مرکزی وزیرِ خزانہ محترمہ نرملا سیتا رمن نے آج لوک سبھا کو آگاہ کیا کہ ملک میں اس وقت ماہِ اپریل کے لیے کھاد کا مضبوط ذخیرہ 163 لاکھ میٹرک ٹن (ایل ایم ٹی) موجود ہے۔ یہ گزشتہ سال کے 128.54 ایل ایم ٹی کے ذخیرے کے مقابلے میں 26 فیصد کا نمایاں اضافہ ہے، جس کا سہرا حکومت کی دور اندیش منصوبہ بندی کو دیا گیا ہے۔ وزیرِ خزانہ نے بتایا کہ خریف سیزن کے لیے وافر مقدار میں ذخیرہ دستیاب ہے، جبکہ حکومت ضمنی مطالباتِ زر کے ذریعے پہلے ہی انتظامات کر رہی ہے تاکہ محکمۂ فرٹیلائزرز آئندہ ربیع سیزن کی تیاری مؤثر انداز میں کر سکے۔

وزیرِ خزانہ نے مالی سال 2025-26 کے بجٹ کے لیے اضافی مطالباتِ زر کی دوسری قسط پر بحث کے دوران ایوان سے خطاب کرتے ہوئے بتایا کہ حکومت کھاد کی سبسڈی کے لیے دوسرے اضافی مطالبات میں اصل بجٹ تخمینے کے مقابلے میں تقریباً 19 ہزار کروڑ روپے زیادہ خرچ کر رہی ہے۔ انہوں نے اس بات پر زور دیا کہ ضروری درآمدات کے ساتھ ساتھ ملکی پیداوار کو فروغ دینا حکومت کی بنیادی ترجیح ہے۔ ملک میں یوریا کی گھریلو پیداوار میں مسلسل اضافہ دیکھنے میں آیا ہے، جو مالی سال 2014-15 میں 225 ایل ایم ٹی (لاکھ میٹرک ٹن) سے بڑھ کر مالی سال 2024-25 میں 306.67 ایل ایم ٹی تک پہنچ گئی ہے۔

خود انحصاری کو مزید فروغ دینے کے لیے حکومت نے وزیرِ اعظم کی جانب سے شروع کی گئی نئی سرمایہ کاری پالیسی کے تحت 6نئی پیداواری اکائیاں پہلے ہی فعال کر دی ہیں۔ ان میں سے ہر اکائی کی اوسط سالانہ پیداواری صلاحیت 12.7 ایل ایم ٹی (لاکھ میٹرک ٹن) ہے، اور ان تمام اکائیوں نے مل کر ملک کی یوریا پیدا کرنے کی مجموعی صلاحیت میں 76.2 ایل ایم ٹی کا اضافہ کیا ہے۔ اس کے علاوہ 2015 کی نئی یوریا پالیسی کے تحت اوڈیشہ اور آسام میں دو نئے کارخانوں پر کام جاری ہے۔ توقع ہے کہ ان کے فعال ہونے کے بعد یوریا کی سالانہ پیداوار میں مزید 25.4 ایل ایم ٹی کا اضافہ ہوگا۔ نئی تنصیبات کے قیام کے ساتھ ساتھ حکومت موجودہ کارخانوں کی پیداواری صلاحیت میں بھی توسیع کر رہی ہے تاکہ زرعی ضروریات کو مؤثر طور پر پورا کیا جا سکے۔

India’s domestic urea production has surged from 225 LMT in 2014-15 to 306.67 LMT in 2024-25. The operationalization of 6 new units has already added 76.2 LMT to our national capacity. Hon. Finance minister Ms. @nsitharaman in Loksabha. pic.twitter.com/bJBrl8n4dj

— Department of Fertilizers (@fertmin_india) March 13, 2026

******

ش ح۔ ش ا ر۔ ول

Uno-4051

(ریلیز آئی ڈی: 2239961) وزیٹر کاؤنٹر : 12