ملک میں بجلی کی مناسب دستیابی موجود ہے۔ ملک کی موجودہ نصب شدہ پیداواری صلاحیت جنوری 2026 تک 520.51 گیگاواٹ ہے۔ حکومت ہند نے اپریل 2014 سے 296.388 گیگاواٹ نئی پیداواری صلاحیت کا اضافہ کرکے بجلی کی کمی کے اہم مسئلے کو حل کیا ہے۔

گزشتہ تین مالی برسوں اور موجودہ مالی سال یعنی 2025-26 (جنوری 2026 تک) کے لیے بجلی کی فراہمی کی صورتِ حال ضمیمہ میں دی گئی ہے۔ ’فراہم کردہ توانائی‘ عمومی طور پر ’توانائی کی ضرورت‘ کے مطابق رہی ہے اور دونوں کے درمیان صرف معمولی فرق پایا جاتا ہے، جو عموماً ریاستی ترسیل و تقسیم کے نیٹ ورک میں رکاوٹوں کی وجہ سے ہوتا ہے۔

مزید برآں، بجلی ایک مشترکہ موضوع ہونے کے باعث کسی بھی ریاست یا مرکز کے زیر انتظام علاقے میں صارفین، علاقوں، اضلاع اور شہروں کے مختلف زمروں کو بجلی کی فراہمی اور تقسیم متعلقہ ریاستی حکومت یا پاور یوٹیلیٹی کے دائرۂ اختیار میں آتی ہے۔ تمام صارفین، علاقوں، اضلاع اور شہروں کو مناسب بجلی فراہم کرنے کے لیے مختلف ذرائع سے مناسب مقدار میں بجلی کا انتظام کرنا متعلقہ تقسیم لائسنس یافتہ اداروں کی ذمہ داری ہے۔

حکومت ہند نے مالی طور پر پائیدار اور عملی طور پر مؤثر تقسیم کے شعبے کے ذریعے صارفین کو بجلی کی فراہمی کے معیار اور وشوسنییتا کو بہتر بنانے کے مقصد سے جولائی 2021 میں ریویمپڈ ڈسٹری بیوشن سیکٹر اسکیم (آر ڈی ایس ایس) کا آغاز کیا۔

آر ڈی ایس ایس کا ایک اہم مقصد مجموعی تکنیکی اور تجارتی (اے ٹی اینڈ سی) نقصانات کو پورے ملک میں 12-15 فیصد تک کم کرنا اور سپلائی کی اوسط لاگت (اے سی ایس) اور اوسط آمدنی (اے آر آر) کے درمیان فرق کو صفر تک لانا ہے۔ اس مقصد کے حصول کے لیے ریاستوں کی طرف سے پیش کردہ تجاویز کی بنیاد پر اس اسکیم کے تحت تقسیم کے بنیادی ڈھانچے کو مضبوط بنانے کے لیے 1.53 لاکھ کروڑ روپے اور اسمارٹ میٹرنگ کے لیے 1.30 لاکھ کروڑ روپے کے منصوبوں کو منظوری دی گئی ہے۔

اس اسکیم کے تحت تقسیم کے نیٹ ورک کو مضبوط بنانے کے لیے درج ذیل اقدامات کی منظوری دی گئی ہے:

• نئے سب اسٹیشنوں کا قیام اور موجودہ سب اسٹیشنوں کی اپ گریڈیشن
• نئے ڈسٹری بیوشن ٹرانسفارمرز (ڈی ٹیز) کی تنصیب اور موجودہ ڈی ٹیز میں اضافہ
• پرانے کنڈکٹرز کی تبدیلی
• ایچ ٹی اور ایل ٹی لائنوں کو زیرِ زمین کرنا
• زرعی فیڈروں کی علیحدگی

