ہندوستان نے جون 2025 میں غیر جیواشم ایندھن کے ذرائع سے اپنی نصب شدہ بجلی کی صلاحیت کا 50 فیصد حاصل کر کے توانائی کی منتقلی کے سفر میں ایک اہم سنگِ میل حاصل کیا ہے، جو پیرس معاہدے کے تحت اپنے قومی سطح پر طے شدہ شراکت (این ڈی سی) کے ہدف سے پانچ سال سے بھی زیادہ پہلے حاصل کر لیا گیا ہے۔ یہ اہم سنگِ میل آب و ہوا کی کارروائی اور پائیدار ترقی کے لیے ملک کے مضبوط عزم کی نشاندہی کرتا ہے۔

30 جون 2025 تک 484.82 گیگاواٹ کی کل نصب شدہ بجلی پیدا کرنے کی صلاحیت میں سے غیر جیواشم ایندھن پر مبنی نصب شدہ صلاحیت 242.78 گیگاواٹ تھی، جو کل نصب شدہ صلاحیت کا 50.08 فیصد ہے۔

کل نصب شدہ بجلی پیدا کرنے کی صلاحیت میں غیر جیواشم ایندھن کی صلاحیت کا حصہ 31 مارچ 2014 تک 32.54 فیصد سے بڑھ کر 31 دسمبر 2026 تک 51.93 فیصد ہو گیا ہے۔ اس کی تفصیلات ضمیمہ میں دی گئی ہیں۔

حکومت ہند نے توانائی کی منتقلی کے اقدامات کے ذریعے آب و ہوا کی تبدیلی کے چیلنجوں سے نمٹنے کے لیے متعدد اقدامات کیے ہیں۔ حکومت محفوظ، سستی اور پائیدار توانائی کے نظام کے قیام کے لیے اصلاحات نافذ کر رہی ہے تاکہ مضبوط اقتصادی ترقی کو تقویت دی جا سکے۔ اس مقصد کے لیے قابل تجدید توانائی کی نصب شدہ صلاحیت میں اضافہ اور معیشت کے تمام شعبوں میں توانائی کی کارکردگی کو فروغ دینے جیسے متعدد اقدامات کیے گئے ہیں۔

حکومت ہند نے 2030 تک 500 گیگاواٹ غیر جیواشم صلاحیت حاصل کرنے کے لیے کئی اقدامات کیے ہیں۔ ملک میں قابل تجدید توانائی کی صلاحیت کو فروغ دینے اور تیز کرنے کے لیے حکومت ہند کی جانب سے اٹھائے گئے اہم اقدامات درج ذیل ہیں:

