ڈسیژن سپورٹ سسٹم (ڈی ایس ایس) تیار کیا ہے، جو ملک بھر میں تمام موسمی خطرات کی بروقت نشاندہی اور نگرانی کے لیے ابتدائی انتباہی نظام کے فرنٹ اینڈ کے طور پر کام کر رہا ہے۔

یہ نظام طوفان، شدید بارش، خشک سالی وغیرہ جیسے شدید موسمی واقعات کے لیے بروقت اثر پر مبنی ابتدائی انتباہات فراہم کرنے کی غرض سے مخصوص ماڈیولز سے لیس ہے، جو انسانی جانوں، معاش اور بنیادی ڈھانچے پر منفی اثرات کو کم کرنے میں مدد دیتے ہیں۔

یہ نظام تاریخی اعداد و شمار کے ساتھ ساتھ حقیقی وقت کے موسمیاتی مشاہدات—جن میں سطحی اور بالائی فضائی ڈیٹا شامل ہے—کا استعمال کرتا ہے۔ اس میں ریڈار مشاہدات (ہر 10 منٹ) اور سیٹلائٹ مصنوعات (ہر 15 منٹ) بھی شامل ہیں۔ مزید برآں، یہ ایم او ای ایس کے اداروں میں چلنے والے مختلف عددی موسمی ماڈلز سے حاصل شدہ پیش گوئیوں کو بھی استعمال کرتا ہے، جن میں ہائپر لوکل، علاقائی اور عالمی سطح کے ماڈلز شامل ہیں۔

آئی ایم ڈی اپنے جدید مشاہداتی نیٹ ورک اور پیش گوئی کے نظام کے ذریعے جان و مال کے تحفظ میں اہم کردار ادا کر رہا ہے، اور نیشنل ڈیزاسٹر مینجمنٹ اتھارٹی (این ڈی ایم اے) کے ساتھ قریبی تعاون میں بروقت تیاری اور ردِعمل کو یقینی بناتا ہے۔ یہ مربوط نظام اس بات کو یقینی بناتا ہے کہ درست اور بروقت موسمی معلومات حکام اور عوام تک پہنچیں، جس سے آفات کے خطرے میں کمی لانے کی کوششوں کو تقویت ملتی ہے۔

آئی ایم ڈی نے ایک ویب پر مبنی "کلائمیٹ ہیزرڈ اینڈ ولنریبلٹی اٹلس آف انڈیا" بھی تیار کیا ہے، جس میں تیرہ انتہائی خطرناک موسمی واقعات کا احاطہ کیا گیا ہے جو بڑے پیمانے پر معاشی، انسانی اور مویشی نقصان کا سبب بنتے ہیں۔ اس تک درج ذیل لنک کے ذریعے رسائی حاصل کی جا سکتی ہے:
https://imdpune.gov.in/hazardatlas/abouthazard.html

یہ اٹلس ریاستی حکومتوں اور ڈیزاسٹر مینجمنٹ ایجنسیوں کو خطرناک شہری و دیہی علاقوں اور ہاٹ اسپاٹس کی نشاندہی کرنے، اور انتہائی موسمی واقعات سے نمٹنے کے لیے مؤثر منصوبہ بندی میں مدد فراہم کرتا ہے۔ یہ اقدام آب و ہوا کے لحاظ سے مضبوط (کلائمیٹ ریزیلینٹ) بنیادی ڈھانچے کی تعمیر میں بھی معاون ہے۔

آئی ایم ڈی رسائی کو بہتر بنانے کے لیے جدید ترین مواصلاتی نظاموں کا بھرپور استعمال کر رہا ہے۔ اس کی سرکاری ویب سائٹس، اے پی آئی پر مبنی خدمات، کامن الرٹنگ پروٹوکول (سی اے پی)، واٹس ایپ گروپس، موبائل ایپلی کیشنز، ویب پورٹلز اور ایس ایم ایس الرٹس کے ذریعے ابتدائی انتباہات کی ترسیل کو مضبوط بنایا گیا ہے۔ اس کے علاوہ یوٹیوب، فیس بک، ایکس اور انسٹاگرام جیسے سوشل میڈیا پلیٹ فارمز بھی مؤثر طریقے سے استعمال کیے جا رہے ہیں۔

آئی ایم ڈی نے عوامی سہولت کے لیے 'امنگ' موبائل ایپ کے ساتھ اپنی سات خدمات—موجودہ موسم، نوکاسٹ، شہری پیش گوئی، بارش کی معلومات، سیاحتی پیش گوئی، انتباہات اور طوفان—کو مربوط کیا ہے۔ مزید برآں، موسمی پیش گوئی کے لیے 'موسم'، ایگرو میٹ ایڈوائزری کے لیے 'میگھدوت'، اور بجلی (آسمانی بجلی) کے انتباہات کے لیے 'دامنی' موبائل ایپس بھی تیار کی گئی ہیں۔ انتباہات کی مؤثر ترسیل کے لیے این ڈی ایم اے کے تیار کردہ کامن الرٹ پروٹوکول (سی اے پی) کو بھی نافذ کیا گیا ہے۔

محکمہ سائنس و ٹیکنالوجی (ڈی ایس ٹی) نے 30 ریاستوں اور مرکز کے زیر انتظام علاقوں میں اسٹیٹ کلائمیٹ چینج سیلز (ایس سی سی سی) قائم کیے ہیں، جن کا مقصد ریاستوں کو خطرات کی تشخیص، صلاحیت سازی اور عوامی بیداری کے پروگراموں میں مدد فراہم کرنا ہے تاکہ کمیونٹیز کو موسمیاتی تبدیلی کے منفی اثرات سے نمٹنے کے لیے تیار کیا جا سکے۔

ہندوستانی محکمہ موسمیات نے ملک بھر کے مختلف تحقیقی اداروں کے تعاون سے نگرانی اور ابتدائی انتباہی نظام کو مضبوط بنانے کے لیے متعدد اقدامات کیے ہیں۔ ان کوششوں نے بدلتی ہوئی آب و ہوا کے تناظر میں شدید موسمی واقعات کے دوران جان و مال کے نقصان کو کم کرنے میں اہم کردار ادا کیا ہے۔

یہ معلومات ارتھ سائنسز اور سائنس و ٹیکنالوجی کے مرکزی وزیر مملکت (آزادانہ چارج) ڈاکٹر جتیندر سنگھ نے 18 مارچ 2026 کو لوک سبھا میں پیش کی تھیں۔

 

***

UR-4357

(ش ح۔اس ک  )

(ریلیز آئی ڈی: 2242065) وزیٹر کاؤنٹر : 6