مزید برآں، اسمارٹ میٹرنگ کے منصوبے تقسیم کی یوٹیلیٹیز کی وصولی کی کارکردگی بہتر بنانے میں مدد دیتے ہیں اور خودکار توانائی اکاؤنٹنگ، بہتر لوڈ پیشن گوئی اور توانائی کی منتقلی کے لیے ایک مؤثر ماحولیاتی نظام کی سہولت جیسے فوائد فراہم کرتے ہیں۔ اس اسکیم کے تحت 19.79 کروڑ صارفین کا احاطہ کرتے ہوئے پری پیڈ اسمارٹ میٹرنگ کے منصوبوں اور 2.11 لاکھ فیڈروں اور 52.53 لاکھ ڈی ٹیز کے لیے اسمارٹ سسٹم میٹرنگ کے کاموں کو منظوری دی گئی ہے۔ اب تک آر ڈی ایس ایس کے تحت 4.55 کروڑ اسمارٹ میٹر نصب کیے جا چکے ہیں، جبکہ مختلف اسکیموں کے تحت ملک بھر میں مجموعی طور پر 5.97 کروڑ اسمارٹ میٹر لگائے گئے ہیں۔

ریاست آسام کے لیے اس اسکیم کے تحت 2.5 کروڑ صارفین کے پروجیکٹ منظور کیے گئے ہیں۔ نقصانات میں کمی کے بنیادی ڈھانچے کے کاموں کے لیے 3,395 کروڑ روپے اور اسمارٹ میٹرنگ کے کاموں کے لیے 4,050 کروڑ روپے منظور کیے گئے ہیں۔ ریاست آسام کے لیے ایڈوانسڈ میٹرنگ انفراسٹرکچر (اے ایم آئی) کے تحت 64.45 لاکھ اسمارٹ میٹر منظور کیے گئے ہیں، جن میں سے 50.36 لاکھ اسمارٹ میٹر 28 فروری 2026 تک نصب کیے جا چکے ہیں۔

اس اسکیم کے تحت فنڈز کا اجرا یوٹیلیٹیز کی آپریشنل اور مالی کارکردگی میں بہتری سے منسلک ہے، جس سے سرکاری سبسڈی اور حکومتی ادائیگیوں میں نظم و ضبط لانے میں مدد ملی ہے۔ اس کے علاوہ یوٹیلیٹیز کے محکموں کے واجبات کی ادائیگی، ٹیرف آرڈرز کا باقاعدہ اجرا، اکاؤنٹس کی بروقت اشاعت اور ریگولیٹری اثاثوں کی تخلیق نہ کرنے جیسے اقدامات بھی اس میں شامل ہیں۔

مرکزی اور ریاستی حکومتوں کی مشترکہ کوششوں کے نتیجے میں قومی سطح پر مجموعی تکنیکی اور تجارتی (اے ٹی اینڈ سی) نقصانات مالی سال 2020-21 میں 21.91 فیصد سے کم ہو کر مالی سال 2024-25 میں 15.04 فیصد رہ گئے ہیں۔ اسی طرح اے سی ایس-اے آر آر فرق 0.69 روپے فی کلو واٹ گھنٹہ سے کم ہو کر 0.06 روپے فی کلو واٹ گھنٹہ رہ گیا ہے۔ ان اجتماعی کوششوں کے نتیجے میں ڈسکومز نے پہلی مرتبہ 2701 کروڑ روپے کا ٹیکس کے بعد منافع (پی اے ٹی) حاصل کیا ہے۔

آسام پاور ڈسٹری بیوشن کمپنی لمیٹڈ (اے پی ڈی سی ایل) نے مالی سال 2020-21 میں اے ٹی اینڈ سی نقصانات کو 18.55 فیصد سے کم کرکے مالی سال 2024-25 میں 15.44 فیصد کر دیا ہے۔ اسی طرح اے سی ایس-اے آر آر فرق مالی سال 2020-21 میں 0.32 سے کم ہو کر مالی سال 2024-25 میں (0.26) رہ گیا ہے۔

ضمیمہ

گزشتہ تین مالی برسوں اور رواں مالی سال 2025-26 ، (جنوری  2026 تک) کے دوران توانائی کے لحاظ سے ملک میں آل انڈیا پاور سپلائی پوزیشن کی تفصیلات ذیل میں دی گئی ہیں۔

یہ معلومات بجلی کی وزارت میں وزیر مملکت جناب شری پد نائک نے آج لوک سبھا میں ایک تحریری جواب میں فراہم کیں۔

 

******

UR-3911

(ش ح۔اس ک  )

(ریلیز آئی ڈی: 2239240) وزیٹر کاؤنٹر : 12