• 30 جون 2025 تک شروع ہونے والے منصوبوں کے لیے شمسی اور ونڈ پاور کی بین ریاستی فروخت پر انٹر اسٹیٹ ٹرانسمیشن سسٹم (آئی ایس ٹی ایس) چارجز میں مکمل چھوٹ دی گئی ہے۔ اسی طرح جون 2028 تک شروع ہونے والے مشترکہ بی ای ایس ایس منصوبوں کے لیے (سالانہ 25 فیصد رعایت کے ساتھ)، ہائیڈرو پی ایس پی منصوبوں کے لیے جہاں جون 2028 تک تعمیراتی کام الاٹ کیا گیا ہو، دسمبر 2030 تک شروع ہونے والے گرین ہائیڈروجن منصوبوں کے لیے اور دسمبر 2032 تک شروع ہونے والے آف شور ونڈ منصوبوں کے لیے بھی 100 فیصد آئی ایس ٹی ایس چارجز معاف کیے گئے ہیں۔
• گرڈ سے منسلک شمسی، ونڈ، ونڈ-سولر ہائبرڈ اور فرم و ڈسپیچ ایبل قابل تجدید توانائی (ایف ڈی آر ای) منصوبوں سے بجلی کی خریداری کے لیے ٹیرف پر مبنی مسابقتی بولی کے عمل کے لیے معیاری رہنما خطوط جاری کیے گئے ہیں۔
• وزارت نئی و قابل تجدید توانائی (ایم این آر ای) نے مالی سال 2023-24 سے 2027-28 تک قابل تجدید توانائی نافذ کرنے والی ایجنسیوں (آر ای آئی اے) کے ذریعے سالانہ 50 گیگاواٹ قابل تجدید توانائی کی خریداری کے لیے بولیوں کا راستہ جاری کیا ہے۔
• آٹومیٹک روٹ کے تحت 100 فیصد تک براہ راست غیر ملکی سرمایہ کاری (ایف ڈی آئی) کی اجازت دی گئی ہے۔
• گرین انرجی کوریڈور اسکیم کے تحت قابل تجدید توانائی کے انخلا کے لیے نئی ٹرانسمیشن لائنوں کی تنصیب اور نئے سب اسٹیشنوں کی صلاحیت میں اضافہ کیا گیا ہے۔
• 2032 تک قابل تجدید توانائی کے تیز رفتار پھیلاؤ کے لیے درکار ٹرانسمیشن انفراسٹرکچر کو مضبوط بنانے کے لیے ٹرانسمیشن پلان تیار کیا گیا ہے۔
• بڑے پیمانے پر قابل تجدید توانائی کے منصوبوں کی تنصیب کے لیے شمسی پارکس اور الٹرا میگا سولر پاور پروجیکٹس کے قیام کی اسکیم نافذ کی جا رہی ہے تاکہ آر ای ڈویلپرز کو زمین اور ٹرانسمیشن سہولتیں فراہم کی جا سکیں۔
• پردھان منتری کسان ارجا سرکشا ایوم اتھان مہابھیان (پی ایم-کسم)، پی ایم سوریا گھر مفت بجلی یوجنا، اعلیٰ کارکردگی والے شمسی پی وی ماڈیولز پر قومی پروگرام، پردھان منتری جنجتی آدیواسی نیا مہا ابھیان (پی ایم جنمان) کے تحت نئی شمسی توانائی اسکیم (قبائلی اور پی وی ٹی جی بستیوں/دیہاتوں کے لیے)، دھرتی آبا جنجتی گرام اُتکرش ابھیان (ڈی اے جے جی یو اے)، نیشنل گرین ہائیڈروجن مشن اور آف شور ونڈ انرجی منصوبوں کے لیے وائبلٹی گیپ فنڈنگ (وی جی ایف) اسکیم شروع کی گئی ہیں۔
• حکومت ہند نے ستمبر 2023 میں بیٹری انرجی اسٹوریج سسٹم (بی ای ایس ایس) کی ترقی کے لیے وائبلٹی گیپ فنڈنگ (وی جی ایف) اسکیم کو منظوری دی۔ 13.22 گیگاواٹ گھنٹہ بی ای ایس ایس صلاحیت 3,760 کروڑ روپے کے بجٹ کے ساتھ زیر عمل ہے۔ بڑھتی ہوئی طلب کو مدنظر رکھتے ہوئے جون 2025 میں پاور سسٹم ڈیولپمنٹ فنڈ (پی ایس ڈی ایف) سے 5,400 کروڑ روپے کی مالی معاونت کے ساتھ 30 گیگاواٹ گھنٹہ بی ای ایس ایس صلاحیت کی ترقی کے لیے ایک اور وی جی ایف اسکیم کی منظوری دی گئی ہے۔
• قابل تجدید توانائی کی کھپت بڑھانے کے لیے قابل تجدید خریداری کی ذمہ داری (آر پی او) کے بعد قابل تجدید کھپت کی ذمہ داری (آر سی او) کو 2029-30 تک نوٹیفائی کیا گیا ہے۔ آر سی او، جو انرجی کنزرویشن ایکٹ 2001 کے تحت تمام نامزد صارفین پر لاگو ہوتا ہے، عدم تعمیل کی صورت میں جرمانے کا باعث بنے گا۔ اس میں غیر مرکزی قابل تجدید توانائی کے ذرائع سے مخصوص مقدار میں توانائی کی کھپت بھی شامل ہے۔
• آف شور ونڈ انرجی منصوبوں کے قیام کے لیے حکمت عملی جاری کی گئی ہے۔
• شمسی پی وی ماڈیولز کی گھریلو پیداوار بڑھانے کے لیے حکومت ہند اعلیٰ کارکردگی والے شمسی پی وی ماڈیولز کے لیے پیداوار سے منسلک ترغیبی (پی ایل آئی) اسکیم نافذ کر رہی ہے۔
• 12,723.5 میگاواٹ کے ہائیڈرو الیکٹرک منصوبے زیر تعمیر ہیں، جبکہ 4,274 میگاواٹ کے مزید منصوبے منصوبہ بندی کے مختلف مراحل میں ہیں اور انہیں 2031-32 تک مکمل کرنے کا ہدف رکھا گیا ہے۔
• بجلی کی وزارت نے قابل تجدید توانائی کے انضمام اور گرڈ کے استحکام کے لیے پمپڈ اسٹوریج پروجیکٹس (پی ایس پیز) کو فروغ دینے کے اقدامات شروع کیے ہیں۔ اس وقت ملک میں 11,870 میگاواٹ صلاحیت کے 10 پمپڈ اسٹوریج منصوبے زیر تعمیر ہیں۔

مزید برآں، جوہری توانائی میں طویل مدتی توانائی کی سلامتی کو یقینی بنانے کی بڑی صلاحیت موجود ہے اور یہ 2070 تک نیٹ زیرو کے ہدف کے حصول کے لیے ہندوستان کی صاف توانائی کی منتقلی میں اہم کردار ادا کرتی ہے۔ یہ بیس لوڈ بجلی کا ایک صاف اور ماحول دوست ذریعہ ہے۔

جوہری توانائی کے لائف سائیکل اخراج کا موازنہ قابل تجدید ذرائع جیسے ہائیڈرو اور ونڈ سے کیا جا سکتا ہے۔ حکومت ہند نے 2047 تک 100 گیگاواٹ جوہری توانائی کی صلاحیت حاصل کرنے کا ایک مہتواکانکشی ہدف مقرر کیا ہے۔

ضمیمہ

31 مارچ 2014 اور 31 دسمبر 2025 تک کل نصب شدہ بجلی پیدا کرنے کی صلاحیت میں غیر جیواشم ایندھن پر مبنی صلاحیت کے حصے کی تفصیلات درج ذیل ہیں:

یہ اطلاع بجلی کی وزارت میں ریاستی وزیر جناب شری پد نائک نے آج راجیہ سبھا میں ایک تحریری جواب میں دی۔

 

***

UR-4166

(ش ح۔اس ک  )

(ریلیز آئی ڈی: 2240967) وزیٹر کاؤنٹر : 12