یوتھ پارلیمنٹ پروگرام کو وسعت دینے اور دور دراز و دیہی علاقوں سمیت طلبہ کی وسیع تر شرکت کو یقینی بنانے کے لیے پارلیمانی امور کی وزارت نے نیشنل یوتھ پارلیمنٹ اسکیم (این وائی پی ایس) ویب پورٹل کے اپ گریڈ شدہ ورژن جاری کیا ہے، جسے این وائی پی ایس 2.0 کے نام سے جانا جاتا ہے۔

پچھلے ورژن کے برعکس، جو صرف تسلیم شدہ تعلیمی اداروں کے طلبہ تک محدود تھا، این وائی پی ایس 2.0 ملک بھر کے تمام تعلیمی اداروں، گروپوں اور حتیٰ کہ انفرادی شہریوں کے لیے بھی کھلا ہے۔ یہ جنس، ذات، نسل، مذہب، خطہ یا ملک میں مقام (بشمول دیہی علاقوں اور چھوٹے اداروں) سے قطع نظر شرکت کے لیے دستیاب ہے۔ نوجوانوں کی پارلیمنٹ کے اجلاس میں شرکت اور اس کے انعقاد کی تفصیلات درج ذیل ہیں۔

این وائی پی ایس – یوتھ پارلیمنٹ کی نشستیں

این وائی پی ایس 2.0 کے بارے میں شمولیت اور آگاہی بڑھانے کے لیے وزارت نے تمام ریاستی حکومتوں، مرکز کے زیرِ انتظام علاقوں کی انتظامیہ، ریاستوں و مرکز کے زیرِ انتظام علاقوں کی مقننہ، مختلف تعلیمی بورڈز (سی بی ایس ای، سی آئی ایس سی ای) کو خطوط ارسال کیے ہیں، اور سنسد ٹی وی پر وقتاً فوقتاً ایک تشہیری ویڈیو بھی نشر کی جاتی ہے۔

یہ معلومات قانون و انصاف کے وزیرِ مملکت (آزادانہ چارج) اور پارلیمانی امور کے وزیرِ مملکت جناب ارجن رام میگھوال نے آج لوک سبھا میں ایک تحریری جواب میں فراہم کیں۔

 

***

UR-3744

(ش ح۔اس ک  )

(ریلیز آئی ڈی: 2238610) وزیٹر کاؤنٹر : 8